ചെങ്കോട്ട മെട്രോ സ്‌ഫോടം അപലപനീയം: എസ്ഡിപിഐ

ന്യൂഡല്‍ഹി: ചെങ്കോട്ട മെട്രോ സ്റ്റേഷന് സമീപമുണ്ടായ സ്‌ഫോടനത്തില്‍ ഒമ്പതു പേര്‍ക്ക് ജീവന്‍ നഷ്ടപ്പെടുകയും നിരവധി പേര്‍ക്ക് പരിക്കേല്‍ക്കുകയും ചെയ്ത ദാരുണമായ സംഭവത്തില്‍ എസ്ഡിപിഐ ദേശീയ വൈസ് പ്രസിഡന്റ് അഡ്വ. ഷറഫുദ്ദീന്‍ അഹമദ് അഗാധമായ ഞെട്ടലും ദുഃഖവും രേഖപ്പെടുത്തി. നമ്മുടെ രാജ്യത്തിന്റെ ചരിത്രപരമായ ഹൃദയഭാഗത്ത് നിരപരാധികളായ സാധാരണക്കാര്‍ക്ക് നേരെ നടന്ന ഭീരുത്വപരമായ ആക്രമണം സമൂഹത്തിന്റെ എല്ലാ വിഭാഗങ്ങളില്‍ നിന്നും ശക്തമായ അപലപനം അര്‍ഹിക്കുന്നു. മരിച്ചവരുടെ കുടുംബാംഗങ്ങള്‍ക്ക് പാര്‍ട്ടിയുടെ അനുശോചനം അറിയിക്കുന്നു. പരിക്കേറ്റവര്‍ എത്രയും വേഗം സുഖം പ്രാപിക്കാന്‍ പ്രാര്‍ത്ഥിക്കുകയും ചെയ്യുന്നു.

അന്വേഷണങ്ങള്‍ പുരോഗമിക്കവെ, ഈ ക്രൂരമായ പ്രവൃത്തിക്ക് പിന്നിലെ ലക്ഷ്യം വ്യക്തമാണ്. അത് ഭയം പരത്താനും സാമുദായിക സൗഹാര്‍ദ്ദം തകര്‍ക്കാനും രാഷ്ട്രീയ ഭിന്നതകളെ മുതലെടുക്കാനും ലക്ഷ്യമിടുന്നു. ബിഹാര്‍ തിരഞ്ഞെടുപ്പുമായി ബന്ധപ്പെട്ടും അടുത്തിടെ നടന്ന സ്‌ഫോടകവസ്തുക്കളുടെ പിടിച്ചെടുക്കലുമായി ഒത്തുപോകുന്നതുമായ ഈ സമയത്തെ സംഭവം ഗൗരവമായ ആശങ്കകള്‍ ഉയര്‍ത്തുന്നു. പിരിമുറുക്കങ്ങള്‍ വര്‍ദ്ധിപ്പിക്കാനും സാമൂഹിക ധ്രുവീകരണം ആഴത്തിലാക്കാനും സാധ്യതയുള്ള വിഭജനപരമായ നിലപാടുകളില്‍ നിന്നും വിട്ടുനില്‍ക്കാന്‍ എസ്ഡിപിഐ എല്ലാവരോടും അഭ്യര്‍ത്ഥിക്കുന്നു.

സംഭവം നടത്തിയവരെയും അവരെ പിന്തുണയ്ക്കുന്നവരെയും തിരിച്ചറിയാനും പുറത്തുകൊണ്ടുവരാനും നീതിന്യായ മേല്‍നോട്ടത്തില്‍ ഒരു അടിയന്തരവും സ്വതന്ത്രവുമായ അന്വേഷണം ഞങ്ങള്‍ ആവശ്യപ്പെടുന്നു. പക്ഷപാതമില്ലാതെയും രാഷ്ട്രീയ സ്വാധീനമില്ലാതെയും നീതി നടപ്പാക്കണം. ഇത്തരം ദുരന്തങ്ങള്‍ ഭാവിയില്‍ തടയുന്നതിനും, അവയ്ക്ക് കാരണമാകുന്ന വ്യവസ്ഥാപരമായ വീഴ്ചകള്‍ പരിഹരിക്കുന്നതിനും വേണ്ടി സര്‍ക്കാര്‍ രഹസ്യാന്വേഷണ സംവിധാനങ്ങളും പൊതു സുരക്ഷാ നടപടികളും ശക്തിപ്പെടുത്തണമെന്നും അദ്ദേഹം ആവശ്യപ്പെട്ടു.