ദൂരദര്ശനെയും ആകാശവാണിയെയും സംഘപരിവാറിന്റെ തൊഴുത്തില് കെട്ടാന് നീക്കം: മുഖ്യമന്ത്രി
തിരുവനന്തപുരം: ദൂരദര്ശനും ആകാശവാണിയും ഉള്ക്കൊള്ളുന്ന പ്രസാര് ഭാരതിയുടെ ഏക വാര്ത്താ സ്രോതസായി സംഘപരിവാര് ബന്ധമുള്ള 'ഹിന്ദുസ്ഥാന് സമാചാറി'നെ നിയോഗിച്ച കേന്ദ്രസര്ക്കാര് തീരുമാനം വാര്ത്തകളുടെ കാവിവല്ക്കരണത്തിനുള്ളതാണെന്ന് മുഖ്യമന്ത്രി പിണറായി വിജയന്. വിശ്വഹിന്ദു പരിഷത്തിന്റെ സ്ഥാപക ജനറല് സെക്രട്ടറിയും ആര്എസ്എസ് നേതാവുമായിരുന്ന ശിവ്റാം ശങ്കര് ആപ്തേ സ്ഥാപിച്ച ഹിന്ദുസ്ഥാന് സമാചാര് എക്കാലവും സംഘപരിവാറിനായി പ്രവര്ത്തിച്ച വാര്ത്താ ഏജന്സിയാണ്.
അധികാരത്തിലേറിയ കാലം മുതല് പ്രസാര് ഭാരതിയെ ചൊല്പ്പടിയില് നിര്ത്താനുള്ള ശ്രമങ്ങളിലാണ് സംഘപരിവാറെന്ന് മുഖ്യമന്ത്രി ഫേസ്ബുക്കില് കുറിച്ചു. ത്രിപുര മുഖ്യമന്ത്രിയായിരിക്കെ മണിക്ക് സര്ക്കാരിന്റെ സ്വാതന്ത്ര്യദിന പ്രസംഗം പ്രക്ഷേപണം ചെയ്യാതെ തടഞ്ഞുവച്ച പ്രസാര് ഭാരതി ആര്എസ്എസ് മേധാവി മോഹന് ഭാഗവതിന്റെ വിജയദശമി പ്രസംഗം തല്സമയം സംപ്രേഷണം ചെയ്തത് ഇതിനോട് കൂട്ടിവായിക്കേണ്ടതാണ്. ആര്എസ്എസ് പ്രസിദ്ധീകരണങ്ങളായ പാഞ്ചജന്യത്തിന്റെയും ഓര്ഗനൈസറിന്റെയും ഗ്രൂപ്പ് എഡിറ്ററായിരുന്ന ജഗദീഷ് ഉപാസനയെയാണ് പ്രസാര് ഭാരതിയുടെ റിക്രൂട്ട്മെന്റ് ബോര്ഡ് ചെയര്മാനായി 2020ല് കേന്ദ്രം നിയമിച്ചത്.
രാജ്യത്തെ പ്രമുഖ വാര്ത്താ ഏജന്സികളായ പിടിഐയുടെയും യുഎന്ഐയുടെയും സേവനങ്ങളവസാനിപ്പിച്ചാണ് പ്രസാര് ഭാരതി ആര്എസ്എസ് വാര്ത്താ ഏജന്സിയുമായി കരാര് ഒപ്പിട്ടതെന്നാണ് വാര്ത്ത. വാര്ത്താമാധ്യമങ്ങളെ കോര്പറേറ്റുകളിലൂടെ കൈയടക്കുന്നതിനൊപ്പം ദൂരദര്ശനെയും ആകാശവാണിയെയും പരിപൂര്ണമായും സംഘപരിവാറിന്റെ തൊഴുത്തില് കെട്ടാനുള്ള കേന്ദ്ര സര്ക്കാരിന്റെ നീക്കം ജനാധിപത്യത്തിന്റെ കഴുത്തില് കത്തിവയ്ക്കുന്നതാണ്. വിയോജിപ്പിന്റെ ഒരു സ്വരവും പുറത്തുവരരുത് എന്ന ഫാഷിസ്റ്റ് ഇംഗിതത്തിന്റെ പ്രായോഗവല്ക്കരണമാണിത്. ഈ വിപത്ത് മതനിരപേക്ഷ ജനാധിപത്യ സമൂഹം തിരിച്ചറിയുകയും പ്രതിഷേധിക്കുകയും വേണമെന്ന് മുഖ്യമന്ത്രി ഫേസ്ബുക്കില് വ്യക്തമാക്കി.
RELATED STORIES
കിറ്റിനു പിന്നാലെ വസ്ത്രശേഖരവും; ബിജെപി വിതരണത്തിനെത്തിച്ചതെന്ന്...
25 April 2024 5:48 PM GMTഅഞ്ചുവര്ഷത്തിനിടെ ബെംഗളൂരു സൗത്തിലെ ബിജെപി എംപിയുടെ സ്വത്ത്...
25 April 2024 5:41 PM GMTരാഹുല് ഗാന്ധിക്കെതിരായ അധിക്ഷേപ പരാമര്ശം; പി വി അന്വര്...
25 April 2024 5:17 PM GMTമുഴുസമയ വെബ് കാസ്റ്റിങ്, കള്ളവോട്ട് തടയാന് കണ്ണൂരില് കനത്ത സുരക്ഷ
25 April 2024 5:11 PM GMTഒമാനില് വാഹനാപകടം: രണ്ട് മലയാളികള് ഉള്പ്പെടെ മൂന്ന് നഴ്സുമാര്...
25 April 2024 4:42 PM GMTപരീക്ഷാപേപ്പറില് 'ജയ്ശ്രീറാം' എന്നെഴുതിയ വിദ്യാര്ഥികള്ക്ക്...
25 April 2024 1:05 PM GMT