സര്ക്കാര് യോഗത്തിനെത്തിയ മദ്റസ അധ്യാപകര്ക്ക് മുറി നിഷേധിച്ചു
ഗസ്റ്റ്ഹൗസില് അധ്യാപകര്ക്ക് മുന്കൂട്ടി ബുക്കിങ് ഉണ്ടായിരുന്നു. എന്നാല്, അധ്യാപകര് രാവിലെ ഇവിടെയെത്തിയപ്പോള് ആദ്യം അവരെ മൂന്ന് മണിക്കൂറോളം കാത്തിരിക്കാന് പറഞ്ഞു. തുടര്ന്ന് ഒരു മണിക്കൂര് ചെക്ക് ഇന് കഴിഞ്ഞപ്പോള് മുറികള് വിട്ട് മറ്റൊരു അതിഥിമന്ദിരത്തിലേക്ക് പോവാന് ആവശ്യപ്പെടുകയും താമസ സൗകര്യം നിഷേധിക്കുകയുമായിരുന്നുവെന്ന് കൊല്ക്കത്ത പത്രങ്ങളില് പ്രസിദ്ധീകരിച്ച റിപോര്ട്ടില് വ്യക്തമാക്കി. മതം കാരണം തങ്ങള്ക്ക് മുറി നിഷേധിച്ചതായി അധ്യാപകര് പോലിസിന് പരാതി നല്കിയപ്പോള് ഗസ്റ്റ് ഹൗസ് ഉടമ ആരോപണം നിഷേധിക്കുകയും ഇതൊരു തെറ്റിദ്ധാരണ മാത്രമാണെന്ന് പറയുകയും ചെയ്തു. പശ്ചിമ ബംഗാളിലെ മദ്റസ അധ്യാപകരുടെ കൂട്ടായ്മയായ ശിക്ഷക് ഓക്യോ മുക്തോ മഞ്ചും പോലിസില് പരാതി നല്കി.
മുറി നിഷേധിക്കാനുള്ള കാരണം കേട്ട് ഞങ്ങള് അമ്പരന്നുപോയെന്ന് അധ്യാപകര് ടെലിഗ്രാഫിനോട് പറഞ്ഞു. ജോലിയുമായി ബന്ധപ്പെട്ട് ഞങ്ങള് നേരത്തേ കൊല്ക്കത്തയില് വന്നിരുന്നു. സാധാരണയായി അത്തരം ലോഡ്ജുകളിലാണ് താമസിക്കാറുണ്ടായിരുന്നത്. ലോക്ക്ഡൗണ് കാരണം നിരവധി മാസങ്ങള്ക്കു ശേഷമാണ് ഇത്തവണ ഞങ്ങള് എത്തിയത്. ഇതിനുമുമ്പ് ഞങ്ങള് ഒരു പ്രശ്നവും നേരിട്ടിട്ടില്ല. ബംഗാളില് ഇത് സംഭവിക്കുമെന്ന് കരുതുന്നത് ഞങ്ങളുടെ മനസ്സിനെ തകര്ക്കുന്നുവെന്ന് മാല്ഡയിലെ കലിയാചൗക്കിലെ അലിപൂര് മദ്റസ ശിക്ഷാ കേന്ദ്രത്തിന്റെ പ്രധാനാധ്യാപകനായ മഹ്ബുബുര് റഹ്മാന് പറഞ്ഞു. ഗസ്റ്റ് ഹൗസുകാരുടെ നിലപാട് കാരണം ബികാഷ് ഭവനിനടുത്തുള്ള ഈസ്റ്റ് വെസ്റ്റ് മെട്രോ(ഓവര്ഹെഡ് ട്രാക്കുകള്ക്ക് താഴെയുള്ള നിലം)യ്ക്കു കീഴില് അധ്യാപകര്ക്ക് അഭയം തേടേണ്ടിവന്നു.
10 Madrasa Teachers Driven Out of Kolkata Guest House, Denied Accommodation in Another As Well
മഹാരാഷ്ട്രയില് ബഹുനില കെട്ടിടം തകര്ന്ന് എട്ടുമരണം; 25 പേരെ...
21 Sep 2020 2:40 AM GMTമലയാറ്റൂരില് പാറമടയില് പൊട്ടിത്തെറി; രണ്ട് അന്തര്സംസ്ഥാന...
21 Sep 2020 2:18 AM GMTകോഴിക്കോട് നാദാപുരത്ത് പുഴയില് കുളിക്കാനിറങ്ങിയ യുവാവ്...
21 Sep 2020 2:00 AM GMTസംസ്ഥാനത്തെ റേഷന്കടകള്ക്ക് ഇന്ന് അവധി
21 Sep 2020 1:36 AM GMTസംസ്ഥാനത്ത് ഇന്നും അതിതീവ്ര മഴ; പത്ത് ജില്ലകളില് ഓറഞ്ച് അലര്ട്ട്,...
21 Sep 2020 1:24 AM GMTരണ്ട് പുതിയ കണ്ടെയ്ന്മെന്റ് സോണുകള്; കോട്ടയം ജില്ലയില് ആകെ 32...
21 Sep 2020 12:50 AM GMT
