ഗള്‍ഫ് രാജ്യങ്ങളില്‍ റമദാന്‍ ഒന്ന് തിങ്കളാഴ്ച്ച

റിയാദ്: ഗള്‍ഫ് രാജ്യങ്ങളില്‍ റമദാന്‍ വ്രതാരംഭം തിങ്കളാഴ്ച്ച ആയിരിക്കുമെന്ന് ബന്ധപ്പെട്ട അധികൃതര്‍ വ്യക്തമാക്കി. ഇന്ന് എവിടെയും മാസപ്പിറവി കണ്ടതായി വിവരം ലഭിക്കാത്തതിനാല്‍ നാളെ ശഅ്ബാന്‍ 30 പൂര്‍ത്തിയാക്കി തിങ്കളാഴ്ച്ച റമദാന് തുടക്കം കുറിക്കുമെന്ന് ഖത്തര്‍ മതകാര്യ മന്ത്രാലയം അറിയിച്ചു. റമദാന്‍ വ്രതാരംഭം തിങ്കളാഴ്ച്ച ആയിരിക്കുമെന്ന് സൗദി അറേബ്യ സുപ്രിം കോര്‍ട്ടും ബഹ്‌റയ്ന്‍ സുപ്രിം കൗണ്‍സില്‍ ഓഫ് ഇസ്‌ലാമിക് അഫയേഴ്‌സും അറിയിച്ചു.