പ്ലസ് വണ് വിദ്യാര്ഥിനിയെ മഴുകൊണ്ട് വെട്ടിക്കൊന്നു; യുവാവ് അറസ്റ്റില്
16കാരിയെ കൊലപ്പെടുത്തിയ ശേഷം രക്ഷപ്പെട്ട പ്രതി പ്രവീണിനെ ഹരിയാനയിലെ പല്വാളിലുള്ള സഹോദരിയുടെ വീട്ടില് നിന്നാണ് പോലിസ് അറസ്റ്റ് ചെയ്തത്.
ന്യൂഡല്ഹി: പിന്തുടര്ന്ന് ശല്യം ചെയ്തത് വീട്ടില് അറിയിച്ചതിനെ തുടര്ന്ന് പ്ലസ് വണ് വിദ്യാര്ഥിനിയെ മഴു ഉപയോഗിച്ച് വെട്ടിക്കൊന്നു. സംഭവത്തില് 21 കാരനായ പ്രതിയെ ചൊവ്വാഴ്ച പോലിസ് അറസ്റ്റ് ചെയ്തു. 16കാരിയെ കൊലപ്പെടുത്തിയ ശേഷം രക്ഷപ്പെട്ട പ്രതി പ്രവീണിനെ ഹരിയാനയിലെ പല്വാളിലുള്ള സഹോദരിയുടെ വീട്ടില് നിന്നാണ് പോലിസ് അറസ്റ്റ് ചെയ്തത്.
'സൗത്ത് കാംപസ് പോലിസ് സ്റ്റേഷനില് നിന്ന് ഉച്ചയ്ക്ക് ഒന്നരയോടെ ഒരു പെണ്കുട്ടിയെ മഴു ഉപയോഗിച്ച് ആക്രമിച്ചെന്ന് അറിയിച്ച് തങ്ങള്ക്ക് ഒരു കോള് ലഭിച്ചു. അവളെ സഫ്ദര്ജംഗ് ആശുപത്രിയില് പ്രവേശിപ്പിച്ചു. നിര്ഭാഗ്യവശാല്, അവള് ഇന്ന് മരണത്തിന് കീഴടങ്ങി. പെണ്കുട്ടിയെ പിന്തുടര്ന്ന് ശല്യപ്പെടുത്തുന്നയാളായിരുന്നു പ്രതി. ഇയാളെ പിടികൂടിയതായും സൗത്ത് വെസ്റ്റ് ജില്ലാ ഡെപ്യൂട്ടി കമ്മീഷണര് ഇംഗിത് പ്രതാപ് സിംഗ് പറഞ്ഞു.
ഡല്ഹിയിലെ മോതിബാഗ് പ്രദേശത്തെ ഒരു ഷാന്ടി ടൗണ് നിവാസിയായ പ്രവീണ് പെണ്കുട്ടിയെ മാസങ്ങളായി പിന്തുടരുകയായിരുന്നുവെന്ന് പോലിസ് പറഞ്ഞു. പരിഭ്രാന്തയായ പെണ്കുട്ടി ഇക്കാര്യം പാറാവുകാരനായി ജോലി ചെയ്യുന്ന പിതാവിനെ അറിയിച്ചു. അയാള് പ്രവീണിനെ മര്ദ്ദിച്ചു. ഇത് യുവാവിനെ കൂടുതല് പ്രകോപിപ്പിക്കുകയും അവളെ കൊല്ലാന് തീരുമാനിക്കുകയും ചെയ്തു.
ഇതിനായി ഒരു മാസം മുമ്പ് ആര്കെ പുരാമില് നിന്ന് പ്രവീണ് ഒരു മഴു വാങ്ങിയതായി പോലിസ് പറഞ്ഞു. തിങ്കളാഴ്ച, അവള് വീട്ടിലേക്ക് പോകുമ്പോള് അയാള് അവളുടെ തലയ്ക്ക് മഴു ഉപയോഗിച്ച് ആക്രമിക്കുകയായിരുന്നു. തുടര്ന്ന് ഇയാള് രക്ഷപ്പെട്ടു. ഗുരുതര പരിക്കേറ്റ പെണ്കുട്ടിയെ ഉടന് ആശുപത്രിയിലെത്തിച്ചെങ്കിലും ചികില്സയ്ക്കിടെ മരിക്കുകയായിരുന്നു.
RELATED STORIES
ഐഎസ്എല് കിരീട മോഹം പൊലിഞ്ഞു; പ്ലേ ഓഫില് ഒഡീഷയോട് തോറ്റ്...
19 April 2024 6:38 PM GMTരാഹുല് പറഞ്ഞത് മുഖ്യമന്ത്രിയെ അറസ്റ്റ് ചെയ്യണമെന്ന...
19 April 2024 3:00 PM GMTഒന്നാംഘട്ടം 60.03 ശതമാനം പോളിങ്; ത്രിപുരയും ബംഗാളും മുന്നില്
19 April 2024 2:44 PM GMTയുദ്ധഭീതി; ഇസ്രായേലിലേക്കുള്ള വിമാന സര്വീസുകള് നിര്ത്തിവച്ച് എയര്...
19 April 2024 2:14 PM GMTമഹാരാഷ്ട്രയിൽ സ്വതന്ത്രനായി മത്സരിക്കാൻ പത്രിക നൽകി 'യമരാജൻ'
19 April 2024 10:50 AM GMTജോലിക്കിടയില് കാണാതായ ആലുവ ഹെഡ് പോസ്റ്റ് ഓഫിസ് ജീവനക്കാരനെ...
19 April 2024 10:49 AM GMT