പോലിസ് തലപ്പത്ത് അഴിച്ചുപണി; എസ് ശ്രീജിത്തിനെ ട്രാന്സ്പോര്ട്ട് കമ്മീഷണറാക്കി
തിരുവനന്തപുരം: സംസ്ഥാനത്ത് പോലിസ് സേനയുടെ തലപ്പത്ത് അഴിച്ചുപണി. ക്രൈം ബ്രാഞ്ച് മേധാവിയെയും വിജിലന്സ് ഡയറക്ടറെയും ജയില് മേധാവിയെയും ട്രാന്സ്പോര്ട് കമ്മീഷണറെയും മാറ്റി. സുദേഷ് കുമാര് ജയില് മേധാവിയാകും. എസ് ശ്രീജിത്തിനെ ട്രാന്സ്പോര്ട്ട് കമ്മീഷണറായി നിയമിച്ചു. ജയില് മേധാവി സ്ഥാനത്ത് നിന്ന് മാറുന്ന ഷെയ്ക്ക് ധര്വേസ് സാഹിബാണ് പുതിയ െ്രെകം ബ്രാഞ്ച് മേധാവി. ട്രാന്സ്പോര്ട് കമ്മീഷണറായിരുന്ന എം ആര് അജിത് കുമാര് വിജിലന്സ് മേധാവിയാകും.
നടിയെ ആക്രമിച്ച കേസും, ഇതുമായി ബന്ധപ്പെട്ട വധഗൂഢാലോചന കേസും വഴിത്തിരിവില് നില്ക്കേയാണ് ക്രൈം ബ്രാഞ്ച് മേധാവിയുടെ മാറ്റം. ദിലീപിന്റെ അഭിഭാഷകനെതിരായ ചോദ്യം ചെയ്യല് നീക്കത്തെ തുടര്ന്നുള്ള പരാതികളാണ് ക്രൈം ബ്രാഞ്ച് മേധാവിയെ മാറ്റാന് കാരണമെന്നാണ് സൂചന. പാലത്തായിയില് പ്രായപൂര്ത്തിയാവാത്ത പെണ്കുട്ടിയെ ബിജെപി നേതാവ് പീഡിപ്പിച്ച കേസിന്റെ അന്വേഷണത്തിലും ശ്രീജിത്തിനെതിരേ വ്യാപക പരാതി ഉയര്ന്നിരുന്നു. പീഡനക്കേസില് പ്രതിയായ ബിജെപി നേതാവ് പത്മരാജനെ സംരക്ഷിക്കാന് പെണ്കുട്ടിയെ പൊതുമധ്യത്തില് അപമാനിക്കുന്ന നിലപാടാണ് ശ്രീജിത്ത് സ്വീകരിച്ചതെന്ന് ആരോപണം ഉയര്ന്നു.
വിജിലന്സ് ഡയറക്ടര് സുദേഷ് കുമാറിനെതിരെ ഡിജിപി ടോമിന് തച്ചങ്കരി പരാതി നല്കിയിരുന്നു. പ്രമുഖ സ്വര്ണാഭരണ ശാലയില് നിന്നും ആഭരണം വാങ്ങിയ ശേഷം കുറഞ്ഞ തുക നല്കിയെന്ന പരാതിയും വിജിലന്സ് ഡയറക്ടര്ക്കെതിരെയുണ്ടായിരുന്നു. ആഭ്യന്തര സെക്രട്ടറി നടത്തിയ പ്രാഥമിക അന്വേഷണത്തില് പരാതിയി കഴമ്പുണ്ടെന്ന് തെളിഞ്ഞതോടെയാണ് മാറ്റം.
RELATED STORIES
ടി.ജി നന്ദകുമാറില് നിന്ന് 10 ലക്ഷം വാങ്ങിയെന്ന് സമ്മതിച്ച് ശോഭാ...
23 April 2024 2:14 PM GMTകുഞ്ഞാലിക്കുട്ടിയെ ശോഭാ സുരേന്ദ്രന് കണ്ടു; കെ മുരളീധരനെയും സമീപിച്ചു; ...
23 April 2024 1:54 PM GMTകളമശേരി സ്ഫോടനം: കോടതിയിൽ കുറ്റപത്രം സമർപ്പിച്ചു
23 April 2024 12:04 PM GMTകെജ് രിവാളിനും കെ കവിതക്കും ജയിൽ മോചനമില്ല; ജുഡീഷ്യൽ കസ്റ്റഡി...
23 April 2024 11:46 AM GMTതിരഞ്ഞെടുപ്പ് പ്രചാരണത്തിന് ആരെയും ചുമതലപ്പെടുത്തിയിട്ടില്ല;...
23 April 2024 11:44 AM GMTസൂറത്തിലെ കോണ്ഗ്രസ് സ്ഥാനാര്ഥിയെ കാണാനില്ല; ബിജെപിയില്...
23 April 2024 11:34 AM GMT