നാല് ജില്ലകളില് നാളെ മുതല് നിരോധനാജ്ഞ
ഇന്ന് നാല് ജില്ലകളില് ആയിരത്തിന് മുകളിലാണ് കൊവിഡ് കേസുകള് സ്ഥിരീകരിച്ചത്.
തിരുവനന്തപുരം:സംസ്ഥാനത്ത് നാല് ജില്ലകളില് നാളെ മുതല് നിരോധനാജ്ഞ. തിരുവനന്തപുരം, എറണാകുളം കോഴിക്കോടും കോട്ടയത്തുമാണ് നിരോധനാജ്ഞ. ഇത് സംബന്ധിച്ച് ജില്ലാ ഭരണകൂടം ഉത്തരവിറക്കി. കൊവിഡ് വ്യാപനം കണക്കിലെടുത്താണ് തീരുമാനം.ഒക്ടോബര് മൂന്നു മുതല് 31 വരെയാണ് പ്രഖ്യാപിച്ചിരിക്കുന്നത്. പൊതുഗതാഗതത്തിന് നിയന്ത്രണമുണ്ടായിരിക്കില്ല. പൊതു സ്ഥലങ്ങളിലും കച്ചവട സ്ഥാപനങ്ങളിലും ആളുകളെ നിയന്ത്രിക്കാനും ആളുകള് തമ്മില് അടുത്തിടപഴകുന്ന സാഹചര്യങ്ങള് ഒഴിവാക്കി സമ്പര്ക്ക രോഗികളുടെ എണ്ണം നിയന്ത്രിക്കാനുമാണ് പുതിയ നിയന്ത്രണങ്ങള് ഏര്പ്പെടുത്തിയത്. കണ്ടെയ്മെന്റ് സോണുകളില് കടുത്ത നിയന്ത്രണങ്ങളാണ് ഏര്പ്പെടുത്തിയിരിക്കുന്നത്. ഇന്ന് നാല് ജില്ലകളില് ആയിരത്തിന് മുകളിലാണ് കൊവിഡ് കേസുകള് സ്ഥിരീകരിച്ചത്.
നിയന്ത്രണങ്ങള് ഇങ്ങനെ:
ജില്ലയില് പൊതു സ്ഥലങ്ങളില് അഞ്ചു പേരില് അധികം കൂട്ടം കൂടാന് പാടില്ല
വിവാഹങ്ങളില് പരമാവധി 50 പേര്ക്കും മരണാനന്തര ചടങ്ങുകളില് 20 പേര്ക്കും പങ്കടുക്കാം.
സാംസ്കാരിക പരിപാടികള്, സര്ക്കാര് നടത്തുന്ന പൊതു പരിപാടികള്, രാഷ്ട്രിയ, മത ചടങ്ങുകള്, തുടങ്ങിയവയില് പരമാവധി 20 പേര്ക്ക് പങ്കെടുക്കാം.
മാര്ക്കറ്റുകള്, ബസ് സ്റ്റോപ്പുകള്, പൊതു ഗതാഗത സംവിധാനങ്ങള്, ഓഫീസുകള്, കടകള്, റസ്റ്റോറന്റുകള്, ജോലിയിടങ്ങള്, ആശുപത്രികള്, പരീക്ഷ കേന്ദ്രങ്ങള്, വ്യവസായ സ്ഥാപനങ്ങള് തുടങ്ങിയവയുടെ പ്രവര്ത്തനങ്ങള് ബ്രേക്ക് ദി ചെയിന് നിര്ദേശങ്ങള് പാലിച്ചും സാമൂഹിക അകലം പാലിച്ചും കര്ശന നിയന്ത്രണങ്ങളോടെ മാത്രമേ നടത്താന് പാടുള്ളു.
പൊതു പരീക്ഷകള്ക്ക് മാറ്റമുണ്ടാകില്ല. കൊവിഡ് മാനദണ്ഡങ്ങള് പാലിച്ചായിരിക്കും പരീക്ഷ നടത്തുക. പൊതുഗതാഗതം തടയില്ല.
നിര്ദേശങ്ങള് ലംഘിച്ചാല് കര്ശന നടപടി സ്വീകരിക്കാന് പൊലീസിന് നിര്ദേശം നല്കിയിട്ടുണ്ട്.
കൊച്ചി കോര്പറേഷനിലെയും, തൃക്കാക്കര, ഏലൂര്, മരട്, കോതമംഗലം, തൃപ്പൂണിത്തുറ, പെരുമ്പാവൂര്, കളമശ്ശേരി മുന്സിപ്പാലിറ്റികളിലെയും വെങ്ങോല, രായമംഗലം, എടത്തല, പായിപ്ര, വടക്കേക്കര, കടുങ്ങല്ലൂര്, കുന്നത്തുനാട്, അയ്യമ്ബുഴ, ചിറ്റാറ്റുകര, ചെല്ലാനം, മാറാടി, ഞാറക്കല്, ചേരാനെല്ലൂര്, വരാപ്പെട്ടി, ഉദയംപേരൂര്, ശ്രീമൂലനഗരം, കരുമാലൂര്, കോട്ടുവള്ളി, ചേന്ദമംഗലം, കുമ്ബളങ്ങി, വാഴക്കുളം, കിഴക്കമ്ബലം, നെല്ലിക്കുഴി, ആലങ്ങാട്, കീഴ്മാട്, ഏഴിക്കര, മൂക്കന്നൂര്, മുടക്കുഴ, ചെങ്ങമനാട്, കടമക്കുടി, മഴുവന്നൂര്, നെടുമ്ബാശ്ശേരി, വടവുകോട്പുത്തന്കുരിശ്, ചൂര്ണിക്കര, കാലടി, കൂവപ്പടി, കുമ്പളം, കുന്നുകര, വരാപ്പുഴ, തുറവൂര് ഗ്രാമപഞ്ചായത്തുകളിലെ പൊതു സ്ഥലങ്ങള്, ബസ് സ്റ്റോപ്പുകള്, മാര്ക്കറ്റുകള്, മറ്റ് പൊതു സ്ഥലങ്ങള് എന്നിവ അണുനശീകരണം നടത്തുന്നുണ്ടെന്ന് തദ്ദേശ സ്വയം ഭരണസ്ഥപന സെക്രട്ടറിമാര് ഉറപ്പ വരുത്തണം. ജില്ലയിലെ 40 ഗ്രാമപഞ്ചായത്തുകളിലും ഏഴ് മുന്സിപ്പാലിറ്റികളിലും കോര്പ്പറേഷന് പരിധിയിലും രോഗികളുടെ എണ്ണത്തില് വലിയ വര്ധനവാണ് ദിവസേന രേഖപ്പെടുത്തുന്നത്. മരണസംഖ്യ നിയന്ത്രിക്കാനും രോഗികളുടെ എണ്ണം നിയന്ത്രിക്കാനുമാണ് നിയന്ത്രണങ്ങള് കര്ശനമാക്കുന്നതെന്ന് ജില്ലാ കലക്ടര് അറിയിച്ചു.
അതേസമയം, സംസ്ഥാനത്ത് ഇന്ന് 9258 പേര്ക്കാണ് സ്ഥിരീകരിച്ചത്. കോഴിക്കോട് 1146, തിരുവനന്തപുരം 1096, എറണാകുളം 1042, മലപ്പുറം 1016, കൊല്ലം 892, തൃശൂര് 812, പാലക്കാട് 633, കണ്ണൂര് 625, ആലപ്പുഴ 605, കാസര്ഗോഡ് 476, കോട്ടയം 432, പത്തനംതിട്ട 239, ഇടുക്കി 136, വയനാട് 108 എന്നിങ്ങനെയാണ് ജില്ലകളില് ഇന്ന് രോഗബാധ സ്ഥിരീകരിച്ചത്. 20 മരണങ്ങളാണ് ഇന്ന് സംസ്ഥാനത്ത് റിപോര്ട്ട് ചെയ്തത്.
RELATED STORIES
അമേരിക്കയില് കാറപകടത്തില് മൂന്ന് ഇന്ത്യന് സ്ത്രീകള് മരണപ്പെട്ടു
27 April 2024 10:13 AM GMTകെ കെ എസ് ദാസിന്റെ വേര്പാടില് എസ് ഡിപിഐ അനുശോചിച്ചു
27 April 2024 10:04 AM GMTഅജ്മീറില് പള്ളിയില്ക്കയറി ഇമാമിനെ തല്ലിക്കൊന്നു
27 April 2024 9:54 AM GMTവിവാഹാഘോഷത്തിനിടെ പടക്കം പൊട്ടിച്ചു; തീ പടർന്ന് കുട്ടികളടക്കം ആറുപേർ...
27 April 2024 9:10 AM GMTതീപിടിച്ച കെട്ടിടത്തില് നിന്നും സ്വന്തം ജീവന് പണയംവെച്ച് 50 പേരെ...
27 April 2024 9:09 AM GMTപയ്യന്നൂരിൽ പോളിങ് സ്റ്റേഷനിൽ ബൂത്ത് ഏജന്റുമാർക്ക് മർദനം
27 April 2024 9:04 AM GMT