ഭാരത് ജോഡോ യാത്രയ്ക്കിടെ കോണ്ഗ്രസ് എംപി കുഴഞ്ഞുവീണ് മരിച്ചു; യാത്ര നിര്ത്തിവച്ചു
ലുധിയാന: പഞ്ചാബില് രാഹുല് ഗാന്ധി നയിക്കുന്ന ഭാരത് ജോഡോ യാത്രയ്ക്കിടെ കുഴഞ്ഞ് വീണ് കോണ്ഗ്രസ് എംപി സന്ദോഖ് സിങ് ചൗധരി (76) അന്തരിച്ചു. ഹൃദയാഘാതത്തെത്തുടര്ന്നാണ് അന്ത്യം. ശനിയാഴ്ച രാവിലെ പഞ്ചാബിലെ ഫിലാലൂരിലാണ് സംഭവം. ഭാരത് ജോഡോ യാത്ര നിര്ത്തിവച്ചു. രാഹുല് ഗാന്ധിക്കൊപ്പം നടക്കാന് തുടങ്ങിയ സന്ദോഖിന് പെട്ടെന്ന് ദേഹാസ്വാസ്ഥ്യമുണ്ടാകുകയും ഹൃദയമിടിപ്പ് കൂടുകയുമായിരുന്നു.
കുഴഞ്ഞുവീണ എംപിയെ ഉടന്തന്നെ ആംബുലന്സില് കയറ്റി പഗ്വാരയിലെ വിര്ക് ആശുപത്രിയിലെത്തിച്ചെങ്കിലും ജീവന് രക്ഷിക്കാനായില്ല. ചൗധരി കേരളത്തില് നിന്നുള്ള എംപിക്കൊപ്പം നടക്കുകയായിരുന്നുവെന്നും പെട്ടെന്ന് കുഴഞ്ഞുവീഴുകയായിരുന്നുവെന്നും പഞ്ചാബ് നിയമസഭയിലെ പ്രതിപക്ഷ നേതാവ് പര്താപ് സിങ് ബജ്വ പറഞ്ഞു. ചൗധരിയുടെ മരണത്തില് ഞെട്ടലും ദു:ഖവും പ്രകടിപ്പിച്ച കോണ്ഗ്രസ് അധ്യക്ഷന് മല്ലികാര്ജുന് ഖാര്ഗെ ഇത് പാര്ട്ടിക്കും സംഘടനയ്ക്കും വലിയ തിരിച്ചടിയാണെന്ന് പറഞ്ഞു. ചൗധരിയുടെ മകന് വിക്രംജിത് സിങ് ചൗധരി ഫില്ലൂര് എംഎല്എയാണ്.
RELATED STORIES
കോഴിക്കോട്ട് കക്കാടംപൊയിലിൽ വോട്ടു ചെയ്യാൻ പോയ കുടുംബം സഞ്ചരിച്ച കാർ...
26 April 2024 11:14 AM GMTപത്തനംതിട്ടയില് ചിഹ്നം മാറിയെന്ന് പരാതി; വിവിപാറ്റില് കാണിച്ചത് താമര
26 April 2024 10:56 AM GMTവനിതാ ഹോസ്റ്റലിൽ നിന്ന് പിടിച്ചത് 1.3 കിലോ കഞ്ചാവ്; ഐടി ജീവനക്കാരിയും...
26 April 2024 10:39 AM GMTമണിപ്പൂര്; അമേരിക്കയുടെ റിപോര്ട്ട് ഇന്ത്യ തള്ളി
26 April 2024 10:34 AM GMTആലത്തൂരിലെ പാര്ട്ടി അനുഭാവികളുടെ വോട്ടുകള് ബിജെപി തൃശൂര്...
26 April 2024 10:33 AM GMTപോളിങ് ബൂത്തിന് സമീപം ലോറിയിടിച്ച് പരിക്കേറ്റയാള് മരിച്ചു
26 April 2024 8:24 AM GMT