ബസും ഓട്ടോയും കൂട്ടിയിടിച്ച് മൂന്ന് മരണം

അഞ്ചല്‍: കൊല്ലം അഞ്ചലില്‍ ബസും ഓട്ടോറിക്ഷയും കൂട്ടിയിടിച്ച് മൂന്നുപേര്‍ മരിച്ചു. ഓട്ടോയില്‍ ഉണ്ടായിരുന്ന ശ്രുതി ലക്ഷ്മി (16), ജ്യോതി ലക്ഷ്മി (21), ഡ്രൈവര്‍ അക്ഷയ് (23) എന്നിവരാണ് മരിച്ചത്. അഞ്ചല്‍ പുനലൂര്‍ പാതയിലെ മാവിളയില്‍ ഇന്ന് പുലര്‍ച്ചെയായിരുന്നു അപകടം. ആന്ധ്രാപ്രദേശില്‍ നിന്നുള്ള അയ്യപ്പഭക്തര്‍ സഞ്ചരിച്ചിരുന്ന ബസും അഞ്ചലില്‍ നിന്നും പുനലൂരിലേക്ക് പോവുകയായിരുന്ന ഓട്ടോറിക്ഷയുമാണ് കൂട്ടിയിടിച്ചത്. ചൂരക്കുളത്തെ ജ്യോതിലക്ഷ്മിയുടെ വീട്ടില്‍ നിന്നും ശ്രുതിലക്ഷ്മിയുടെ വീട്ടിലേക്ക് പോകുകയായിരുന്നു ഓട്ടോ. അപകട സ്ഥലത്ത് വെച്ചുതന്നെ ഓട്ടോ ഡ്രൈവര്‍ അക്ഷയ് മരിച്ചു. അഞ്ചല്‍ പൊലീസ് തുടര്‍നടപടികള്‍ സ്വീകരിച്ചു.