രാജ്യത്ത് ഇന്ധന വില വീണ്ടും വര്ദ്ധിപ്പിച്ചു
തിരുവനന്തപുരം: രാജ്യത്ത് ഇന്ധന വില വീണ്ടും വര്ദ്ധിപ്പിച്ചു. ഡീസലിന് 32 പൈസയും പെട്രോളിന് 25 പൈസയുമാണ് ഇന്ന് വര്ദ്ധിച്ചത്. തിരുവനന്തപുരത്ത് പെട്രോള് വില 104.63 ആയും ഡീസല് വില 95.99 രൂപയായും ഉയര്ന്നു. കൊച്ചിയില് പെട്രോള് വില ലിറ്ററിന് 102.72 രൂപയും ഡീസലിന് 95.85 രൂപയുമാണ് വില. കോഴിക്കോട് പെട്രോളിന് 102. 84 രൂപയും ഡീസലിന് 95.99 രൂപയുമായിവില ഉയര്ന്നു.
കഴിഞ്ഞ ദിവസവും ഡീസലിന് 32 പൈസയും പെട്രോളിന് 25 പൈസയുമാണ് വര്ധിപ്പിച്ചത്. പെട്രോള്, ഡീസല് വില ഏറ്റവും ഉയര്ന്നു നില്ക്കുന്ന രാജ്യങ്ങളിലൊന്നാണ് ഇന്ത്യ. കൊവിഡ് പ്രതിസന്ധിക്കിടെ ഇന്ധന വില വര്ദ്ധന ജനങ്ങളെ ദുരിതത്തിലാക്കി. നിത്യോപയോഗ സാധനങ്ങളുടെ വിലവര്ദ്ധനവും പാചക വാതക വിലവര്ദ്ധനവും സാധാരണക്കാരുടെ നടുവൊടിക്കുന്നതാണ്. മോദി അധികാരത്തിലേറിയതിന് ശേഷം അനിയന്ത്രിതമായ വിലവര്ദ്ധനവാണ് രേഖപ്പെടുത്തിയത്. അഞ്ച് സംസ്ഥാനങ്ങളില് തിരഞ്ഞെടുപ്പ് നടക്കുന്ന സാഹചര്യത്തില് രണ്ട് മാസത്തോളം ഇന്ധന വിലവര്ദ്ധന നിയന്ത്രിച്ചിരുന്നു. എന്നാല്, അതിന് ശേഷം തുടര്ച്ചയായ വര്ദ്ധനവാണ് രേഖപ്പെടുത്തിയത്. ഇന്ധന വിലവര്ദ്ധനവിനെതിരേ പ്രതിപക്ഷ പാര്ട്ടികളും ശക്തമായ സമരങ്ങള്ക്ക് തയ്യാറാവുന്നില്ല.
വില കുറക്കാനായി കേന്ദ്രസംസ്ഥാന സര്ക്കാറുകള് ഈടാക്കുന്ന നികുതി കുറക്കണമെന്ന് ആവശ്യമുയര്ന്നിരുന്നു. വില കുറയാന് ജിഎസ്ടിയില് ഉള്പ്പെടുത്തണമെന്ന ആവശ്യവും ഉയര്ന്നു. എന്നാല് ഭൂരിപക്ഷം സംസ്ഥാനങ്ങളും എതിര്ത്തതോടെ പെട്രോളും ഡീസലും ജിഎസ്ടിയില് ഉള്പ്പെടുത്തേണ്ടെന്ന് കൗണ്സില് തീരുമാനിച്ചു.
ജിഎസ്ടിയില് ഉള്പ്പെടുത്തിയാല് സംസ്ഥാനങ്ങളുടെ വരുമാനത്തില് ഗണ്യമായ കുറവുണ്ടാകുമെന്ന ആശങ്കയെ തുടര്ന്നാണ് എതിര്പ്പുയര്ന്നത്. അതേസമയം, ജിഎസ്ടിയില് ഉള്പ്പെടുത്തിയാലും ഇന്ധന വില കുറയില്ല. എല്പിജി ജിഎസ്ടിയില് ഉള്പ്പെടുത്തിയിട്ടും വില വര്ധിക്കുകയാണ്. ഗാര്ഹിക സിലിണ്ടറിന് വില 950 രൂപയായി.
RELATED STORIES
'400 സ്ത്രീകളെ ബലാല്സംഗം ചെയ്തയാള്ക്ക് വോട്ട് ചെയ്യാനാണ് പറയുന്നത്'; ...
2 May 2024 2:13 PM GMTഡ്രൈവിങ് ടെസ്റ്റ് പരിഷ്കരണത്തിനെതിരായ സമരം; മലപ്പുറം ജില്ലക്കെതിരായ...
2 May 2024 1:20 PM GMT'ബിജെപിക്ക് വോട്ട്'; അധിര് രഞ്ജന് ചൗധരിക്കെതിരേ തൃണമൂലും മമതയും
2 May 2024 11:40 AM GMTപോലിസുകാരനെ വിഷദ്രാവകം കുത്തിവെച്ച് കൊലപ്പെടുത്തി ലഹരി സംഘം
2 May 2024 11:39 AM GMTവടകരയിലെ വർഗീയ ധ്രുവീകരണം കലക്ടർ ഇടപെടണം: എസ്ഡിപിഐ
2 May 2024 11:38 AM GMTനോട്ടയ്ക്ക് വോട്ട് ചെയ്യാന് ആഹ്വാനം ചെയ്ത് കോണ്ഗ്രസ്|thejasnews
2 May 2024 11:27 AM GMT