എഐ പാഠ്യപദ്ധതിയില്‍; മൂന്നാംക്ലാസ് മുതല്‍ എഐ പഠനം നിര്‍ബന്ധമാക്കാന്‍ ഒരുങ്ങി കേന്ദ്രസര്‍ക്കാര്‍

ന്യൂഡല്‍ഹി: ദേശീയ വിദ്യാഭ്യാസ നയം പ്രകാരം സ്‌കൂള്‍ വിദ്യാഭ്യാസത്തില്‍ നിര്‍ബുദ്ധിയെക്കുറിച്ചുള്ള പാഠങ്ങള്‍ സമഗ്രമായി ഉള്‍പ്പെടുത്താനുള്ള നടപടികള്‍ കേന്ദ്ര വിദ്യാഭ്യാസ മന്ത്രാലയം ഊര്‍ജിതമാകുന്നു. ഇതിന്റെ ഭാഗമായി പ്ലസ് വണ്‍, പ്ലസ് ടു ക്ലാസുകളിലെ വിദ്യാര്‍ഥികള്‍ക്കായി എഐ പാഠപുസ്തകങ്ങളും സിലബസും തയ്യാറാക്കാന്‍ നാഷണല്‍ കൗണ്‍സില്‍ ഓഫ് എജ്യുക്കേഷണല്‍ റിസര്‍ച്ച് ആന്റ് ട്രെയിനിങ് പ്രത്യേക സമിതിയെ നിയോഗിച്ചു.

2026-2027 അധ്യയന വര്‍ഷം മുതല്‍ മൂന്നാം ക്ലാസ് മുതല്‍ എല്ലാ സ്‌കൂളുകളിലും എഐ വിദ്യാഭ്യാസം തുടങ്ങാനാണ് സര്‍ക്കാര്‍ ആലോചിക്കുന്നത്. സിബിഐഇ ഇതിനകം 3 മുതല്‍ 12 വരെയുള്ള ക്ലാസുകള്‍ക്കായി എഐ, കമ്പ്യൂട്ടേഷണല്‍ തിങ്കിങ് എന്നിവയിലൂന്നിയ കരട് പാഠ്യപദ്ധതി തയ്യാറാക്കിയിട്ടുണ്ട്. ഒമ്പത്, പത്ത് ക്ലാസുകളില്‍ എഐ നിര്‍ബന്ധിത വിഷയമായിരിക്കും. വിദ്യാര്‍ഥികള്‍ക്കിടയില്‍ എഐ അവബോധം വളര്‍ത്തുന്നതിനായി സോര്‍ ( സ്‌കില്‍ ഫോര്‍ എഐ റെഡിനെസ്) എന്ന പേരില്‍ ദേശീയ പ്രോഗ്രാമും സര്‍ക്കാര്‍ ആരംഭിച്ചിട്ടുണ്ട്. വികസിത് ഭാരത് 2047 ന്റെ ഭാഗമായാണിത്.