യുപി ബാര്‍ കൗണ്‍സില്‍ പ്രസിഡന്റ് കോടതിയില്‍ വെടിയേറ്റു മരിച്ചു

ലഖ്‌നോ: പുതുതായി തിരഞ്ഞെടുക്കപ്പെട്ട യുപി ബാര്‍ കൗണ്‍സില്‍ പ്രസിഡന്റ് ദര്‍വേശ് യാദവ് വെടിയേറ്റു മരിച്ചു. ആഗ്ര സിവില്‍ കോടതിയിലാണ് സംഭവം. മറ്റൊരു അഭിഭാഷകനായ മനീഷ് ശര്‍മയാണ് യാദവിനെതിരേ കോടതി പരിസരത്ത് വച്ച് മൂന്നു തവണ വെടിവച്ചത്. ആശുപത്രിയിലേക്കുള്ള വഴിയിലാണ് ദര്‍വേശ് യാദവ് മരിച്ചത്.

സ്വയം വെടിവച്ച ശര്‍മയെയും ഗുരുതര നിലയില്‍ ആശുപത്രിയില്‍ പ്രവേശിപ്പിച്ചു. യുപി ബാര്‍ കൗണ്‍സില്‍ പ്രസിഡന്റായി തിരഞ്ഞെടുക്കപ്പെട്ട ആദ്യ വനിതയാണ് ദര്‍വേശ് യാദവ്. രണ്ട് ദിവസം മുമ്പാണ് ഇവര്‍ തിരഞ്ഞെടുക്കപ്പെട്ടത്. കോടതിയില്‍ സ്വീകരണ പരിപാടിയില്‍ പങ്കെടുക്കവേയാണ് വെടിയേറ്റത്. അക്രമത്തിന്റെ കാരണത്തെക്കുറിച്ച് പോലിസ് അന്വേഷിച്ചുവരികയാണ്‌