എമ്പുരാന് മൂലം പ്രിയപ്പെട്ടവര്ക്കുണ്ടായ മനോവിഷമത്തില് ഖേദമുണ്ടെന്ന് മോഹന്ലാല്; ''സിനിമയിലെ സീനുകള് നീക്കം ചെയ്യും''
തിരുവനന്തപുരം: എമ്പുരാന് സിനിമയുമായി ബന്ധപ്പെട്ട വിവാദങ്ങളെ തുടര്ന്ന് പരസ്യമായി ഖേദം പ്രകടിപ്പിച്ച് നടന് മോഹന്ലാല്. ഫേസ്ബുക്ക് പോസ്റ്റിലാണ് മോഹന് ലാല് ഖേദം പ്രകടിപ്പിച്ചിരിക്കുന്നത്.ഈ പോസ്റ്റ് നടന് പ്രൃഥ്വിരാജും ഷെയര് ചെയ്തു
ഫേസ്ബുക്ക് പോസ്റ്റിന്റെ പൂര്ണ്ണരൂപം
'ലൂസിഫര്' ഫ്രാഞ്ചൈസിന്റെ രണ്ടാം ഭാഗമായ 'എമ്പുരാന്' സിനിമയുടെ ആവിഷ്കാരത്തില് കടന്നു വന്നിട്ടുള്ള ചില രാഷ്ട്രീയസാമൂഹിക പ്രമേയങ്ങള് എന്നെ സ്നേഹിക്കുന്നവരില് കുറേപേര്ക്ക് വലിയ മനോവിഷമം ഉണ്ടാക്കിയതായി ഞാനറിഞ്ഞു. ഒരു കലാകാരന് എന്ന നിലയില് എന്റെ ഒരു സിനിമയും ഏതെങ്കിലും രാഷ്ട്രീയ പ്രസ്ഥാനത്തോടോ ആശയത്തോടോ മതവിഭാഗത്തോടോ വിദ്വേഷം പുലര്ത്തുന്നില്ല എന്ന് ഉറപ്പുവരുത്തേണ്ടത് എന്റെ കടമയാണ്. അതുകൊണ്ടു തന്നെ എന്റെ പ്രിയപ്പെട്ടവര്ക്ക് ഉണ്ടായ മനോവിഷമത്തില് എനിക്കും എമ്പുരാന് ടീമിനും ആത്മാര്ത്ഥമായ ഖേദമുണ്ട്, ഒപ്പം അതിന്റെ ഉത്തരവാദിത്വം സിനിമയ്ക്ക് പിന്നില് പ്രവര്ത്തിച്ച ഞങ്ങള് എല്ലാവരുടേതുമാണ് എന്ന തിരിച്ചറിവോടെ അത്തരം വിഷയങ്ങളെ നിര്ബന്ധമായും സിനിമയില് നിന്ന് നീക്കം ചെയ്യാന് ഞങ്ങള് ഒരുമിച്ച് തീരുമാനിച്ച് കഴിഞ്ഞു.
കഴിഞ്ഞ നാല് പതിറ്റാണ്ട് നിങ്ങളിലൊരാളായാണ് ഞാന് എന്റെ സിനിമാ ജീവിതം ജീവിച്ചത്. നിങ്ങളുടെ സ്നേഹവും വിശ്വാസവും മാത്രമാണ് എന്റെ ശക്തി. അതില് കവിഞ്ഞൊരു മോഹന്ലാല് ഇല്ല എന്ന് ഞാന് വിശ്വസിക്കുന്നു...
സ്നേഹപൂര്വ്വം മോഹന്ലാല്
മഹാരാഷ്ട്രയില് ബഹുനില കെട്ടിടം തകര്ന്ന് എട്ടുമരണം; 25 പേരെ...
21 Sep 2020 2:40 AM GMTമലയാറ്റൂരില് പാറമടയില് പൊട്ടിത്തെറി; രണ്ട് അന്തര്സംസ്ഥാന...
21 Sep 2020 2:18 AM GMTകോഴിക്കോട് നാദാപുരത്ത് പുഴയില് കുളിക്കാനിറങ്ങിയ യുവാവ്...
21 Sep 2020 2:00 AM GMTസംസ്ഥാനത്തെ റേഷന്കടകള്ക്ക് ഇന്ന് അവധി
21 Sep 2020 1:36 AM GMTസംസ്ഥാനത്ത് ഇന്നും അതിതീവ്ര മഴ; പത്ത് ജില്ലകളില് ഓറഞ്ച് അലര്ട്ട്,...
21 Sep 2020 1:24 AM GMTരണ്ട് പുതിയ കണ്ടെയ്ന്മെന്റ് സോണുകള്; കോട്ടയം ജില്ലയില് ആകെ 32...
21 Sep 2020 12:50 AM GMT
