ഫോനി പശ്ചിമബംഗാളിലേക്കു കടന്നു; വേഗത മണിക്കൂറില് 105 കിലോമീറ്റര്
ഒഡിഷയില് എട്ടുപേരുടെ ജീവനാണ് ഇതിനകം കാറ്റിന്റെ താണ്ഡവത്തില് പൊലിഞ്ഞത്. മുന്കരുതലിന്റെ ഭാഗമായി കൊല്ക്കത്ത വിമാനത്താവളം അടച്ചിട്ടിരിക്കുകയാണ്.
കൊല്ക്കത്ത: ഒഡിഷയില് വന് നാശം വിതച്ച ഫോനി ചുഴലിക്കാറ്റ് പശ്ചിമബംഗാളിലേക്ക് കടന്നു. മണിക്കൂറില് 105 കിലോമീറ്റര് വേഗത്തില് പശ്ചിമ ബംഗാളിലെ വടക്ക് കിഴക്കന് മേഖലയില് ചുഴലിക്കാറ്റ് വീശിയടിക്കുമെന്നാണ് മുന്നറിയിപ്പ്. ഒഡിഷയില് എട്ടുപേരുടെ ജീവനാണ് ഇതിനകം കാറ്റിന്റെ താണ്ഡവത്തില് പൊലിഞ്ഞത്. മുന്കരുതലിന്റെ ഭാഗമായി കൊല്ക്കത്ത വിമാനത്താവളം അടച്ചിട്ടിരിക്കുകയാണ്. പതിനായിരത്തോളം ഗ്രാമങ്ങളും അമ്പതിലധികം നഗരങ്ങളുമാണ് ഫോനി വീശിയടിക്കാന് സാധ്യതയുള്ള മേഖലയിലുള്ളത്. ഫോനിയെ തുടര്ന്ന് പശ്ചിമ ബംഗാള് മുഖ്യമന്ത്രി മമതാ ബാനര്ജി തന്റെ തിരഞ്ഞെടുപ്പ് റാലികള് രണ്ട് ദിവസത്തേക്ക് പിന്വലിച്ചു.
#WATCH: Visuals of heavy rainfall and strong winds from Balipatna in Khurda after #CycloneFani made a landfall in Odisha's Puri. pic.twitter.com/g9gXHbpqu5
— ANI (@ANI) May 3, 2019
പൊതുമേഖലാ എണ്ണക്കമ്പനിയായ ഒഎന്ജിസി തീരക്കടലിലുള്ള എണ്ണക്കിണറുകളില് പണിയെടുക്കുന്ന 500 ജീവനക്കാരെ ഒഴിപ്പിച്ചു. വിനോദസഞ്ചാരികളോട് കൊല്ക്കത്ത വിടാന് ബംഗാള് സര്ക്കാര് നിര്ദേശിച്ചിട്ടുണ്ട്. ഒഡിഷ തീരത്തുകൂടി കടന്നുപോകുന്ന ഇരുന്നൂറിലധികം തീവണ്ടികള് റെയില്വേ റദ്ദാക്കിയിരിക്കുകയാണ്. വിശാഖപട്ടണത്തും ചെന്നൈ തീരത്തും കോസ്റ്റ് ഗാര്ഡ് നാല് കപ്പലുകള് വിന്യസിച്ചിട്ടുണ്ട്. ഫോനി ചുഴലിക്കാറ്റിനെ നേരിടുന്നതിന്റെ ഭാഗമായി ഇന്ത്യന് കോസ്റ്റ് ഗാര്ഡ് 34 ദുരന്തനിവാരണ സംഘങ്ങളെ വിശാഖപട്ടണം, ചെന്നൈ, പാരദീപ്, ഗോപാല്പുര്, ഹാല്ദിയ, ഫ്രാസര്ഗഞ്ച്, കൊല്ക്കത്ത എന്നിവിടങ്ങളില് വിന്യസിച്ചിട്ടുണ്ട്.
#WATCH Odisha: Indian Coast Guard loading relief material on a chopper; relief material to be distributed to people affected due to #CycloneFani. pic.twitter.com/cN7p17zIVE
— ANI (@ANI) May 3, 2019
വെള്ളിയാഴ്ച രാവിലെ എട്ടരയോടെയാണ് ഫോനി ഒഡിഷാ തീരം തൊട്ടത്. ക്ഷേത്ര നഗരമായ പുരിയെ തകര്ത്തെറിഞ്ഞാണ് ഫോനി കടന്നു പോയത്. കാറ്റിലും മഴയിലും കെട്ടിടങ്ങള് മറിഞ്ഞു വീണു. നൂറുകണക്കിനു മരങ്ങള് കടപുഴകി. സംസ്ഥാനത്തിന്റെ ഭൂരിഭാഗം മേഖലകളിലും വൈദ്യുതി ബന്ധം ഇല്ലാതായി. 20 വര്ഷത്തിനിടയില് ഇന്ത്യയില് വീശിയടിച്ച ഏറ്റവും ശക്തിയേറിയ ചുഴലിക്കാറ്റാണ് ഫോനി. സര്ക്കാര് 11ലക്ഷം ആളുകളെയാണ് ഇതുവരെ മാറ്റിപ്പാര്പ്പിച്ചത്. സംസ്ഥാനത്ത് 900 അഭയകേന്ദ്രങ്ങള് തുറന്നിട്ടുണ്ട്. സംസ്ഥാനത്തിന് ധനസഹായം ആദ്യഘഡുവായി 1000 കോടി രൂപ പ്രധാനമന്ത്രി അനുവദിച്ചു. ശനിയാഴ്ചയോടെ ബംഗാള് തീരം കടന്ന് ബംഗ്ലാദേശിലേക്ക് ഫോനി കടക്കും.
RELATED STORIES
കട്ടപ്പനയിൽ കാട്ടുപന്നി കിണറ്റിൽ വീണു; വനം വകുപ്പ് ഉദ്യോഗസ്ഥരെത്തി...
20 April 2024 10:41 AM GMTത്രിപുരയില് വീണ്ടും വോട്ടെടുപ്പ് നടത്തണമെന്ന് ഇടതുമുന്നണി; പരാതിക്ക്...
20 April 2024 10:40 AM GMTതനിക്കെതിരെ എസ്എഫ്ഐ നടത്തിയത് പ്രതിഷേധമല്ല, ആക്രമണമാണ്: ഗവര്ണര്...
20 April 2024 10:34 AM GMTപക്ഷിപ്പനി; പഞ്ചായത്ത് തല സമിതികള് കൂടി മേല്നടപടികള് സ്വീകരിക്കും: ...
20 April 2024 10:30 AM GMTതൊഴിലാളികളെ രാഷ്ട്രീയവല്ക്കരിക്കും; എസ്ഡിടിയു സംസ്ഥാന പ്രതിനിധി...
20 April 2024 10:27 AM GMTനുണക്ക് സമ്മാനം കൊടുക്കുകയാണെങ്കിൽ ഒന്നാം സ്ഥാനം വിഡി സതീശന് കിട്ടും : ...
20 April 2024 10:26 AM GMT