യുവാവിനെ 'ആള്‍ക്കൂട്ടം' തല്ലിക്കൊന്നു (VIDEO-18+)

ബൊക്കാറോ: ജാര്‍ഖണ്ഡിലെ ബൊക്കാറോയിലെ നാരായണ്‍പൂരില്‍ യുവാവിനെ 'ആള്‍ക്കൂട്ടം' തല്ലിക്കൊന്നു. നിര്‍മാണ തൊഴിലാളിയായ 25 വയസുള്ള അബ്ദുല്‍ കലാമാണ് മരിച്ചത്. ഒരു ആദിവാസി സ്ത്രീയോട് മോശമായി പെരുമാറിയെന്ന് ആരോപിച്ചാണ് ആള്‍ക്കൂട്ടം അബ്ദുല്‍ കലാമിനെ കെട്ടിയിട്ട് മര്‍ദ്ദിച്ചത്. തുടര്‍ന്ന് മരിക്കുകയായിരുന്നു.

Jharkhand: Muslim youth lynched to death by mob!

Abdul Kalam was brutally beaten to death by a mob in Narayanpur, Bokaro district. His father has already died, leaving his mother helpless. Police have arrested 2 accused under mob lynching sections of BNS. pic.twitter.com/UF1ee13Glf

— Muslim Spaces (@MuslimSpaces) May 9, 2025

വ്യാഴാഴ്ച വൈകീട്ടാണ് കേസിനാസ്പദമായ സംഭവം നടന്നത്. അബ്ദുല്‍ കലാമിനെ കെട്ടിയിട്ട് മര്‍ദ്ദിക്കുന്ന ദൃശ്യവും അക്രമികള്‍ പകര്‍ത്തി പ്രചരിപ്പിച്ചിട്ടുണ്ട്. എന്നാല്‍, നീതി ആവശ്യപ്പെട്ട് യുവാവിന്റെ കുടുംബവും ഗ്രാമവാസികളും പെക് പോലിസ് സ്‌റ്റേഷന്‍ ഉപരോധിച്ചു. ആദിവാസി സ്ത്രീയോട് മോശമായി പെരുമാറിയെന്ന ആരോപണം തെറ്റാണെന്നും അവര്‍ പറഞ്ഞു. കൊലപാതകത്തെ തുടര്‍ന്ന് പ്രദേശത്ത് രണ്ടു സമുദായങ്ങള്‍ തമ്മില്‍ സംഘര്‍ഷം നിലവിലുണ്ടെന്ന് ബൊക്കാറോ എസ്പി മനോജ് സ്വര്‍ഗിയരി പറഞ്ഞു. ഇരു വിഭാഗങ്ങളുടെയും പരാതിയില്‍ കേസെടുത്തിട്ടുണ്ടെന്നും അദ്ദേഹം വിശദീകരിച്ചു.