ശബരിമല കേസില് പുതിയ സത്യവാങ്മൂലം; ദേവസ്വം ബോര്ഡിന്റെ അടിയന്തിര യോഗം ഇന്ന്
വൈകീട്ട് മൂന്നിനാണ് യോഗം. യുവതീ പ്രവേശനത്തെ അനുകൂലിച്ചുള്ള മുന് നിലപാടില് മാറ്റം വരുത്താനാണ് ശ്രമം. ആചാര അനുഷ്ഠാനങ്ങള് വിലയിരുത്തി പുതിയ സത്യവാങ്മൂലം നല്കുമെന്നാണ് ദേവസ്വം പ്രസിഡന്റ് എന് വാസു കഴിഞ്ഞ ദിവസം പറഞ്ഞത്.
തിരുവനന്തപുരം: ശബരിമല യുവതീ പ്രവേശന കേസില് സുപ്രിംകോടതിയില് പുതിയ സത്യവാങ്മൂലം നല്കുന്നതിനെ കുറിച്ച് ചര്ച്ച ചെയ്യാന് തിരുവിതാംകൂര് ദേവസ്വം ബോര്ഡ് ഇന്ന് യോഗം ചേരും. വൈകീട്ട് മൂന്നിനാണ് യോഗം. യുവതീ പ്രവേശനത്തെ അനുകൂലിച്ചുള്ള മുന് നിലപാടില് മാറ്റം വരുത്താനാണ് ശ്രമം. ആചാര അനുഷ്ഠാനങ്ങള് വിലയിരുത്തി പുതിയ സത്യവാങ്മൂലം നല്കുമെന്നാണ് ദേവസ്വം പ്രസിഡന്റ് എന് വാസു കഴിഞ്ഞ ദിവസം പറഞ്ഞത്. ദേവസ്വം ബോര്ഡിന് സ്വതന്ത്ര നിലപാട് എടുക്കാമെന്നാണ് സര്ക്കാരിന്റെ നിലപാട്.
യുവതീപ്രവേശന കേസുകള് പരിഗണിക്കാന് സുപ്രിംകോടതി ഒമ്പതംഗ ഭരണഘടനാ ബെഞ്ച് രൂപീകരിച്ചതിന് പിന്നാലെയാണ് ദേവസ്വം ബോര്ഡിന്റെ നിര്ണായകമായ നീക്കം. ഇക്കഴിഞ്ഞ ഫെബ്രുവരിയില് എ പത്മകുമാര് അധ്യക്ഷനായ ദേവസ്വം ബോര്ഡ് യുവതീപ്രവേശന വിധിയെ അനുകൂലിക്കുന്ന നിലപാടാണ് കോടതിയിലെടുത്തത്. റിവ്യു ഹര്ജി കൊടുക്കാന് വിസമ്മതിച്ച ബോര്ഡ് നല്കിയിരുന്നത് വിധി നടപ്പാക്കാനുള്ള സാവകാശഹര്ജി ആയിരുന്നു. എന്നാല്, എന് വാസുവിന്റെ നേതൃത്വത്തിലെ പുതിയ ബോര്ഡ് നിലപാട് മാറ്റത്തിനൊരുങ്ങുകയാണ്. യുവതീ പ്രവേശനത്തിനായി ശക്തിയായി വാദിച്ച സര്ക്കാറിന്റെ പിന്തുണയും ഇപ്പോള് ബോര്ഡിനുണ്ട്.
സമാധാനാന്തരീക്ഷത്തില് പുരോഗമിക്കുന്ന നിലവിലെ മണ്ഡലമകരവിളക്ക് കാലവും വരുമാനം കൂടിയതുമൊക്കെ പരിഗണിച്ചാണ് ബോര്ഡിന്റെ നിലപാട് മാറ്റം. ബോര്ഡിന്റെ സത്യവാങ്മൂലം വഴി ശബരിമല പ്രശ്ത്തിലെ എതിര്പ്പ് കുറക്കാനാകുമെന്നാണ് സര്ക്കാര് നിലപാട്. സുപ്രിം കോടതി അന്തിമതീരുമാനം എടുക്കും മുമ്പ് ഹിന്ദുമത ആചാര്യന്മാരുടെ അഭിപ്രായം കണക്കിലെടുക്കണമെന്ന് ദേവസ്വം മന്ത്രി കഴിഞ്ഞ ദിവസം വ്യക്തമാക്കിയിരുന്നു.
RELATED STORIES
പ്രധാനമന്ത്രിയുടെ പ്രസംഗം എക്സ് ഹാന്റിലിൽ പങ്കുവെച്ചു; ബിജെപിക്കെതിരെ...
25 April 2024 7:34 AM GMTദ്വിരാഷ്ട്ര പരിഹാരം നടപ്പാക്കിയാല് ആയുധം താഴെവയ്ക്കാമെന്ന് ഹമാസ്
25 April 2024 6:52 AM GMT70 ബന്ദികളെ ഇസ്രായേല് കൊലപ്പെടുത്തിയെന്ന് അമേരിക്കന്-ഇസ്രായേലി...
25 April 2024 6:33 AM GMTമമത ബാനര്ജിക്കെതിരെ അപമാനകരമായ വാക്കുകള് ഉപയോഗിച്ച സുവേന്ദു...
25 April 2024 6:14 AM GMTവെറ്റിലയും ചുണ്ണാമ്പും നല്കിയാല് ആദിവാസികള് വോട്ട് ചെയ്യുമെന്ന...
25 April 2024 6:12 AM GMTതിരഞ്ഞെടുപ്പ് ഡ്യൂട്ടിക്ക് പോയ ഉദ്യോഗസ്ഥന് കാറിടിച്ചു മരിച്ചു
25 April 2024 6:10 AM GMT