മുബൈയിലെ ഷോപ്പിങ് മാളില്‍ തീപ്പിടിത്തം; 3500 ഓളം പേരെ ഒഴിപ്പിച്ചു(വീഡിയോ)

മുംബൈ: നഗരത്തിലെ ഷോപ്പിങ് മാളില്‍ തീപ്പിടിത്തം. മധ്യ മുംബൈയിലെ നാഗ്പഡയിലെ സിറ്റി സെന്റര്‍ മാളിലാണ് വ്യാഴാഴ്ച രാത്രി വൈകി തീ പടര്‍ന്നത്. തീ അണയ്ക്കാനുള്ള ശ്രമങ്ങള്‍ രാവിലെയും തുടരുകയാണ്. തീപ്പിടിത്തമുണ്ടായതിനെ തുടര്‍ന്ന് മാളിനോട് ചേര്‍ന്നുള്ള 3,500 പേരെ ഒഴിപ്പിച്ചതായി അധികൃതര്‍ അറിയിച്ചു. തീപിടിത്തത്തിന്റെ കാരണം വ്യക്തമായിട്ടില്ല. ആര്‍ക്കും പരിക്കേറ്റിട്ടില്ലെന്നാണു റിപോര്‍ട്ട്. മാളിന്റെ രണ്ടും മൂന്നും നിലകളിലേക്ക് തീ പടര്‍ന്നു. ഇതേത്തുടര്‍ന്ന് മാളിനോട് ചേര്‍ന്നുള്ള 55 നില കെട്ടിടത്തിലെ താമസക്കാരെയാണ് സുരക്ഷ പരിഗണിച്ച് സമീപത്തെ ഗ്രൗണ്ടിലേക്ക് മാറ്റിയത്.

#WATCH: Firefighting operation underway at a mall in Nagpada area in Mumbai where a fire broke out last night.

It has been declared a level-5 fire. #Maharashtra pic.twitter.com/YDpgpRHXcm

— ANI (@ANI) October 23, 2020

മാളില്‍ തീ അണയ്ക്കാന്‍ ശ്രമിക്കുന്നതിനിടെ രണ്ട് അഗ്‌നിശമന സേനാംഗങ്ങള്‍ക്ക് പരിക്കേറ്റതായി വാര്‍ത്താ ഏജന്‍സി എഎന്‍ഐ റിപോര്‍ട്ട് ചെയ്തു. സ്ഥലത്ത് 24 ഫയര്‍ ട്രക്കുകളും മുംബൈ ചീഫ് ഫയര്‍ ഓഫിസര്‍ ശശികാന്ത് കേലെ ഉള്‍പ്പെടെ 250 ഓളം അഗ്‌നിശമന സേനാംഗങ്ങളുമാണ് രക്ഷാപ്രവര്‍ത്തനങ്ങള്‍ക്കു നേതൃത്വം നല്‍കുന്നത്. മുംബൈ മേയര്‍ കിഷോരി പെദ്നേക്കറും മറ്റ് ഉദ്യോഗസ്ഥരും വ്യാഴാഴ്ച രാത്രി സ്ഥലം സന്ദര്‍ശിച്ചു.

Fire At Mumbai Mall, 3,500 Residents Evacuated From Next Building