ബീഫ് വില്പന ആരോപിച്ച് മുസ്ലിം വൃദ്ധനു ക്രൂരമര്ദ്ദനം; പന്നിയിറച്ചി തീറ്റിക്കാനും ശ്രമം(വീഡിയോ)
അസമിലെ ബിശ്വനാഥ് ചരിയാലിയില് ഞായറാഴ്ചയാണ് സംഭവം
ഗുവാഹത്തി: ബീഫ് കൈവശം വച്ചെന്നും വിറ്റെന്നും ആരോപിച്ച് മുസ്ലിം വൃദ്ധനെ ക്രൂരമായി ആക്രമിക്കുകയും പന്നിയിറച്ചി തീറ്റിക്കാന് ശ്രമിക്കുകയും ചെയ്തു. അസമിലെ ബിശ്വനാഥ് ചരിയാലിയില് ഞായറാഴ്ചയാണ് സംഭവം. 35 വര്ഷത്തോളമായി ഹോട്ടല് നടത്തുന്ന 68 വയസ്സുകാരനായ ഷൗക്കത്തലിയെ യുവാക്കളും മറ്റും ചേര്ന്ന് ക്രൂരമായി ആക്രമിക്കുകയായിരുന്നു. ബീഫ് വില്ക്കാറുണ്ടെന്നു ആക്രോശിച്ച് ചുറ്റും കൂടിയ സംഘത്തിന്റെ മര്ദ്ദനമേറ്റ് നിലത്ത് വീണുപോയ വൃദ്ധന്റെ ശരീരമാസകലം മണ്ണില് പുരണ്ട നിലയിലാണ്. പോലിസെത്തിയാണ് അക്രമികളെ പിന്തിരിപ്പിക്കുകയും ഷൗക്കത്തലിയെ സമീപത്തെ ആശുപത്രിയില് പ്രവേശിപ്പിക്കുകയും ചെയ്തത്. സംഭവത്തിന്റെ മൊബൈല് കാമറയില് പകര്ത്തിയ ദൃശ്യങ്ങള് വ്യാപകമായി പ്രചരിക്കുന്നുണ്ട്. ഒരു വീഡിയോയില് താന് ബംഗ്ലാദേശിയാണോയെന്നും പൗരത്വരേഖയുണ്ടോയെന്നും ചോദിച്ചാണ് മര്ദ്ദിക്കുന്നത്. മറ്റൊരു വീഡിയോയില് ചെറിയ പായ്ക്കറ്റ് പന്നി മാംസം തീറ്റിക്കാന് ശ്രമിക്കുന്നുണ്ട്. സംഭവത്തില് ഷൗക്കത്തിന്റെ ബന്ധുവിന്റെ പരാതിയില് പോലിസ് എഫ്ഐആര് രജിസ്റ്റര് ചെയ്ത് അന്വേഷണം തുടങ്ങിയതായി കഛാര് പോലിസ് സൂപ്രണ്ട് രാകേഷ്റോഷന് പറഞ്ഞതായി 'ദി ക്വിന്റ്' റിപോര്ട്ട് ചെയ്തു.
RELATED STORIES
ഹാത്റസിലെ ബിജെപി എംപി ഹൃദയാഘാതത്തെ തുടര്ന്ന് മരിച്ചു
24 April 2024 4:30 PM GMTകലാശക്കൊട്ട് കഴിഞ്ഞു മടങ്ങിയ സിഐടിയു തൊഴിലാളി ജീപ്പില്നിന്ന് വീണു...
24 April 2024 4:13 PM GMTലോക്സഭാ തിരഞ്ഞെടുപ്പ്: രാജ്യത്തിന്റെ വീണ്ടെടുപ്പ് മുഖ്യ...
24 April 2024 2:41 PM GMTമോദിയുടെ വിദ്വേഷ പരാമര്ശങ്ങളെ വിമര്ശിച്ചു; ന്യൂനപക്ഷ മോര്ച്ച...
24 April 2024 2:36 PM GMTഅറ്റകുറ്റപ്പണി; മാഹി പാലം 29 മുതല് മെയ് 10 വരെ അടച്ചിടും
24 April 2024 2:19 PM GMT'തിരിച്ചടി കിട്ടാതെ കൂത്താടി നടന്ന കാലമൊക്കെ കഴിഞ്ഞു'; ഗസ...
24 April 2024 12:56 PM GMT