കളമശ്ശേരി സ്ഫോടനത്തില് വിദ്വേഷ പ്രചാരണം; റിപോര്ട്ടര് ചാനലിനും സുജയാ പാര്വതിക്കുമെതിരേ കേസ്
കൊച്ചി: കളമശ്ശേരി ബോംബ് സ്ഫോടന പരമ്പരയുടെ പശ്ചാത്തലത്തില് വിദ്വേഷ പ്രചാരണം നടത്തിയെന്ന പരാതിയില് റിപോര്ട്ടര് ചാനലിനും മാധ്യമപ്രവര്ത്തക സുജയാ പാര്വതിക്കുമെതിരെ കേസെടുത്തു. കളമശ്ശേരി സ്വദേശി യാസീന് അറഫാത്തിന്റെ പരാതിയിലാണ് തൃക്കാക്കര പോലിസ് കേസ് രജിസ്റ്റര് ചെയ്തത്. ഐപിസി 153, 153 എ വകുപ്പുകള് പ്രകാരമാണ് കേസെടുത്തത്. മതസൗഹാര്ദ അന്തരീക്ഷം തകര്ക്കുന്നതിന് വേണ്ടി റിപോര്ട്ടര് ചാനലും സുജയയും വിദ്വേഷ പ്രചാരണം നടത്തിയെന്നു കാണിച്ച് ഇ-മെയില് വഴിയാണ് പരാതി നല്കിയത്.
കളമശ്ശേരി സ്ഫോടനത്തിന് പിന്നാലെ ചാനലിലൂടെ സംഭവത്തെ ഫലസ്തീന് വിഷയവുമായി ബന്ധപ്പെടുത്തി മുസ്ലിം സമുദായത്തെയാകെ അടച്ചാക്ഷേപിക്കുന്ന പ്രചരണമുണ്ടായെന്നാണ് പരാതിയില് ആരോപിക്കുന്നത്. ഊഹാപോഹങ്ങളിലൂടെ ചേരി തിരിഞ്ഞുള്ള പ്രചാരണങ്ങള് ചാനലിന്റെ ഭാഗത്ത് നിന്നുണ്ടായെന്നും പരാതിയില് ചൂണ്ടിക്കാട്ടിയിട്ടുണ്ട്. നേരത്തേ, യൂത്ത് ലീഗ് സംസ്ഥാന ജനറല് സെക്രട്ടറി പി കെ ഫിറോസിന്റെ പരാതിയില് ജനം ടിവിക്കെതിരേയും റിപോര്ട്ടര്ക്കെതിരേയും കേസെടുത്തിരുന്നു.
RELATED STORIES
ഇബ്രാഹിം റഈസി സഞ്ചരിച്ച ഹെലികോപ്ടര് കണ്ടെത്താനായില്ല; പ്രസിഡന്റിനു...
19 May 2024 5:54 PM GMTപോക്സോ കേസ്: ഡല്ഹിയില്നിന്ന് പിടിയിലായ മലയാളി രക്ഷപ്പെട്ടു
19 May 2024 12:46 PM GMTബോചെ ടി ലോട്ടറിയല്ല; സര്ക്കാര് വാദം പൊള്ളയെന്ന് ബോബി ചെമ്മണൂര്
19 May 2024 10:33 AM GMTകാഫിര് സ്ക്രീന് ഷോട്ട്; പിന്നില് സിപിഎം ജില്ലാ സെക്രട്ടറി പി...
19 May 2024 9:36 AM GMTകാസര്കോട് കാറും സ്കൂട്ടറും കൂട്ടിയിടിച്ചു; ഭാര്യയും ഭര്ത്താവും...
19 May 2024 5:18 AM GMTപൂക്കോട് വെറ്ററിനറി കോളേജിലെ സിദ്ധാര്ത്ഥന്റെ മരണം; സസ്പെന്ഷന്...
19 May 2024 5:06 AM GMT