സംസ്ഥാനത്ത് ഒരാള്ക്ക് കൂടി മങ്കിപോക്സ് സ്ഥിരീകരിച്ചു
തിരുവനന്തപുരം: സംസ്ഥാനത്ത് ഒരാള്ക്ക് കൂടി മങ്കിപോക്സ് സ്ഥിരീകരിച്ചു. കണ്ണൂര് സ്വദേശിയായ 31കാരനായ ഇദ്ദേഹം പരിയാരം മെഡിക്കല് കോളജില് ചികില്സയിലാണ്. കഴിഞ്ഞ മെയ് 13ന് ദുബയില് നിന്നാണ് ഇദ്ദേഹം എത്തിയത്. രോഗിയുടെ ആരോഗ്യനില തൃപ്തികരമാണ്. ഇദ്ദേഹവുമായി അടുത്ത സമ്പര്ക്കത്തിലുള്ളവരെ നിരീക്ഷണത്തിലാക്കിയതായി ആരോഗ്യമന്ത്രി വീണാ ജോര്ജ് അറിയിച്ചു. മംഗളൂരു വിമാനത്താവളം വഴിയാണ് ഇയാള് ഗള്ഫില് നിന്നും കഴിഞ്ഞ ദിവസം നാട്ടിലെത്തിയത്. ആശുപത്രിയില് പ്രത്യേകം സജ്ജമാക്കിയ ഐസൊലേഷന് മുറിയില് നിരീക്ഷണത്തിലായിരുന്നു ഇയാള്.
മങ്കിപോക്സ് ഭീഷണിയുടെ പശ്ചാത്തലത്തില് വിമാനത്താവളങ്ങളില് നിരീക്ഷണം ശക്തമാക്കിയിരിക്കുകയാണ്. ലക്ഷണങ്ങളുള്ളവര് എത്തുന്നുണ്ടോയെന്ന് സ്ക്രീന് ചെയ്യും. ഇതിനായി കണ്ണൂര് വിമാനത്താവളത്തില് പ്രത്യേക സൗകര്യങ്ങള് ഒരുക്കി. പ്രത്യേക സുരക്ഷാ മുന്കരുതലുകള് സ്വീകരിക്കണമെന്ന് എല്ലാ വിമാനത്താവളങ്ങളിലും ജീവനക്കാര്ക്ക് നിര്ദേശം നല്കിയിട്ടുണ്ട്. ഇന്ത്യയില് ആദ്യമായി മങ്കി പോക്സ് സ്ഥിരീകരിച്ചത് കേരളത്തിലാണ്. വിദേശത്തു നിന്ന് എത്തിയ കൊല്ലം സ്വദേശിക്ക് ജൂലൈ 14നാണ് മങ്കി പോക്സ് സ്ഥിരീകരിച്ചത്. തിരുവനന്തപുരം മെഡിക്കല് കോളജില് ചികില്സയിലുള്ള യുവാവിന്റെ ആരോഗ്യനില തൃപ്തികരമാണ്. നിരീക്ഷണത്തിലുള്ള മറ്റാര്ക്കും ഇതുവരെ രോഗലക്ഷണങ്ങള് കണ്ടെത്തിയിട്ടില്ല.
RELATED STORIES
റിയാസ് മൗലവി വധം: ജനകീയ കണ്വന്ഷന് അനുമതി നിഷേധിച്ച് പോലിസ്
18 April 2024 12:52 PM GMTകോഴിക്കോട് ഐസിയു പീഡനക്കേസ്; അതിജീവിത കമ്മിഷണർ ഓഫീസിന് മുമ്പിൽ സമരം...
18 April 2024 12:35 PM GMTപ്രമേഹം കൂട്ടി ജാമ്യം ലഭിക്കാൻ കെജ്രിവാൾ ജയിലിൽ മാങ്ങയും മധുരവും...
18 April 2024 12:34 PM GMTഇറാന് പിടിച്ചെടുത്ത കപ്പലിലെ മലയാളി യുവതിയെ മോചിപ്പിച്ചു
18 April 2024 12:31 PM GMTകാസര്കോട് മോക്പോളില് ബിജെപിക്ക് അധിക വോട്ട് കിട്ടിയിട്ടില്ല;...
18 April 2024 10:13 AM GMTലോക്സഭാ തിരഞ്ഞെടുപ്പ്; നാലാംഘട്ട വിജ്ഞാപനം പുറത്തിറക്കി തിരഞ്ഞെടുപ്പ് ...
18 April 2024 10:10 AM GMT