ന്യൂനമര്ദം ശക്തിപ്രാപിക്കും; ഇന്നും നാളെയും കനത്ത മഴ: ഓറഞ്ച് അലര്ട്ട്; മല്സ്യത്തൊഴിലാളികള് കടലിലിറങ്ങരുതെന്ന് മുന്നറിയിപ്പ്
ഇന്ന് തിരുവനന്തപുരം, കൊല്ലം ജില്ലകളില് ഓറഞ്ച് അലര്ട്ട് പ്രഖ്യാപിച്ചിട്ടുണ്ട്.
തിരുവനന്തപുരം: ശ്രീലങ്കയ്ക്ക് തെക്കു പടിഞ്ഞാറായി ബംഗാള് ഉള്ക്കടലില് രൂപപ്പെട്ട ന്യൂനമര്ദത്തിന്റെ ഫലമായി സംസ്ഥാനത്ത് തെക്കന് ജില്ലകളില് മഴയ്ക്കു സാധ്യതയെന്നു കാലാവസ്ഥാ കേന്ദ്രം.ഇതിന്റെ അടിസ്ഥാനത്തില് ഇന്ന് തിരുവനന്തപുരം, കൊല്ലം ജില്ലകളില് ഓറഞ്ച് അലര്ട്ട് പ്രഖ്യാപിച്ചിട്ടുണ്ട്.
ബംഗാള് ഉള്ക്കടലില് രൂപപ്പെട്ട ന്യൂനമര്ദം ഇന്ന് കന്യാകുമാരി മേഖലയ്ക്ക് മുകളിലായി കൂടുതല് ശക്തിപ്രാപിക്കാനും വ്യാഴാഴ്ച ലക്ഷദ്വീപ് മാലദ്വീപ് മേഖലയ്ക്ക് മുകളിലായി അതിതീവ്ര ന്യൂനമര്ദമാകാനും സാധ്യതയുള്ളതായി മുന്നറിയിപ്പില് പറയുന്നു. ഈ ന്യൂനമര്ദത്തിന്റെ പ്രഭാവത്തില് കേരള ലക്ഷദ്വീപ് തീരത്തിനിടയില് വരുംമണിക്കൂറില് കടല് പ്രക്ഷുബ്ധമാകാനും സാധ്യതയുണ്ട്. അതിനാല് കേരളത്തില്നിന്നും കന്യാകുമാരി ഭാഗത്തുനിന്നും മത്സ്യത്തൊഴിലാളികള് കടലില് പോവരുതെന്നും മുന്നറിയിപ്പില് പറയുന്നു.
തുലാവര്ഷവും ന്യൂനമര്ദ സ്വാധീനവും കാരണം അടുത്ത ദിവസങ്ങളില് കേരളത്തില് ഒറ്റപ്പെട്ടയിടങ്ങളില് അതിശക്തമായ മഴയ്ക്കുളള സാധ്യതയാണ് കാലാവസ്ഥ നിരീക്ഷണ കേന്ദ്രം പ്രവചിക്കുന്നത്. കനത്ത മഴയ്ക്കുള്ള സാധ്യത കണക്കിലെടുത്ത് തിരുവനന്തപുരം, കൊല്ലം ജില്ലകളില് ചൊവ്വാഴ്ചയ്ക്ക് പുറമേ ബുധനാഴ്ചയും ഓറഞ്ച് അലര്ട്ട് പ്രഖ്യാപിച്ചിട്ടുണ്ട്. ഇന്ന് പത്തനംതിട്ട, ആലപ്പുഴ, കോട്ടയം, ഇടുക്കി എന്നി ജില്ലകളിലും ബുധനാഴ്ച ഈ ജില്ലകള്ക്ക് പുറമേ എറണാകുളത്തും, വ്യാഴാഴ്ച കൊ്ല്ലം, പത്തനംതിട്ട, ആലപ്പുഴ, എറണാകുളം, തൃശൂര് എന്നി ജില്ലകളിലും ജാഗ്രതാ നിര്ദേശം നല്കിയിട്ടുണ്ട്.
RELATED STORIES
മുസ് ലിംകള്ക്കെതിരായ വിദ്വേഷപ്രസംഗം ആവര്ത്തിച്ച് പ്രധാനമന്ത്രി...
23 April 2024 10:18 AM GMTഅനില് ആന്റണിക്കെതിരായ രേഖകളുമായി നന്ദകുമാര്; ശോഭാ സുരേന്ദ്രന് 10...
23 April 2024 8:05 AM GMT10 അനാക്കോണ്ട പാമ്പുകളുമായി ബംഗളൂരു കെംപഗൗഡ വിമാനത്താവളത്തില് യുവാവ്...
23 April 2024 7:18 AM GMTപ്രധാനമന്ത്രിയുടെ രാജസ്ഥാന് വിവാദ പ്രസംഗം: തിരഞ്ഞെടുപ്പ് കമ്മീഷന്...
23 April 2024 7:16 AM GMTപരിശീലനപ്പറക്കലിനിടെ മലേഷ്യന് നാവികസേനയുടെ ഹെലികോപ്റ്ററുകള്...
23 April 2024 7:07 AM GMTലോക്സഭാ തിരഞ്ഞെടുപ്പ്; പരസ്യ പ്രചാരണത്തിന്റെ അവസാന...
23 April 2024 5:57 AM GMT