ഗ്യാന്വാപി കേസില് ഹിന്ദുത്വരെ വിമര്ശിച്ച് ഫേസ്ബുക്ക് പോസ്റ്റ്: ഡല്ഹി സര്വകലാശാല പ്രഫസര് അറസ്റ്റില്
ന്യൂഡല്ഹി: ഗ്യാന്വാപി കേസില് ഹിന്ദുത്വ നീക്കത്തെ വിമര്ശിച്ച് ഫേസ്ബുക്ക് പോസ്റ്റിട്ട ഡല്ഹി സര്വകലാശാല പ്രഫസറും ആക്ടിവിസ്റ്റുമായ രത്തന് ലാല് അറസ്റ്റില്. ഡല്ഹി സര്വ്വകലാശാലയിലെ ഹിന്ദു കോളജിലെ പ്രഫസറായ രത്തന് ലാലിനെ ഇന്നലെ രാത്രിയാണ് പോലിസ് അറസ്റ്റ് ചെയ്തത്. രത്തന് ലാലിന്റെ ഫേസ്ബുക്ക് പോസ്റ്റ് മതവിദ്വേഷം വളര്ത്തുന്നതാണെന്ന് ചൂണ്ടിക്കാട്ടി ഒരു അഭിഭാഷകന് നല്കിയ പരാതിയുടെ അടിസ്ഥാനത്തിലാണ് അറസ്റ്റ്.
ഇതോടെ, പ്രതിഷേധവുമായി വിദ്യാര്ഥികള് രംഗത്തെത്തി. അര്ദ്ധരാത്രിയിലും പോലിസ് കമ്മീഷണറുടെ ഓഫിസിന് മുന്നില് വിദ്യാര്ഥികള് കുത്തിയിരിപ്പ് സമരം നടത്തി.
ഐപിസി 153 എ, 295 എ വകുപ്പുകള് ചേര്ത്ത് വടക്കന് ഡല്ഹിയിലെ സൈബര് പോലിസാണ് കേസ് രജിസ്റ്റര് ചെയ്തിരിക്കുന്നത്. ഡല്ഹി ആസ്ഥാനമായുള്ള അഭിഭാഷകന്റെ പരാതിയെ തുടര്ന്നാണ് ലാലിനെതിരെ എഫ്ഐആര് രജിസ്റ്റര് ചെയ്തത്. ശിവലിംഗത്തെ അപകീര്ത്തികരവും പ്രകോപനപരവും പ്രകോപനപരവുമായ പോസ്റ്റ് അടുത്തിടെ ലാല് പങ്കുവെച്ചിരുന്നുവെന്ന് അഭിഭാഷകന് വിനീത് ജിന്ഡാല് തന്റെ പരാതിയില് പറഞ്ഞു. തന്റെ അക്കൗണ്ടില് ലാല് നടത്തിയ പ്രസ്താവന പ്രകോപനപരവും പ്രകോപനപരവുമാണെന്ന് പരാതിയില് പറയുന്നു. വിഷയം വളരെ സെന്സിറ്റീവ് സ്വഭാവമുള്ളതാണെന്നും കോടതിയുടെ പരിഗണനയിലാണെന്നും അഭിഭാഷകന് തന്റെ പരാതിയില് പറഞ്ഞു.
ദിവസങ്ങള്ക്ക് മുന്പ് തന്നെ ലാലിന്റെ പോസ്റ്റിനെതിരേ ഹിന്ദുത്വര് വിമര്ശനവുമായി രംഗത്തെത്തിയിരുന്നു. എന്നാല്, തന്റെ പോസ്റ്റ് തികഞ്ഞ ബോധ്യത്തോടെയാണെന്നും വിമര്ശനങ്ങളെ പ്രതിരോധിക്കുമെന്നും രത്തന് ലാല് വ്യക്തമാക്കി. 'ഇന്ത്യയില് നിങ്ങള് എന്തെങ്കിലും സംസാരിച്ചാല് അത് മറ്റൊരാളുടെ വികാരത്തെ വ്രണപ്പെടുത്തു. അതിനാല് ഇത്തരം വിമര്ശനങ്ങള് പുതിയ കാര്യമല്ല. ഞാന് ഒരു ചരിത്രകാരന് എന്ന നിലയില് നിരവധി നിരീക്ഷണങ്ങള് നടത്തിയിട്ടുണ്ട്. വസ്തുതകളുടെ അടിസ്ഥാനത്തിലാണ് അത്തരം നിരീക്ഷണങ്ങളെന്നും രത്തന് ലാല് വ്യക്തമാക്കിയിരുന്നു. പോസ്റ്റ് സാമൂഹിക മാധ്യമങ്ങളില് വലിയ ചര്ച്ചയാവുന്നതിനിടേയാണ് രത്തന് ലാലിന്റെ അറസ്റ്റ്.
മഹാരാഷ്ട്രയില് ബഹുനില കെട്ടിടം തകര്ന്ന് എട്ടുമരണം; 25 പേരെ...
21 Sep 2020 2:40 AM GMTമലയാറ്റൂരില് പാറമടയില് പൊട്ടിത്തെറി; രണ്ട് അന്തര്സംസ്ഥാന...
21 Sep 2020 2:18 AM GMTകോഴിക്കോട് നാദാപുരത്ത് പുഴയില് കുളിക്കാനിറങ്ങിയ യുവാവ്...
21 Sep 2020 2:00 AM GMTസംസ്ഥാനത്തെ റേഷന്കടകള്ക്ക് ഇന്ന് അവധി
21 Sep 2020 1:36 AM GMTസംസ്ഥാനത്ത് ഇന്നും അതിതീവ്ര മഴ; പത്ത് ജില്ലകളില് ഓറഞ്ച് അലര്ട്ട്,...
21 Sep 2020 1:24 AM GMTരണ്ട് പുതിയ കണ്ടെയ്ന്മെന്റ് സോണുകള്; കോട്ടയം ജില്ലയില് ആകെ 32...
21 Sep 2020 12:50 AM GMT
