തൃക്കാക്കര ഉപതിരഞ്ഞെടുപ്പ്: ഒന്നാം റൗണ്ട് വോട്ടെണ്ണല് പൂര്ത്തിയാവുമ്പോള് ഉമ തോമസ് മുന്നില്
ആദ്യറൗണ്ടില് യുഡിഎഫ് നേടിയത് 1887 വോട്ടുകളും എല്ഡിഎഫ് 1290 വോട്ടുകളുമാണ് നേടിയത്.
കൊച്ചി: തൃക്കാക്കര ഉപതെരഞ്ഞെടുപ്പിന്റെ വോട്ടെണ്ണല് ആരംഭിച്ചു. ആദ്യ റൗണ്ട് വോട്ടെണ്ണല് പൂര്ത്തിയാവുമ്പോള് യുഡിഎഫ് സ്ഥാനാര്ത്ഥി ഉമ തോമസ് ലീഡ് ചെയ്യുകയാണ്. പോസ്റ്റല്, സര്വീസ് വോട്ടുകള് എണ്ണിയപ്പോള് ഉമ തോമസിന് മൂന്നും എല്ഡിഎഫിന്റെ ജോ ജോസഫിനും ബിജെപിയുടെ എ എന് രാധാകൃഷ്ണനും രണ്ടു വോട്ടു വീതവും ലഭിച്ചു. മൂന്ന് വോട്ട് അസാധുവുമായി.
ആദ്യറൗണ്ടില് യുഡിഎഫ് നേടിയത് 1887 വോട്ടുകളും എല്ഡിഎഫ് 1290 വോട്ടുകളുമാണ് നേടിയത്.
വോട്ടെണ്ണല് രണ്ടാം റൗണ്ടിലേക്ക് കടക്കുമ്പോള് യുഡിഎഫിന് 1989 വോട്ടുകളും എല്ഡിഎഫിന് 1388 വോട്ടുകളുമാണ് ലഭിച്ചത്.
പോസ്റ്റല്, സര്വീസ് വോട്ടുകള് എണ്ണിയതിന് ശേഷമാണ് ഇലക്ട്രോണിക് വോട്ടിംഗ് യന്ത്രങ്ങളിലെ വോട്ടുകള് എണ്ണാനാരംഭിച്ചത്. എറണാകുളം മഹാരാജാസ് കോളജില് രാവിലെ എട്ടു മണിക്കാണ് വോട്ടെണ്ണല് ആരംഭിച്ചത്. വോട്ടെണ്ണാന് 21 മേശകളാണ് സജ്ജീകരിച്ചിരിക്കുന്നത്. ഒരു റൗണ്ടില് 21 വോട്ടിങ് മെഷീനുകള് എണ്ണി തീര്ക്കും. അങ്ങിനെ പതിനൊന്ന് റൗണ്ടുകള് പൂര്ത്തിയാകുന്നതോടെ പുതിയ ജനപ്രതിനിധി ആരെന്ന് വ്യക്തമാകും.
കോര്പ്പറേഷന് പരിധിയിലെ ബൂത്തുകളാണ് ആദ്യം എണ്ണുന്നത്. 239 ബൂത്തുകളിലായി 1,35,342 വോട്ടര്മാര്മാരാണ് ചൊവ്വാഴ്ച ജനഹിതം രേഖപ്പെടുത്തിയത്. യുഡിഎഫിനായി ഉമ തോമസ്, എല്ഡിഎഫിനായി ഡോ. ജോ ജോസഫ്, എന്ഡിഎയുടെ എഎന് രാധാകൃഷ്ണന് എന്നിവരാണ് മത്സരരംഗത്തുള്ള പ്രമുഖ സ്ഥാനാര്ത്ഥികള്. പി ടി തോമസിന്റെ ആകസ്മിക നിര്യാണത്തെത്തുടര്ന്നാണ് തൃക്കാക്കരയില് ഉപതെരഞ്ഞെടുപ്പ് വേണ്ടി വന്നത്.
RELATED STORIES
അമിത് ഷാ സഞ്ചരിച്ച ഹെലികോപ്ടറിന് പറന്നുയരുന്നതിനിടെ നിയന്ത്രണം...
29 April 2024 12:58 PM GMTഹേമന്ത് സോറന്റെ അറസ്റ്റ്; എന്ഫോഴ്സ്മെന്റ് ഡയറക്ടറേറ്റിന്...
29 April 2024 12:56 PM GMTസുനിതയും അതിഷിയും തിഹാർ ജയിലിലെത്തി കെജ് രിവാളിനെ കണ്ടു
29 April 2024 12:47 PM GMTആരാധനാലയങ്ങളുടെ പേരില് വോട്ട് തേടി; മോദിയെ അയോഗ്യനാക്കണമെന്ന ഹരജി...
29 April 2024 12:23 PM GMTഅമിത് ഷായുടെ കൃത്രിമ വീഡിയോ; തെലങ്കാന മുഖ്യമന്ത്രിക്ക് പോലിസിന്റെ...
29 April 2024 12:10 PM GMTമുന് കേന്ദ്രമന്ത്രി ശ്രീനിവാസ പ്രസാദ് അന്തരിച്ചു
29 April 2024 10:09 AM GMT