എഴുത്തച്ഛന് പുരസ്കാരം ആനന്ദിന്
ഭാഷാ പിതാവ് തുഞ്ചത്ത് എഴുത്തച്ഛന്റെ നാമത്തില് സംസ്ഥാന സര്ക്കാര് നല്കുന്ന ഏറ്റവും വലിയ സാഹിത്യപുരസ്കാരമാണിത്. അഞ്ച് ലക്ഷം രൂപയും പ്രശസ്തി പത്രവും അടങ്ങുന്നതാണ് പുരസ്കാരം.
തൃശൂര്: ഈ വര്ഷത്തെ എഴുത്തച്ഛന് പുരസ്കാരം സാഹിത്യകാരന് ആനന്ദിന്. സാഹിത്യ രംഗത്തെ അമഗ്ര സംഭാവനക്കാണ് പുരസ്കാരം. അഞ്ച് ലക്ഷം രൂപയും പ്രശസ്തി പത്രവും അടങ്ങുന്നതാണ് പുരസ്കാരം.
ഭാഷാ പിതാവ് തുഞ്ചത്ത് എഴുത്തച്ഛന്റെ നാമത്തില് സംസ്ഥാന സര്ക്കാര് നല്കുന്ന ഏറ്റവും വലിയ സാഹിത്യപുരസ്കാരമാണിത്. ആനന്ദിന്റെ 'അഭയാര്ഥികള്', മരണസര്ട്ടിഫിക്കറ്റ്', 'ആള്ക്കൂട്ടം', 'മരുഭൂമികള് ഉണ്ടാകുന്നത്', 'ഗോവര്ധന്റെ യാത്രകള്', 'ഒടിയുന്ന കുരിശ്', 'നാലാമത്തെ ആണി', ജൈവമനുഷ്യന്, വേട്ടക്കാരനും വിരുന്നുകാരനും തുടങ്ങിയ കൃതികള് ഏറെ പ്രശസ്തങ്ങളാണ്. സാഹിത്യകാരന് എന്നതിനൊപ്പം രാഷ്ട്രീയസാമൂഹ്യശാസ്ത്ര വിശകലനങ്ങളിലൂടെ സമകാലിക സമൂഹത്തെ ആഴത്തില് രേഖപ്പെടുത്തിയ ചിന്തകന് കൂടിയായിരുന്നു അദ്ദേഹം.
1936ല് ഇരിങ്ങാലക്കുടയില് ജനിച്ച ആനന്ദിന്റെ ശരിയായ പേര് പി. സച്ചിദാനന്ദന് എന്നാണ്. തിരുവനന്തപുരം എന്ജിനീയറിങ് കോളജില്നിന്ന് സിവില് എന്ജിനീയറിങ്ങില് ബിരുദം നേടിയ അദ്ദേഹം പട്ടാളത്തിലും സേവനമനുഷ്ഠിച്ചിട്ടുണ്ട്. സെന്ട്രല് വാട്ടര് കമ്മീഷനില് പ്ലാനിങ് ഡയറക്ടറായി ഔദ്യോഗിക ജീവിതത്തില്നിന്ന് വിരമിച്ചു.
നോവല്, ചെറുകഥ, നാടകം, ലേഖനം, പഠനം എന്നിങ്ങനെ വ്യത്യസ്ത വിഭാഗങ്ങളായി ഇരുപതോളം കൃതികള് രചിച്ചിട്ടുണ്ട്. ഗോവര്ധന്റെ യാത്രകള്ക്ക് 1997ലെ കേന്ദ്ര സാഹിത്യ അക്കാദമി അവാര്ഡും മരുഭൂമികള് ഉണ്ടാവുന്നത് എന്ന നോവലിന് വയലാര് അവാര്ഡും ലഭിച്ചിട്ടുണ്ട്. ആള്ക്കൂട്ടത്തിന് ലഭിച്ച യശ്പാല് അവാര്ഡും അഭയാര്ഥികള്ക്കു ലഭിച്ച കേരള സാഹിത്യ അക്കാദമി അവാര്ഡും നിരസിച്ചു. വിവര്ത്തനത്തിനുള്ള 2012ലെ കേന്ദ്രസാഹിത്യ അക്കാദമി പുരസ്കാരവും ആനന്ദിന് ലഭിച്ചിട്ടുണ്ട്.
എഴുത്തുകാരായ വൈശാഖന് അധ്യക്ഷനും എം മുകുന്ദന്, കെ ജയകുമാര്, സാസ്കാരികവകുപ്പ് സെക്രട്ടറി റാണി ജോര്ജ് എന്നിവരടങ്ങിയ സമിതിയാണ് പുരസ്കാരം നിര്ണയിച്ചത്.
RELATED STORIES
കിറ്റിനു പിന്നാലെ വസ്ത്രശേഖരവും; ബിജെപി വിതരണത്തിനെത്തിച്ചതെന്ന്...
25 April 2024 5:48 PM GMTഅഞ്ചുവര്ഷത്തിനിടെ ബെംഗളൂരു സൗത്തിലെ ബിജെപി എംപിയുടെ സ്വത്ത്...
25 April 2024 5:41 PM GMTരാഹുല് ഗാന്ധിക്കെതിരായ അധിക്ഷേപ പരാമര്ശം; പി വി അന്വര്...
25 April 2024 5:17 PM GMTമുഴുസമയ വെബ് കാസ്റ്റിങ്, കള്ളവോട്ട് തടയാന് കണ്ണൂരില് കനത്ത സുരക്ഷ
25 April 2024 5:11 PM GMTഒമാനില് വാഹനാപകടം: രണ്ട് മലയാളികള് ഉള്പ്പെടെ മൂന്ന് നഴ്സുമാര്...
25 April 2024 4:42 PM GMTപരീക്ഷാപേപ്പറില് 'ജയ്ശ്രീറാം' എന്നെഴുതിയ വിദ്യാര്ഥികള്ക്ക്...
25 April 2024 1:05 PM GMT