റെയില്‍വേ സ്‌റ്റേഷനില്‍ വച്ച് നടിയോട് മോശമായി പെരുമാറിയെന്ന്; പോര്‍ട്ടര്‍ അറസ്റ്റില്‍

തിരുവനന്തപുരം: കൊച്ചുവേളി റെയില്‍വേ സ്റ്റേഷനില്‍ വച്ച് സിനിമാനടിയോട് ലൈംഗികാതിക്രമം നടത്തിയെന്ന ആരോപണത്തില്‍ പോര്‍ട്ടറെ പേട്ട പോലിസ് പിടികൂടി. അരുണ്‍ എന്നയാളാണ് അറസ്റ്റിലായത്. കഴിഞ്ഞ വ്യാഴാഴ്ച ഷൂട്ടിങ് സംബന്ധമായ യാത്രയ്ക്കായി സ്റ്റേഷനിലെത്തിയ നടിയോട് ഇയാള്‍ മോശമായി പെരുമാറിയെന്നാണ് കേസ്. അപ്പുറത്തെ പ്ലാറ്റ്‌ഫോമിലേക്കു കടക്കാന്‍ സഹായിക്കാമെന്നും നിര്‍ത്തിയിട്ടിരിക്കുന്ന ട്രെയിനിന്റെ കോച്ച് വഴി അപ്പുറത്തെത്തിക്കാമെന്നും പറഞ്ഞാണ് ഇയാള്‍ നടിയെ സമീപിച്ചത്. തുടര്‍ന്ന് ട്രെയിനില്‍ കയറുന്നതിനിടെ കയറിപ്പിടിച്ചെന്നാണ് ആരോപണം.