കോണ്ഗ്രസ്സിന്റെ ഒമ്പതാംഘട്ട പട്ടികയിലും വയനാടും വടകരയുമില്ല
സൗത്ത് ബംഗളൂരുവില് ബി കെ ഹരിപ്രസാദും, ശിവഗംഗയില് മുതിര്ന്ന കോണ്ഗ്രസ് നേതാവ് പി ചിദംബരത്തിന്റെ മകന് കാര്ത്തി ചിദംബരവും മല്സരിക്കും.
ന്യൂഡല്ഹി: ബീഹാര്, ജമ്മു കശ്മീര്, കര്ണാടക, മഹാരാഷ്ട്ര, തമിഴ്നാട് എന്നീ സംസ്ഥാനങ്ങളിലെ 10 സീറ്റുകളിലെ സ്ഥാനാര്ത്ഥികളെ പ്രഖ്യാപിച്ചുകൊണ്ടുള്ള കോണ്ഗ്രസ്സിന്റെ ഒമ്പതാംഘട്ട പട്ടിക പുറത്തിറങ്ങി. അതേസമയം വയനാട്, വടകര എന്നീ മണ്ഡലങ്ങള് ഇത്തവണയും പട്ടികയില് ഇടംപിടിച്ചിട്ടില്ല.അതിനിടെ, കോണ്ഗ്രസ് അധ്യക്ഷന് രാഹുല് ഗാന്ധി മല്സരിക്കാന് സാധ്യതയുള്ള കര്ണാടകയിലെ സൗത്ത് ബംഗളൂരുവിലും തമിഴ്നാട്ടിലെ ശിവഗംഗയിലും സ്ഥാനാര്ത്ഥികളെ പ്രഖ്യാപിച്ചു. സൗത്ത് ബംഗളൂരുവില് ബി കെ ഹരിപ്രസാദും, ശിവഗംഗയില് മുതിര്ന്ന കോണ്ഗ്രസ് നേതാവ് പി ചിദംബരത്തിന്റെ മകന് കാര്ത്തി ചിദംബരവുമാണ് മല്സരിക്കുക.
വയനാട്ടിലെ രാഹുല് ഗാന്ധിയുടെ സ്ഥാനാര്ത്ഥിത്വത്തില് അനശ്ചിതത്വം തുടരുകയാണ്. വയനാട്ടില് മല്സരിക്കാന് ഇതുവരെ രാഹുല് ഗാന്ധി സമ്മതിച്ചിട്ടില്ലെന്നാണ് കോണ്ഗ്രസ് നേതാവ് പി സി ചാക്കോ അറിയിച്ചത്. നിലവില് പ്രചരിക്കുന്ന തരത്തിലുള്ള വാര്ത്തകള്ക്ക് അടിസ്ഥാനമില്ലെന്നും അദ്ദേഹം വ്യക്തമാക്കിയിരുന്നു. കേരളത്തില് രാഹുല് ഗാന്ധി മല്സരിക്കേണ്ട സാഹചര്യമില്ലെന്ന് ഒരു വിഭാഗം നേതാക്കള് എഐസിസിഎ അറിയിച്ചിട്ടുണ്ട്. ഇടതുപക്ഷത്തിനെതിരേ രാഹുല് ഗാന്ധി മല്സരിക്കുന്നത് പ്രതിപക്ഷ ഐക്യത്തെ ചോദ്യം ചെയ്യുമെന്നും നേതാക്കള് വ്യക്തമാക്കുന്നുണ്ട്.
RELATED STORIES
ഹാത്റസിലെ ബിജെപി എംപി ഹൃദയാഘാതത്തെ തുടര്ന്ന് മരിച്ചു
24 April 2024 4:30 PM GMTകലാശക്കൊട്ട് കഴിഞ്ഞു മടങ്ങിയ സിഐടിയു തൊഴിലാളി ജീപ്പില്നിന്ന് വീണു...
24 April 2024 4:13 PM GMTലോക്സഭാ തിരഞ്ഞെടുപ്പ്: രാജ്യത്തിന്റെ വീണ്ടെടുപ്പ് മുഖ്യ...
24 April 2024 2:41 PM GMTമോദിയുടെ വിദ്വേഷ പരാമര്ശങ്ങളെ വിമര്ശിച്ചു; ന്യൂനപക്ഷ മോര്ച്ച...
24 April 2024 2:36 PM GMTഅറ്റകുറ്റപ്പണി; മാഹി പാലം 29 മുതല് മെയ് 10 വരെ അടച്ചിടും
24 April 2024 2:19 PM GMT'തിരിച്ചടി കിട്ടാതെ കൂത്താടി നടന്ന കാലമൊക്കെ കഴിഞ്ഞു'; ഗസ...
24 April 2024 12:56 PM GMT