ഇന്ത്യ വിരുദ്ധ നിലപാടുകള് ശരിവച്ച് ജനവിധി; മാലദ്വീപ് തിരഞ്ഞെടുപ്പില് പ്രസിഡന്റ് മുഹമ്മദ് മുയിസുവിന്റെ പാര്ട്ടി വന് ഭൂരിപക്ഷത്തിലേക്ക്
മാലദ്വീപിലെ പാര്ലമെന്റ് തിരഞ്ഞെടുപ്പില് പ്രസിഡന്റ് മുഹമ്മദ് മുയിസുവിന്റെ പീപ്പിള്സ് നാഷനല് കോണ്ഗ്രസ് (പിഎന്സി) പാര്ട്ടി വന് ഭൂരിപക്ഷത്തിലേക്ക്. വോട്ടെണ്ണല് പുരോഗമിക്കുമ്പോള് 90 സീറ്റുകളില് 86 സീറ്റുകളിലെ ഫലം വന്നപ്പോള് 66 എണ്ണത്തിലും പിഎന്സി വിജയം ഉറപ്പിച്ചെന്ന് അന്താരഷ്ട്ര മാധ്യമങ്ങള് റിപ്പോര്ട്ട് ചെയ്യുന്നു.
എന്നാല് ഫലപ്രഖ്യാപനം സംബന്ധിച്ച ഔദ്യോഗിക പ്രഖ്യാപനങ്ങള്ക്ക് ഒരാഴ്ചയോളം എടുക്കും. മെയ് ആദ്യത്തിലായിരിക്കും പുതിയ അസംബ്ലി പ്രാബല്യത്തില് വരിക. പ്രധാന പ്രതിപക്ഷമായ മാലദ്വീപ് ഡെമോക്രാറ്റിക് പാര്ട്ടി (എംഡിപി)ക്ക് 10 സീറ്റുകള് ലഭിച്ചപ്പോള് 9 സീറ്റുകളില് സ്വതന്ത്രര്ക്കാണ് മുന്നേറ്റമെന്നും റിപ്പോര്ട്ടുകള് പറയുന്നു.
കഴിഞ്ഞ സെപ്റ്റംബറിലാണ് പീപ്പിള്സ് നാഷണല് കോണ്ഗ്രസ് (പിഎന്സി) നേതാവായ മുയിസു അധികാരത്തിലെത്തിയത്. പ്രസിഡന്റ് മുഹമ്മദ് മുയിസുവിന്റെ സര്ക്കാരിന് ജനപിന്തുണയുണ്ടെന്ന് ഉറപ്പിക്കുന്നതു കൂടിയാണ് തിരഞ്ഞെടുപ്പ് ഫലം. മുഹമ്മദ് മുയിസുവിന്റെ വിദേശ നയം ജനം സ്വീകരിക്കുമോ എന്നതുകൂടിയാണ് തിരഞ്ഞെടുപ്പില് പരിശോധിക്കപ്പെട്ടത്. അതുകൊണ്ടുതന്നെ ഇന്ത്യക്കും ചൈനക്കും നിര്ണായകമാണ് തിരഞ്ഞെടുപ്പ് ഫലം.
മുയിസു കടുത്ത ഇന്ത്യാവിരുദ്ധ നിലപാടുകള് സ്വീകരിച്ചതോടെയാണ് ഇരു രാജ്യങ്ങളും തമ്മിലുള്ള ബന്ധത്തില് ഉലച്ചിലുകളുണ്ടായത്. മാലദ്വീപിലുള്ള മുഴുവന് ഇന്ത്യന് സൈനികരെയും പിന്വലിക്കണമെന്ന് മുയിസു ആവശ്യപ്പെട്ടത് വലിയ പ്രശ്നങ്ങള് സൃഷ്ടിച്ചു. നീണ്ട ചര്ച്ചകള്ക്കൊടുവില്, മേയ് പത്തോടെ മുഴുവന് സൈനികരെയും പിന്വലിക്കാന് ഇരു രാജ്യങ്ങളും തമ്മില് ധാരണയിലെത്തി. ഇന്ത്യന്സൈനികരിലെ ആദ്യസംഘം മാലദ്വീപില്നിന്ന് മടങ്ങുകയും ചെയ്തു.
പ്രധാനമന്ത്രി നരേന്ദ്രമോദിയുടെ ലക്ഷദ്വീപ് സന്ദര്ശനവുമായി ബന്ധപ്പെട്ട് മാലദ്വീപിലെ മൂന്നുമന്ത്രിമാര് നടത്തിയ അധിക്ഷേപ പരാമര്ശങ്ങളും ബന്ധം വഷളാക്കി. മാലദ്വീപ് ഭരണാധികാരികള് അധികാരമേറ്റാല് ആദ്യം സന്ദര്ശിക്കുന്ന രാജ്യം ഇന്ത്യ ആയിരുന്നു. ഈ കീഴ്വഴക്കവും മുയിസു തെറ്റിച്ചു. യുഎഇ സന്ദര്ശനത്തിനുപിന്നാലെ ചൈനയിലേക്ക് മുയിസു പോയി. ചൈനയുമായി ഒട്ടേറെ വിഷയങ്ങളില് നിര്ണായക കരാറുകളുണ്ടാക്കുകയും ചെയ്തു.
ഇന്ത്യന് മഹാസമുദ്രത്തില് സ്ഥിതി ചെയ്യുന്ന 1192 ദ്വീപുകളുടെ ശൃംഘലയാണ് മാലദ്വീപ്. വിനോദസഞ്ചാരം, രാജ്യാന്തരകപ്പല്ച്ചാലിന്റെ സാന്നിധ്യം തുടങ്ങിയ നിരവധി പ്രാധാന്യങ്ങള് മാലദ്വീപിനുണ്ട്. ഇന്ത്യ ചൈന ഭൗമരാഷ്ട്രീയ ഭൂപടത്തിലും മാലദ്വീപിന് നിര്ണായക സ്ഥാനമാണുള്ളത്.
RELATED STORIES
അബ്ദുറഹീമിന്റെ മോചനത്തില് പ്രതിസന്ധി; അഭിഭാഷകന് ഒരു കോടി നല്കണം
8 May 2024 5:37 AM GMTഖത്തര് ജയിലിലെ ഇന്ത്യക്കാരുടെ മോചനം; തടവുകാര് കൂട്ടനിരാഹാര...
7 May 2024 2:41 PM GMTഉംറ നിര്വഹിക്കുന്നതിനിടെ കണ്ണൂര് സ്വദേശിനിയായ യുവതി മക്കയില്...
6 May 2024 10:08 AM GMTഅബൂദബിയില് കാണാതായ ചാവക്കാട് സ്വദേശിയെ മരിച്ച നിലയില് കണ്ടെത്തി
3 May 2024 3:01 PM GMTഇന്ത്യൻ ഇസ്ലാഹി സെന്റർ ഇന്റർനാഷനൽ എക്സിബിഷൻ ജിദ്ദയിൽ
3 May 2024 12:23 PM GMTറഹീമിന്റെ മോചനം ലക്ഷ്യത്തിലേക്ക്; കൊല്ലപ്പെട്ടയാളുടെ കുടുംബത്തെ കോടതി...
2 May 2024 7:50 AM GMT