മുസ്ലിംകള് ഹിന്ദുക്കളുടെ ഭൂമി സ്വന്തമാക്കുന്നു; 'ലാന്ഡ് ജിഹാദ്' വര്ഗീയ പരാമര്ശവുമായി ബിജെപി എംഎല്എ
ന്യൂഡല്ഹി: പാലാ ബിഷപ്പിന്റെ 'നാര്കോട്ടിക് ജിഹാദ്' വര്ഗീയ പ്രസംഗം ചര്ച്ചയാകുന്നതിനിടെ 'ലാന്ഡ് ജിഹാദ്' ആരോപണവുമായി ബിജെപി എംഎല്എ. രാജസ്ഥാനിലെ മാല്പുരയില് മുസ്ലിംകള് ഹിന്ദുക്കളുടെ ഭൂമിയും വീടും സ്വന്തമാക്കി 'ലാന്ഡ് ജിഹാദ്' നടത്തുന്നതായി ബിജെപി എംഎല്എയുടെ ആരോപണം. മാല്പുര എംഎല്എ കനയ്യ ലാലാണ് കഴിഞ്ഞ ദിവസം നിയമസഭയില് ലാന്ഡ് ജിഹാദ് പരാമര്ശം ഉന്നയിച്ചത്.
ഉയര്ന്ന വില നല്കി പ്രദേശത്തെ ഹിന്ദുക്കളുടെ ഭൂമിയും വീടും സ്വന്തമാക്കാന് മുസ്ലിംകള് പ്രചാരണം നടത്തുന്നുണ്ടെന്ന് എംഎല്എ ആരോപിച്ചു. സര്ക്കാര് നിശ്ചയിച്ച വിലയേക്കാള് ഇരട്ടി വില നല്കി അനധികൃതമായാണ് ഭൂമി വാങ്ങുന്നത്. ഇങ്ങനെ വാങ്ങിയ വീടുകളില് താമസം തുടങ്ങി അയല്പക്കെ ഹിന്ദുക്കളെ ഭീഷണിപ്പെടുത്തുകയാണെന്നും എംഎല്എ ആരോപിച്ചു. അനധികൃത മതപരിവര്ത്തനവും നടക്കുന്നു. അതിക്രമം മൂലം 600-800 ഹിന്ദു കുടുംബങ്ങളാണ് വീടുമാറി പോയതെന്നും ജൈന ക്ഷേത്രങ്ങളില് മാംസാവശിഷ്ടം ഉപേക്ഷിക്കുന്നതായും ഇയാള് പറഞ്ഞു.
ഒരു വിഭാഗം മാല്പുര സബ്ഡിവിഷണല് മജിസ്ട്രേറ്റിനെ സമീപിച്ച് പരാതി നല്കിയെങ്കിലും അദ്ദേഹം സ്വീകരിച്ചില്ലെന്നും എംഎല്എ കുറ്റപ്പെടുത്തി. സംഭവത്തെക്കുറിച്ച് പഠിക്കാന് ബിജെപി മൂന്നംഗ കമ്മിറ്റിയെ ചുമതലപ്പെടുത്തിയിരുന്നു. അവരുടെ റിപ്പോര്ട്ട് പാര്ട്ടി അധ്യക്ഷന് സതീഷ് പൂനിയക്ക് സമര്പ്പിച്ചിരിക്കുകയാണ്.
പ്രശ്നബാധിത മേഖലയാണ് മാല്പുര. 1950 മുതല് വര്ഗീയ സംഘര്ഷങ്ങള് ഉണ്ടാകുന്ന പ്രദേശം. ഇതുവരെ നൂറോളം പേര് പ്രദേശത്ത് കൊല്ലപ്പെട്ടിട്ടുണ്ട്.
RELATED STORIES
തെലങ്കാനയില് ക്രിസ്ത്യന് സ്കൂള് ആക്രമിച്ച സംഭവം: 12 ഹിന്ദുത്വരെ...
20 April 2024 9:28 AM GMT'പ്രസാര് ഭാരതിയല്ല, പ്രചാര് ഭാരതി'; ദൂരദര്ശന് ലോഗോയുടെ...
20 April 2024 9:01 AM GMTഎഐസിസി സെക്രട്ടറി തജീന്ദര് സിങ് ബിട്ടു കോണ്ഗ്രസ് വിട്ട് ബിജെപിയില്...
20 April 2024 8:40 AM GMTഒന്നാംഘട്ടം 60.03 ശതമാനം പോളിങ്; ത്രിപുരയും ബംഗാളും മുന്നില്
19 April 2024 2:44 PM GMTമോദിയുടെ മുഖ്യ വിമര്ശകന് ധ്രുവ് റാഠി അഞ്ച് പ്രാദേശിക ഭാഷകളില് കൂടി...
19 April 2024 11:00 AM GMTപ്രിയ വര്ഗീസിന്റെ നിയമനം; ഹൈക്കോടതി വിധിക്കെതിരായ ഹരജി അടിയന്തരമായി ...
19 April 2024 10:37 AM GMT