സര്ക്കാര് സീല് ചെയ്ത മദ്റസ കെട്ടിടം തുറന്നുകൊടുക്കാന് ഉത്തരവിട്ട് ഉത്തരാഖണ്ഡ് ഹൈക്കോടതി
നൈനിറ്റാള്: നിയമവിരുദ്ധമായി പ്രവര്ത്തിച്ചെന്ന് ആരോപിച്ച് സര്ക്കാര് സീല് ചെയ്ത മദ്റസ കെട്ടിടം തുറന്നുകൊടുക്കാന് ഉത്തരവിട്ട് ഉത്തരാഖണ്ഡ് ഹൈക്കോടതി. സര്ക്കാരിന്റെ അനുമതിയില്ലാതെ കെട്ടിടത്തില് മദ്റസ പഠനം നടത്തില്ലെന്ന വ്യവസ്ഥയുടെ അടിസ്ഥാനത്തിലാണ് ജസ്റ്റിസ് രവീന്ദ്ര മൈതാനിയുടെ ഇടക്കാല ഉത്തരവ്. ഡെറാഡൂണിലെ ഇനാമുല് ഉലൂം മദ്റസ നല്കിയ ഹരജിയിലാണ് ഇടക്കാല ഉത്തരവ്.
സംസ്ഥാനസര്ക്കാരിലോ സര്ക്കാരിന് കീഴിലെ മദ്റസാ ബോര്ഡിലോ റജിസ്റ്റര് ചെയ്തില്ലെന്ന് പറഞ്ഞ് 136 മദ്റസകളാണ് സര്ക്കാര് സീല് ചെയ്തിരുന്നത്. ഇതിനെ ചോദ്യം ചെയ്താണ് ഇനാമുല് ഉലൂം മദ്റസ ഹൈക്കോടതിയെ സമീപിച്ചത്. എന്ത് നിയമത്തിന്റെ അടിസ്ഥാനത്തിലാണ് കെട്ടിടം സീല് ചെയ്തതെന്ന് കോടതി സര്ക്കാരിനോട് ചോദിച്ചു.
സര്ക്കാര് ഉത്തരവ് പ്രകാരമുള്ള വ്യവസ്ഥകള് പാലിക്കാതെയാണ് മദ്റസ പ്രവര്ത്തിച്ചിരുന്നതെന്ന് സര്ക്കാരിന് വേണ്ടി ഹാജരായ അഡ്വക്കറ്റ് ജനറല് എസ് എന് ബാബുല്കര് ആരോപിച്ചു. സര്ക്കാരിന്റെ വാദം വാദത്തിന് വേണ്ടി അംഗീകരിക്കുകയാണെങ്കില് തന്നെ കെട്ടിടം സീല് ചെയ്തത് ന്യായീകരിക്കാനാവില്ലെന്ന് ഹരജിക്കാര് ചൂണ്ടിക്കാട്ടി. കാരണം കാണിക്കല് നോട്ടീസ് നല്കാതെയും മദ്റസക്കാര്ക്ക് പറയാനുള്ളത് കേള്ക്കാതെയുമാണ് കെട്ടിടം സീല് ചെയ്തതെന്ന് ഹൈക്കോടതിയും നിരീക്ഷിച്ചു. തുടര്ന്നാണ് മദ്റസ കെട്ടിടം തുറന്നുകൊടുക്കാന് ഇടക്കാല ഉത്തരവിറക്കിയത്. കേസില് അന്തിമതീര്പ്പുണ്ടാവുന്നതു വരെ കെട്ടിടത്തില് മദ്റസ പഠനം പാടില്ലെന്നും കോടതി വ്യക്തമാക്കി. കേസ് ഇനി ജൂണ് 11നാണ് പരിഗണിക്കുക.
മഹാരാഷ്ട്രയില് ബഹുനില കെട്ടിടം തകര്ന്ന് എട്ടുമരണം; 25 പേരെ...
21 Sep 2020 2:40 AM GMTമലയാറ്റൂരില് പാറമടയില് പൊട്ടിത്തെറി; രണ്ട് അന്തര്സംസ്ഥാന...
21 Sep 2020 2:18 AM GMTകോഴിക്കോട് നാദാപുരത്ത് പുഴയില് കുളിക്കാനിറങ്ങിയ യുവാവ്...
21 Sep 2020 2:00 AM GMTസംസ്ഥാനത്തെ റേഷന്കടകള്ക്ക് ഇന്ന് അവധി
21 Sep 2020 1:36 AM GMTസംസ്ഥാനത്ത് ഇന്നും അതിതീവ്ര മഴ; പത്ത് ജില്ലകളില് ഓറഞ്ച് അലര്ട്ട്,...
21 Sep 2020 1:24 AM GMTരണ്ട് പുതിയ കണ്ടെയ്ന്മെന്റ് സോണുകള്; കോട്ടയം ജില്ലയില് ആകെ 32...
21 Sep 2020 12:50 AM GMT
