പൊതുയോഗത്തിനിടെ ലീഗ് നേതാവിനെ മര്‍ദ്ദിച്ച് കോണ്‍ഗ്രസ് നേതാവ്

കൊല്ലം: പാരിപ്പള്ളി മെഡിക്കല്‍ കോളജിന്റെ വികസനമുരടിപ്പിനെതിരേ സംഘടിപ്പിച്ച പൊതുയോഗത്തില്‍ മുസ്‌ലിം ലീഗ് നേതാവിനെ കോണ്‍ഗ്രസ് നേതാവ് മര്‍ദ്ദിച്ചു. ഡിസിസി ജനറല്‍ സെക്രട്ടറി എ ശുഹൈബാണ് മുസ്‌ലിം ലീഗ് നിയോജകമണ്ഡലം പ്രസിഡന്റ് എസ് എം ശരീഫിനെ മര്‍ദിക്കുകയും അസഭ്യവര്‍ഷം നടത്തുകയും ചെയ്തതെന്ന് റിപോര്‍ട്ടുകള്‍ പറയുന്നു.

ചടങ്ങിലുണ്ടായിരുന്ന എന്‍ കെ പ്രേമചന്ദ്രന്‍ എംപിയും കോണ്‍ഗ്രസ് നേതാക്കളും ഇത് തടയാന്‍ ശ്രമിച്ചെങ്കിലും പരാജയപ്പെട്ടു. തുടര്‍ന്ന് പോലിസ് ഇടപെട്ടാണ് സ്ഥിതിഗതികള്‍ ശാന്തമാക്കിയത്. സംഭവത്തെ തുടര്‍ന്ന് ലീഗ് ജില്ലാ ജനറല്‍ സെക്രട്ടറി സുല്‍ഫിക്കര്‍ സലാം എഐസിസി സെക്രട്ടറി അറിവഴകനും കെപിസിസി പ്രസിഡന്റ് കെ സുധാകരനും യുഡിഎഫ് കണ്‍വീനര്‍ എം എം ഹസനും പരാതി നല്‍കിയതായും റിപോര്‍ട്ടുകള്‍ പറയുന്നു.