യുപിയില്‍ മുന്‍ സൈനിക ഓഫിസറെ വീട്ടില്‍ കയറി തല്ലിക്കൊന്നു

അമേത്തി: മുന്‍ സൈനിക ഓഫിസറായ 64കാരനെ വീട്ടില്‍ കയറി തല്ലിക്കൊന്നു. ഉത്തര്‍പ്രദേശിലെ അമേത്തിയില്‍ ഗോദിയാന്‍ കാപുര്‍വ ഗ്രാമത്തിലാണ് സംഭവം.

ശനിയാഴ്ച രാത്രി ഭാര്യക്കും മകനുമൊപ്പം വീട്ടിലിരിക്കെയാണ് അമാനുല്ല എന്ന മുന്‍ സൈനിക ഓഫിസര്‍ ക്രൂരമായി കൊല്ലപ്പെട്ടത്. വീട്ടിലേക്കു അതിക്രമിച്ചു കയറിയ അക്രമികള്‍ അമാനുല്ലയെ വടികളും മറ്റുമുപയോഗിച്ചു ആക്രമിക്കുകയുമായിരുന്നെന്നും തലക്കു ഗുരുതര പരിക്കേറ്റ പിതാവ് സ്ഥലത്തു തന്നെ മരിച്ചെന്നും മകന്‍ പറഞ്ഞതായി എസ്പി ദയാറാം പറഞ്ഞു.

മൃതശരീരം പോസ്റ്റ്‌മോര്‍ട്ടത്തിനയച്ചുവെന്നും റിപോര്‍ട്ടു ലഭിച്ചശേഷം കൂടുതല്‍ നടപടികള്‍ കൈക്കൊള്ളുമെന്നും എസ് പി വ്യക്തമാക്കി.