ത്രിവര്ണ പതാക ഉയര്ത്താത്ത വീടുകളുടെ പടമെടുക്കാന് ആവശ്യപ്പെട്ട് ഉത്തരാഖണ്ഡ് ബിജെപി പ്രസിഡന്റ്
സ്വാതന്ത്ര്യത്തിന്റെ 75ാം വാര്ഷികത്തോടനുബന്ധിച്ച് കഴിഞ്ഞ ദിവസം നടന്ന പാര്ട്ടി പരിപാടിയിലായിരുന്നു ഭട്ടിന്റെ വിവാദ നിര്ദേശം.
ന്യൂഡല്ഹി: ദേശീയ പതാക ഉയര്ത്താത്ത വീടുകളുടെ ചിത്രമെടുക്കാന് അണികള്ക്കു നിര്ദേശം നല്കി ബിജെപി ഉത്തരാഖണ്ഡ് പ്രസിഡന്റ് മഹേന്ദ്ര ഭട്ട്. സ്വാതന്ത്ര്യത്തിന്റെ 75ാം വാര്ഷികത്തോടനുബന്ധിച്ച് കഴിഞ്ഞ ദിവസം നടന്ന പാര്ട്ടി പരിപാടിയിലായിരുന്നു ഭട്ടിന്റെ വിവാദ നിര്ദേശം.
ദേശീയ പതാക ഉയര്ത്താത്തവരെ രാജ്യത്തിനു വിശ്വസിക്കാനാവില്ലെന്നും ആരാണു ദേശീയവാദിയെന്ന് തിരിച്ചറിയാന് ഇതുവഴി സാധിക്കുമെന്നുമാണ് ഇയാളുടെ വാദം. 'ദേശീയ പതാക ഉയര്ത്താത്ത വീടുകളെ നമുക്ക് വിശ്വസിക്കാനാവില്ല. അത്തരം വീടുകളുടെ ചിത്രങ്ങള് എനിക്കു വേണം. അത്തരം വീടുകളേയും കുടുംബങ്ങളേയും സമൂഹം കാണേണ്ടതുണ്ട്.- മഹേന്ദ്ര ഭട്ട് പറഞ്ഞത്.
ഇത് വിവാദമായതിനു പിന്നാലെ പ്രതിപക്ഷ പാര്ട്ടികള് ഉള്പ്പടെ വിമര്ശനവുമായി രംഗത്തെത്തി. അതോടെ ബിജെപി പ്രവര്ത്തകരുടെ വീടുകളെക്കുറിച്ച് മാത്രമാണ് താന് പറഞ്ഞതെന്ന ന്യായീകരണവുമായി ഭട്ട് എത്തി. സ്വാതന്ത്ര്യത്തിന്റെ 75ാം വാര്ഷികം ആഘോഷിക്കുമ്പോള് വീട്ടില് പതാക ഉയര്ത്താന് ഒരു ഇന്ത്യക്കാരന് മടിക്കുന്നത് എന്തിനാണെന്നും അദ്ദേഹം ചോദിച്ചു.
ആര്എസ്എസ് ആസ്ഥാനത്ത് മുന്പ് ദേശീയ പതാക ഉയര്ത്തിയിരുന്നില്ലെന്നും ഭട്ടിന്റെ മാനദണ്ഡപ്രകാരം അവരെയും വിശ്വസിക്കാനാവില്ലെന്നാണ് സംസ്ഥാന കോണ്ഗ്രസ് നേതാവ് കരണ് മഹറ പ്രതികരിച്ചത്. 'പതാക ഉയര്ത്താത്തവരെ വിശ്വസിക്കാനാവില്ല എന്ന ഭട്ടിന്റെ പ്രസ്താവനയെ ഞാന് അംഗീകരിക്കുന്നു. ബിജെപിയും സംഘപരിവാറും ദേശിയ പതാകയെ അംഗീകരിച്ചിരുന്നില്ല. ആര്എസ്എസ് ആസ്ഥാനത്ത് 52 വര്ഷത്തോളം ദേശിയ പതാക ഉയര്ത്താന് തയാറായില്ല മഹറ'- പറഞ്ഞു.
RELATED STORIES
പരീക്ഷാപേപ്പറില് 'ജയ്ശ്രീറാം' എന്നെഴുതിയ വിദ്യാര്ഥികള്ക്ക്...
25 April 2024 1:05 PM GMTപട്നയില് ഹോട്ടലില് വന് തീപിടിത്തം; ആറുമരണം
25 April 2024 11:53 AM GMTജാവദേക്കര് ഇ പിയുമായി ചര്ച്ച നടത്തിയത് പിണറായിക്കു വേണ്ടി; സുധാകരന് ...
25 April 2024 11:24 AM GMTമസ്ജിദിനു നേരെ 'അമ്പെയ്ത' ഹൈദരാബാദിലെ ബിജെപി സ്ഥാനാര്ഥിയുടെ ആസ്തി 221 ...
25 April 2024 11:03 AM GMTതൃശ്ശൂർ പൂരത്തിനിടെ വിദേശ വ്ളോഗർമാർക്ക് നേരേ ലൈംഗികാതിക്രമം
25 April 2024 10:54 AM GMT41 ഡിഗ്രി സെൽഷ്യസ് വരെ താപനില ഉയരാൻ സാധ്യത, പാലക്കാട് ഉഷ്ണതരംഗ...
25 April 2024 10:52 AM GMT