ദേശീയപാതയിലെ കുഴിയില് വീണ് അപകടം; മനഃപൂര്വ്വമല്ലാത്ത നരഹത്യയ്ക്ക് കരാര് കമ്പനിക്കെതിരേ കേസ്
അത്താണിക്ക് സമീപം കുഴിയില് വീണ് ഹാഷിം മരിച്ച സംഭവത്തില് കരാര് കമ്പനിക്ക് വീഴ്ച സംഭവിച്ചതായി അന്വേഷണത്തില് കണ്ടെത്തിയതിന്റെ അടിസ്ഥാനത്തിലാണ് നടപടിയെന്ന് പോലിസ് പറയുന്നു.
![ദേശീയപാതയിലെ കുഴിയില് വീണ് അപകടം; മനഃപൂര്വ്വമല്ലാത്ത നരഹത്യയ്ക്ക് കരാര് കമ്പനിക്കെതിരേ കേസ് ദേശീയപാതയിലെ കുഴിയില് വീണ് അപകടം; മനഃപൂര്വ്വമല്ലാത്ത നരഹത്യയ്ക്ക് കരാര് കമ്പനിക്കെതിരേ കേസ്](https://www.thejasnews.com/h-upload/2022/08/08/199768-hashim.avif)
കൊച്ചി: ദേശീയ പാതയില് എറണാകുളം അത്താണിക്ക് സമീപം കുഴിയില് വീണ് ഹോട്ടല് ജീവനക്കാരന് മരിച്ച സംഭവത്തില് കരാര് കമ്പനിക്കെതിരെ കേസ്. ദേശീയ പാതയില് അറ്റകുറ്റപ്പണിക്കും നവീകരണത്തിനും കരാര് എടുത്ത ഗുരുവായൂര് ഇന്ഫ്രാസ്ട്രക്ചര് പ്രൈവറ്റ് ലിമിറ്റഡിനെതിരേയാണ് പോലിസ് കേസെടുത്തത്. അറ്റകുറ്റപ്പണിയില് വീഴ്ച വരുത്തിയതായി ബോധ്യപ്പെട്ടതിന്റെ അടിസ്ഥാനത്തില് മനഃപൂര്വ്വമല്ലാത്ത നരഹത്യക്കാണ് കേസെടുത്തത്.
നാലുദിവസം മുന്പ് ഹോട്ടല് ജീവനക്കാരനായ ഹാഷിമാണ് ദേശീയ പാതയില് കുഴിയില് വീണ് മരിച്ചത്. കുഴിയില് വീണ് നിയന്ത്രണം നഷ്ടപ്പെട്ട വാഹനത്തില് നിന്ന് മീഡിയനിലേക്ക് തെറിച്ചുവീണ ഹാഷിമിന്റെ മുകളിലൂടെ മറ്റൊരു വാഹനം കയറി ഇറങ്ങുകയായിരുന്നു. ഈ വാഹനം കണ്ടെത്താനുള്ള അന്വേഷണം നടക്കുന്നതായി പോലിസ് അറിയിച്ചു. നാലുചക്ര വാഹനമാണിതെന്നാണ് പോലിസിന്റെ പ്രാഥമിക നിഗമനം. പ്രദേശത്ത് സിസിടിവി ദൃശ്യങ്ങള് ഇല്ലാതിരുന്നത് വാഹനം തിരിച്ചറിയാന് ബുദ്ധിമുട്ട് സൃഷ്ടിക്കുന്നുണ്ട്. എങ്കിലും ഹാഷിം സഞ്ചരിച്ച സ്കൂട്ടര് ശാസ്ത്രീയ പരിശോധനയ്ക്ക് വിധേയമാക്കുന്നതോടെ, വാഹനം ഏതെന്ന് തിരിച്ചറിയാന് സാധിക്കുമെന്നാണ് പോലിസ് കരുതുന്നത്.
ദേശീയപാതയില് 18 വര്ഷമായി കരാര് അനുസരിച്ച് പ്രവൃത്തികള് ചെയ്ത് വരുന്ന കമ്പനിയാണ് ഗുരുവായൂര് ഇന്ഫ്രാസ്ട്രക്ചര് പ്രൈവറ്റ് ലിമിറ്റഡ്. ദേശീയപാതയിലെ അറ്റകുറ്റപ്പണി, നവീകരണം എന്നി ജോലികളാണ് ഇവര് ചെയ്ത് വരുന്നത്. അത്താണിക്ക് സമീപം കുഴിയില് വീണ് ഹാഷിം മരിച്ച സംഭവത്തില് കരാര് കമ്പനിക്ക് വീഴ്ച സംഭവിച്ചതായി അന്വേഷണത്തില് കണ്ടെത്തിയതിന്റെ അടിസ്ഥാനത്തിലാണ് നടപടിയെന്ന് പോലിസ് പറയുന്നു.
RELATED STORIES
മണപ്പുറം ഫിനാന്സ് തട്ടിപ്പ്; പ്രതി ധന്യാ മോഹന് പോലിസില് കീഴടങ്ങി
26 July 2024 5:46 PM GMTആര്എസ്എസിനെ പുകഴ്ത്തിയും വിലക്കിനെ വിമര്ശിച്ചും മധ്യപ്രദേശ്...
26 July 2024 5:25 PM GMT'അര്ജുനെ കണ്ടെത്താന് കുടുതല് ഇടപെടല് വേണം'; പ്രതിരോധ മന്ത്രിക്കും...
26 July 2024 5:06 PM GMTഖാന് യൂനിസില് വീണ്ടും ഇസ്രായേല് കൂട്ടക്കുരുതി; 18 പേര്...
26 July 2024 4:55 PM GMTസംസ്ഥാന സ്കൂള് കലോല്സവം ഡിസംബര് മൂന്നുമുതല് തിരുവനന്തപുരത്ത്
26 July 2024 4:45 PM GMTനീറ്റ് യുജി പുതുക്കിയ റാങ്ക് പട്ടിക പുറത്തിറക്കി; കണ്ണൂര് സ്വദേശി...
26 July 2024 4:29 PM GMT