കോട്ടപ്പുറം കായലിന്റെ ജലരാജാക്കന്മാരായി മഹാദേവിക്കാട് കാട്ടില് തെക്കേതയ്യില് ചുണ്ടന് വള്ളവും തുരുത്തിപുറവും
തൃശൂര്: ആര്പ്പുവിളികളുടെയും ആരവത്തിന്റെയും ആവേശത്തിരയില് കോട്ടപ്പുറം കായലിലെ ഓളപരപ്പില് വിജയം നേടി പള്ളത്തുരുത്തി ബോട്ട് ക്ലബ്ബിന്റെ മഹാദേവിക്കാട് കാട്ടില് തെക്കേതയ്യില് ചുണ്ടന് വള്ളവും തുരുത്തിപുറം ചെറുവള്ളവും. നെഹ്റു ട്രോഫി വള്ളംകളിയില് ആദ്യ 9 സ്ഥാനം വഹിച്ച ക്ലബ്ബുകളുടെ ചുണ്ടന് വള്ളങ്ങള് തമ്മില് നടന്ന ഉജ്ജ്വലമായ പോരാട്ടത്തിനൊടുവിലാണ് പള്ളത്തുരുത്തി ബോട്ട് ക്ലബ്ബിന്റെ മഹാദേവിക്കാട് കാട്ടില് തെക്കേതയ്യില് ചുണ്ടന്വള്ളം ഒന്നാം സ്ഥാനവും പോലിസ് ബോട്ട് ക്ലബ്ബിന്റെ ചമ്പക്കുളം ചുണ്ടന് രണ്ടാം സ്ഥാനവും കരസ്ഥമാക്കിയത്.
എ ഗ്രേഡ് ലഭിച്ച ചെറു വള്ളങ്ങളുടെ അവസാന പോരാട്ടത്തില് തുരുത്തിപ്പുറം വള്ളം ഒന്നാം സ്ഥാനവും തനിയന് വള്ളം രണ്ടാം സ്ഥാനവും നേടി. ബി ഗ്രേഡ് ലഭിച്ച വള്ളങ്ങളുടെ പോരാട്ടത്തില് ഗോതുരുത്ത് പുത്രന്, മയില്പീലി എന്നീ വള്ളങ്ങള് ഒന്നും രണ്ടും സ്ഥാനം നേടിയെടുത്തു.
ടൂറിസം വകുപ്പ് സംഘടിപ്പിക്കുന്ന രണ്ടാമത് ചാമ്പ്യന്സ് ബോട്ട് ലീഗ് 2022 വള്ളംകളിയും പ്രാദേശിക വള്ളംകളിയുമാണ് കോട്ടപ്പുറം കായലില് ജലപൂരം തീര്ത്തത്. സംസ്ഥാനത്തെ തെരഞ്ഞെടുത്ത 9 തുഴച്ചില് ടീമുകളുടെ ആറാം പാദ മത്സരങ്ങളോടൊപ്പം വെപ്പ്, ഇരുട്ടുകുത്തി, ചുരുളന്, മറ്റ് ചുണ്ടന് വള്ളങ്ങള്, ചെറുവള്ളങ്ങള് എന്നിവയുടെ മത്സരങ്ങളും അരങ്ങേറി. തിരുവാതിര കളി, മാര്ഗംകളി, ഒപ്പന, നാടന്പാട്ട്, മേളം തുടങ്ങി വിവിധ കലാരൂപങ്ങള് ഉള്പ്പെടുത്തിയ സാംസ്കാരിക സമ്മേളനം ജലപൂരത്തിന്റെ വരവറിയിച്ചു.
കൊവിഡ് മൂലം മുടങ്ങിക്കിടന്ന ചാമ്പ്യന്സ് ബോട്ട് ലീഗ് മത്സരങ്ങള് 2022 ല് സംസ്ഥാനത്തെ തെരഞ്ഞെടുത്ത അഞ്ച് ജില്ലകളിലായാണ് നടത്തുന്നത്. സെപ്റ്റംബര് നാലിന് ആലപ്പുഴ ജില്ലയില് തുടക്കം കുറിച്ച സിബിഎല് മത്സരങ്ങള് നവംബര് 26ന് കൊല്ലത്ത് നടത്തുന്ന മത്സരങ്ങളോടെ സമാപിക്കും.
അഡ്വ.വി ആര് സുനില്കുമാര് എംഎല്എ, ബെന്നി ബെഹനാന് എം പി, ചലച്ചിത്ര സംവിധായകന്കമല് തുടങ്ങിയവര് ചടങ്ങില് മുഖ്യാതിഥികളായി പങ്കെടുത്തു. അസിസ്റ്റന്റ് കലക്ടര് വി എം ജയകൃഷ്ണന്, കൊടുങ്ങല്ലൂര് നഗരസഭ ചെയര്പേഴ്സണ് എം യു ഷിനിജ, വൈസ് ചെയര്മാന് കെ ആര് ജൈത്രന്, ടൂറിസം മുസിരിസ് മാനേജിങ് ഡയറക്ടര് ഡോ. മനോജ് കുമാര്, ടൂറിസം വകുപ്പ് ഡെപ്യൂട്ടി ഡയറക്ടര് പി ഐ സുബൈര്കുട്ടി വിവിധ സ്റ്റാന്റിംഗ് കമ്മിറ്റി അംഗങ്ങള്, ജനപ്രതിനിധികള്, വകുപ്പ് തല ഉദ്യോഗസ്ഥര് എന്നിവര് പങ്കെടുത്തു.
മഹാരാഷ്ട്രയില് ബഹുനില കെട്ടിടം തകര്ന്ന് എട്ടുമരണം; 25 പേരെ...
21 Sep 2020 2:40 AM GMTമലയാറ്റൂരില് പാറമടയില് പൊട്ടിത്തെറി; രണ്ട് അന്തര്സംസ്ഥാന...
21 Sep 2020 2:18 AM GMTകോഴിക്കോട് നാദാപുരത്ത് പുഴയില് കുളിക്കാനിറങ്ങിയ യുവാവ്...
21 Sep 2020 2:00 AM GMTസംസ്ഥാനത്തെ റേഷന്കടകള്ക്ക് ഇന്ന് അവധി
21 Sep 2020 1:36 AM GMTസംസ്ഥാനത്ത് ഇന്നും അതിതീവ്ര മഴ; പത്ത് ജില്ലകളില് ഓറഞ്ച് അലര്ട്ട്,...
21 Sep 2020 1:24 AM GMTരണ്ട് പുതിയ കണ്ടെയ്ന്മെന്റ് സോണുകള്; കോട്ടയം ജില്ലയില് ആകെ 32...
21 Sep 2020 12:50 AM GMT
