സൈക്കിള് പോളോ ചാംപ്യന്ഷിപ്പിനെത്തിയ 10 വയസ്സുകാരിയുടെ മരണം: സംഘാടകര്ക്കെതിരേ കൊലക്കുറ്റത്തിന് കേസെടുക്കണം- പി ജമീല
തിരുവനന്തപുരം: ദേശീയ സൈക്കിള് പോളോ ചാംപ്യന്ഷിപ്പിനെത്തിയ കേരളാ ടീമിലെ 10 വയസ്സുകാരി നാഗ്പൂരില് മരിച്ച സംഭവത്തില് സംഘാടകര്ക്കെതിരേ കൊലക്കുറ്റത്തിന് കേസെടുക്കണമെന്ന് എസ്ഡിപിഐ സംസ്ഥാന സെക്രട്ടറി പി ജമീല. സംഘാടകരുടെ കുറ്റകരമായ അനാസ്ഥയാണ് ആലപ്പുഴ സ്വദേശിനിയായ നിദ ഫാത്തിമയുടെ മരണത്തിന് കാരണമായത്. കോടതി ഉത്തരവ് നേടിയാണ് സൈക്കിള് പോളോ അസോസിയേഷന് ഓഫ് കേരള നിദ ഫാത്തിമ ഉള്പ്പെടെയുള്ള കുട്ടികളെ മല്സരത്തിനെത്തിച്ചത്. മല്സരത്തില് പങ്കെടുപ്പിക്കാന് മാത്രമാണ് കോടതി നിര്ദേശമെന്നും താമസ സൗകര്യം ഏര്പ്പെടുത്താനാവില്ലെന്നുമുള്ള സംഘാടകരുടെ നിലപാടാണ് കുരുന്നു പെണ്കുട്ടിയുടെ ദാരുണമരണത്തിലേക്ക് നയിച്ചത്.
സ്വന്തം നിലയ്ക്ക് ഏര്പ്പെടുത്തിയ താല്ക്കാലികമായ പരിമിത സൗകര്യം മാത്രമായിരുന്നു ഈ കുട്ടിയ്ക്കുണ്ടായിരുന്നത്. അവിടെ വച്ച് ഛര്ദ്ദിയെ തുടര്ന്നാണ് കുട്ടിയെ ആശുപത്രിയില് പ്രവേശിപ്പിച്ചത്. ആശുപത്രിയിലേയ്ക്ക് നടന്നുപോയ കുട്ടിയുടെ മരണം ഹൃദയാഘാതത്തെത്തുടര്ന്നാണെന്ന നാഗ്പൂര് ശ്രീകൃഷ്ണ ആശുപത്രി അധികൃതരുടെ വാദം കുറ്റവാളികളെ സംരക്ഷിക്കാനുള്ള നീക്കമാണെന്ന സംശയമുണ്ട്. സംസ്ഥാന സര്ക്കാര് അടിയന്തരമായി ഇടപെട്ട് സമഗ്രമായ അന്വേഷണം നടത്താനും സംഘാടകരുടെ അനാസ്ഥയ്ക്കെതിരേ കൊലക്കുറ്റം ഉള്പ്പെടെയുള്ള വകുപ്പുകള് ചുമത്തി കേസെടുക്കാനുള്ള നടപടി സ്വീകരിക്കണമെന്നും പി ജമീല ആവശ്യപ്പെട്ടു.
RELATED STORIES
ഇസ്രായേല് വിരുദ്ധ പ്രക്ഷോഭത്തില് തിളച്ചുമറിഞ്ഞ് യുഎസ് കാംപസുകള്;...
27 April 2024 10:48 AM GMTഅമേരിക്കയില് കാറപകടത്തില് മൂന്ന് ഇന്ത്യന് സ്ത്രീകള് മരണപ്പെട്ടു
27 April 2024 10:13 AM GMTകെ കെ എസ് ദാസിന്റെ വേര്പാടില് എസ് ഡിപിഐ അനുശോചിച്ചു
27 April 2024 10:04 AM GMTഅജ്മീറില് പള്ളിയില്ക്കയറി ഇമാമിനെ തല്ലിക്കൊന്നു
27 April 2024 9:54 AM GMTവിവാഹാഘോഷത്തിനിടെ പടക്കം പൊട്ടിച്ചു; തീ പടർന്ന് കുട്ടികളടക്കം ആറുപേർ...
27 April 2024 9:10 AM GMTതീപിടിച്ച കെട്ടിടത്തില് നിന്നും സ്വന്തം ജീവന് പണയംവെച്ച് 50 പേരെ...
27 April 2024 9:09 AM GMT