വേളാങ്കണി തീര്‍ത്ഥാടനത്തിന് പോയ സംഘം സഞ്ചരിച്ച ബസ് മറിഞ്ഞ് നാല് മരണം, 40 പേര്‍ക്ക് പരിക്കേറ്റു

തൃശൂര്‍ : ഒല്ലൂരില്‍ നിന്നും വേളാങ്കണി തീര്‍ത്ഥാടനത്തിന് പോയ സംഘം സഞ്ചരിച്ച ബസ് മറിഞ്ഞ് നാല് പേര്‍ മരിച്ചു. നാഗപട്ടണം മന്നാര്‍കുടി ഒറത്തുനാടിന് സമീപം വളവ് തിരിയുന്നതിനിടെ ബസ് മറിയുകയായിരുന്നു.ബസ് കുഴിയിലേക്ക് പതിക്കുകയായിരുന്നു. 40 പേര്‍ക്ക് പരുക്കേറ്റു. ആകെ 47 പേരാണ് വാഹനത്തില്‍ ഉണ്ടായിരുന്നത്. ലില്ലി (63), റയോണ്‍ (8) എന്നിവര്‍ സംഭവ സ്ഥലത്തു വച്ച് തന്നെ മരിച്ചു. ഡ്രൈവര്‍ ഉറങ്ങിപ്പോയതാവാം അപകടകാരണമെന്നാണ് പ്രാഥമിക റിപ്പോര്‍ട്ട്.