നിര്ഭയ കേസ്: മരണവാറന്റിനെതിരേ ഹൈക്കോടതിയില് ഹര്ജി; പുതിയ നീക്കവുമായി പ്രതി, വിധി ഇന്നറിയാം
കേസില് ദയാഹര്ജി നല്കാന് നിയമപരമായ സമയം അനുവദിക്കണമെന്നാണ് ഹര്ജിയിലെ ആവശ്യം. അഭിഭാഷകയായ വൃന്ദ ഗ്രോവര് വഴിയാണ് മുകേഷ് സിംഗ് ഹൈക്കോടതിയെ സമീപിച്ചത്.
ന്യൂഡല്ഹി: നിര്ഭയ കൂട്ടബലാല്സംഗ കേസിലെ മരണ വാറണ്ട് സ്റ്റേ ചെയ്യണമെന്ന് ആവശ്യപ്പെട്ട് പ്രതി മുകേഷ് സിംഗ് ഹര്ജി നല്കി. രാഷ്ട്രപതിക്ക് ദയാ ഹര്ജി നല്കിയതിന് പിന്നാലെയാണ് പ്രതി മുകേഷ് സിങ് ഡല്ഹി ഹൈക്കോടതിയിലും ഹര്ജി നല്കിയത്. മുകേഷ് സിങിന്റെ ഹരജി ഡല്ഹി ഹൈക്കോടതി ഇന്ന് പരിഗണിക്കും. കേസില് ദയാഹര്ജി നല്കാന് നിയമപരമായ സമയം അനുവദിക്കണമെന്നാണ് ഹര്ജിയിലെ ആവശ്യം. അഭിഭാഷകയായ വൃന്ദ ഗ്രോവര് വഴിയാണ് മുകേഷ് സിംഗ് ഹൈക്കോടതിയെ സമീപിച്ചത്.
മുകേഷ് സിംഗ്, വിനയ് ശര്മ്മ എന്നിവരുടെ തിരുത്തല് ഹര്ജി ഇന്നലെ സുപ്രിംകോടതി തള്ളിയിരുന്നു.ജസ്റ്റിസ് എന്വി രമണയുടെ ചേംബറിലാണ് ഹര്ജി പരിഗണിച്ചത്. ജസ്റ്റിസുമാരായ റോഹിംഗടന് നരിമാന്, അരുണ് മിശ്ര, ആര് ഭാനുമതി, അശോക് ഭൂഷണ് എന്നിവര് ചേര്ന്നാണ് ഹര്ജി പരിശോധിച്ചത്. ഹര്ജിയില് കഴമ്പില്ലെന്ന് കണ്ടെത്തിയ കോടതി ശിക്ഷയില് ഇളവ് നല്കാന് സാധിക്കില്ലെന്നും വ്യക്തമാക്കി.
ജനുവരി 22ന് രാവിലെ 7 മണിക്ക് നാലു പ്രതികളെയും തൂക്കിലേറ്റണമെന്ന് കഴിഞ്ഞ ആഴ്ച പട്യാല ഹൗസ് കോടതി ഉത്തരവിട്ടിരുന്നു. വധശിക്ഷയില് ഇളവ് നല്കണമെന്ന് ആവശ്യപ്പെട്ടാണ് നിര്ഭയ കേസില് പ്രതികളില് ഒരാളായ മുകേഷ് സിങ് രാഷ്ട്രപതിക്ക് ദയാഹര്ജി നല്കിയത്. ഇതിന് പിന്നാലെയാണ് മുകേഷ് സിങ്ങിന്റെ അടുത്ത നീക്കം. തിരുത്തല് ഹര്ജി തള്ളിയതിനാല് രാഷ്ട്രപതിക്ക് ദയാഹര്ജി നല്കാനുളള സാധ്യതയാണ് മുകേഷ് സിങ് ഉപയോഗപ്പെടുത്തിയത്. അതേസമയം, കുറ്റവാളികളെ തൂക്കിക്കൊല്ലുന്നതിന് മുന്നോടിയായി തിഹാര് ജയിലില് ജനുവരി 12ന് ഡമ്മി പരീക്ഷണം നടത്തിയിരുന്നു. കല്ലും മണ്ണൂ നിറച്ച് ഓരോ പ്രതിയുടെയും തൂക്കത്തിനനുസരിച്ച് തയ്യാറാക്കിയ ചാക്കുകള് തൂക്കി നോക്കിയാണ് ഡമ്മി പരീക്ഷണം നടത്തിയത്.
2012 ഡിസംബര് 16നാണ് 23 വയസ്സുള്ള പാരാമെഡിക്കല് വിദ്യാര്ത്ഥിനി ദില്ലിയില് ബസ്സില് വച്ച് കൂട്ടബലാത്സംഗത്തിന് ഇരയാക്കപ്പെട്ടത്. പീഡനശേഷം നഗ്നയാക്കിയ യുവതിയെയും കൂടെയുണ്ടായിരുന്ന സുഹൃത്തിനെയും ആക്രമികള് വഴിയില് തള്ളി. ക്രൂരബലാത്സംഗത്തിനിടെ ആന്തരികാവയവങ്ങള്ക്ക് ഗുരുതരമായ ക്ഷതങ്ങളേറ്റതിനെ തുടര്ന്ന് ദില്ലി സഫ്ദര്ജംഗ് ആശുപത്രിയില് ചികിത്സയിലായിരുന്ന പെണ്കുട്ടിയെ പിന്നീട് വിദഗ്ദ്ധ ചികിത്സയ്ക്കായി സിംഗപ്പൂരിലെ മൌണ്ട് എലിസബത്ത് ആശുപത്രിയില് പ്രവേശിപ്പിച്ചുവെങ്കിലും ഡിസംബര് 29ന് മരണം സംഭവിച്ചു.
RELATED STORIES
ടി.ജി നന്ദകുമാറില് നിന്ന് 10 ലക്ഷം വാങ്ങിയെന്ന് സമ്മതിച്ച് ശോഭാ...
23 April 2024 2:14 PM GMTകുഞ്ഞാലിക്കുട്ടിയെ ശോഭാ സുരേന്ദ്രന് കണ്ടു; കെ മുരളീധരനെയും സമീപിച്ചു; ...
23 April 2024 1:54 PM GMTകളമശേരി സ്ഫോടനം: കോടതിയിൽ കുറ്റപത്രം സമർപ്പിച്ചു
23 April 2024 12:04 PM GMTകെജ് രിവാളിനും കെ കവിതക്കും ജയിൽ മോചനമില്ല; ജുഡീഷ്യൽ കസ്റ്റഡി...
23 April 2024 11:46 AM GMTതിരഞ്ഞെടുപ്പ് പ്രചാരണത്തിന് ആരെയും ചുമതലപ്പെടുത്തിയിട്ടില്ല;...
23 April 2024 11:44 AM GMTസൂറത്തിലെ കോണ്ഗ്രസ് സ്ഥാനാര്ഥിയെ കാണാനില്ല; ബിജെപിയില്...
23 April 2024 11:34 AM GMT