പാലക്കാട്ട് ശബരിമല ഡ്യൂട്ടി കഴിഞ്ഞെത്തിയ പോലിസുകാരനും ഒമിക്രോണ്, ഇന്ന് എട്ട് പേര്ക്ക് വൈറസ് ബാധ
പത്തനംതിട്ടയില് നാല് പേര്ക്കും ആലപ്പുഴയില് രണ്ട് പേര്ക്കും തിരുവനന്തപുരത്തും പാലക്കാട്ടും ഒരോരുത്തര്ക്കുമാണ് രോഗം സ്ഥിരീകരിച്ചത്.
പാലക്കാട്: സംസ്ഥാനത്ത് ഇന്ന് എട്ട് പേര്ക്ക് ഒമിക്രോണ് സ്ഥിരീകരിച്ചു. പത്തനംതിട്ടയില് നാല് പേര്ക്കും ആലപ്പുഴയില് രണ്ട് പേര്ക്കും തിരുവനന്തപുരത്തും പാലക്കാട്ടും ഒരോരുത്തര്ക്കുമാണ് രോഗം സ്ഥിരീകരിച്ചത്. ജോലിയുടെ ഭാഗമായി പാലക്കാട് എത്തിയ കോഴിക്കോട് സ്വദേശിയായ പോലിസ് ഉദ്യോഗസ്ഥനാണ് പാലക്കാട്ട് ഒമിക്രോണ് സ്ഥിരീകരിച്ചതെന്ന് ഡിഎംഒ കെ രമാദേവി അറിയിച്ചു. ശബരിമല ഡ്യൂട്ടി കഴിഞ്ഞ് തിരിച്ചെത്തിയ ഇദ്ദേഹം ക്വാട്ടേഴ്സില് കൊവിഡ് പോസിറ്റീവായി നിരീക്ഷണത്തില് കഴിയുകയായിരുന്നു. പരിശോധനയിലാണ് ഒമിക്രോണ് രോഗബാധ സ്ഥിരീകരിച്ചത്.
പത്തനംതിട്ടയില് ഒമിക്രോണ് സ്ഥിരീകരിച്ചവരില് രണ്ട് പേര് (32 വയസും, 40 വയസും) യുഎഇയില് നിന്നും, ഒരാള് അയര്ലന്ഡില് നിന്നും (28 വയസ്) വന്നതാണ്. ഒരാള്ക്ക് (51 വയസ്) സമ്പര്ക്കത്തിലൂടെയാണ് ഒമിക്രോണ് ബാധിച്ചത്. ആലപ്പുഴയില് രോഗം സ്ഥിരീകരിച്ച ആണ്കുട്ടി (9 വയസ്) ഇറ്റലിയില് നിന്നും ഒരാള് (37 വയസ്) ഖത്തറില് നിന്നും വന്നതാണ്. തിരുവനന്തപുരത്ത് രോഗം സ്ഥിരീകരിച്ചയാള് (48 വയസ്) ടാന്സാനിയയില് നിന്നും വന്നതാണ്. രാജീവ് ഗാന്ധി സെന്റര് ഫോര് ബയോടെക്നോളജിയില് നടത്തിയ പരിശോധനയിലാണ് ഇവര്ക്ക് ഒമിക്രോണ് സ്ഥിരീകരിച്ചത്.
അതിനിടെ, അയല് സംസ്ഥാനമായ തമിഴ്നാട്ടില് 11 പേര്ക്ക് കൂടി ഒമിക്രോണ് സ്ഥിരീകരിച്ചിട്ടുണ്ട്. ഇതോടെ തമിഴ്നാട്ടിലാകെ ഒമിക്രോണ് വകഭേദം സ്ഥിരീകരിച്ചവരുടെ എണ്ണം 45 ആയി. നേരത്തേ 34 പേര്ക്ക് ഒമിക്രോണ് സ്ഥിരീകരിച്ചിരുന്നു. അതേസമയം, ഇവിടെ ഒമിക്രോണ് വകഭേദം സ്ഥിരീകരിച്ചവില് ഒരാള് ഇന്ന് രോഗം ഭേദമായി വീട്ടിലേക്ക് മടങ്ങി.
RELATED STORIES
'ഇപ്പോഴും ഊമക്കത്തുകൾ വരുന്നുണ്ട്, കേസിൽ രണ്ട് പേരെ സംശയം';...
10 May 2024 11:28 AM GMTമോദിക്ക് പരാജയ ഭീതി, അദാനിയോടും അംബാനിയോടും രക്ഷിക്കാൻ ആവശ്യപ്പെടുന്നു ...
10 May 2024 11:22 AM GMTകള്ളപ്പണം വെളുപ്പിക്കൽ കേസ്; ഹേമന്ത് സോറന്റെ ഹരജി നിഷ്ഫലമെന്ന് ...
10 May 2024 11:11 AM GMTസാമൂഹിക സംവരണം അട്ടിമറിക്കാന് ഇടതുസര്ക്കാര് ആസൂത്രിത ശ്രമം...
10 May 2024 10:22 AM GMTനരേന്ദ്ര ദബോല്ക്കറിനെ വെടിവച്ചു കൊന്ന കേസ്: രണ്ട് ഹിന്ദുത്വര്ക്ക്...
10 May 2024 9:21 AM GMTകെഎസ്ആര്ടിസി സ്വിഫ്റ്റ് ഡ്രൈവറെ ബസില് കയറി മര്ദ്ദിച്ചു; ഏഴ് ...
10 May 2024 8:41 AM GMT