നിയമസഭാ കയ്യാങ്കളി കേസ്; സുപ്രിംകോടതി വിധി ഇന്ന്
കയ്യാങ്കളി കേസ് അവസാനിപ്പിക്കാന് അനുമതി തേടി സര്ക്കാര് നല്കിയ ഹര്ജിയിലാണ് വിധി.
ന്യൂഡല്ഹി: നിയമസഭാ കയ്യാങ്കളി കേസില് സുപ്രിംകോടതി ഇന്ന് വിധി പറയും. ജസ്റ്റിസ് ഡി വൈ ചന്ദ്രചൂഡ് അധ്യക്ഷനായ ബെഞ്ചാണ് വിധി പറയുക. കയ്യാങ്കളി കേസ് അവസാനിപ്പിക്കാന് അനുമതി തേടി സര്ക്കാര് നല്കിയ ഹര്ജിയിലാണ് വിധി.
നിയമസഭയ്ക്കുള്ളില് പൊതുമുതല് നശിപ്പിച്ച കേസ് പിന്വലിക്കാന് സര്ക്കാരിന് സാധിക്കില്ലെന്ന് കേസില് വാദം കേള്ക്കവെ കോടതി നിലപാട് വ്യക്തമാക്കിയിരുന്നു. കേസ് അവസാനിപ്പിക്കാന് എന്ത് പൊതുതാല്പ്പര്യമെന്ന ചോദ്യവും ഇതോടൊപ്പം കോടതി ഉയര്ത്തിയിരുന്നു.
കേസ് അവസാനിപ്പിക്കണമെന്ന് ആവശ്യപ്പെട്ട് പ്രതികളായ മന്ത്രി വി ശിവന്കുട്ടി, മുന് മന്ത്രിമാരായ ഇ പി ജയരാജന്, കെ ടി ജലീല് തുടങ്ങിയവരും കോടതിയെ സമീപിച്ചിരുന്നു. 2015ല് അന്നത്തെ ധനമന്ത്രി കെ എം മാണി ബജറ്റ് അവതരിപ്പിക്കുന്നത് തടസ്സപ്പെടുത്താന് നടന്ന പ്രതിഷേധം നിയമസഭയ്ക്കുള്ളില് കയ്യാങ്കളിയായി മാറുകയും സഭയ്ക്കകത്തെ വിലപിടിപ്പുള്ള സാധനങ്ങള് നശിപ്പിക്കുന്നതിലേക്ക് ചെന്നെത്തുകയും ചെയ്തിരുന്നു.
മഹാരാഷ്ട്രയില് ബഹുനില കെട്ടിടം തകര്ന്ന് എട്ടുമരണം; 25 പേരെ...
21 Sep 2020 2:40 AM GMTമലയാറ്റൂരില് പാറമടയില് പൊട്ടിത്തെറി; രണ്ട് അന്തര്സംസ്ഥാന...
21 Sep 2020 2:18 AM GMTകോഴിക്കോട് നാദാപുരത്ത് പുഴയില് കുളിക്കാനിറങ്ങിയ യുവാവ്...
21 Sep 2020 2:00 AM GMTസംസ്ഥാനത്തെ റേഷന്കടകള്ക്ക് ഇന്ന് അവധി
21 Sep 2020 1:36 AM GMTസംസ്ഥാനത്ത് ഇന്നും അതിതീവ്ര മഴ; പത്ത് ജില്ലകളില് ഓറഞ്ച് അലര്ട്ട്,...
21 Sep 2020 1:24 AM GMTരണ്ട് പുതിയ കണ്ടെയ്ന്മെന്റ് സോണുകള്; കോട്ടയം ജില്ലയില് ആകെ 32...
21 Sep 2020 12:50 AM GMT
