കോണ്ഗ്രസിന്റെ ഡിജിപി ഓഫിസ് മാര്ച്ചില് വന് സംഘര്ഷം; ഗ്രനേഡ് പ്രയോഗത്തില് കെ സുധാകരന് ദേഹാസ്വാസ്ഥ്യം
BY BSR23 Dec 2023 7:48 AM GMT
X
BSR23 Dec 2023 7:48 AM GMT
തിരുവനന്തപുരം: പോലിസ്-സിപിഎം അക്രമത്തില് പ്രതിഷേധിച്ച് കോണ്ഗ്രസ് നടത്തിയ ഡിജിപി ഓഫിസ് മാര്ച്ചില് വന് സംഘര്ഷം. ഗ്രനേഡ് പ്രയോഗത്തില് കെപിസിസി പ്രസിഡന്റ് കെ സുധാകരന് ദേഹാസ്വാസ്ഥ്യം. പ്രതിപക്ഷ നേതാവ് വി ഡി സതീശന് പ്രസംഗിക്കുന്നതിനിടെയാണ് സംഘര്ഷത്തിന് തുടക്കമായത്. നേതാക്കള് സംസാരിച്ച സ്റ്റേജിന് പിന്നിലാണ് ടിയര് ഗ്യാസുകള് പൊട്ടി. പോലിസ് ടിയര് ഗ്യാസും ജലപീരങ്കിയും പ്രയോഗിച്ചതിനെ തുടര്ന്ന് മുതിര്ന്ന പല നേതാക്കള്ക്കും ദേഹാസ്വാസ്ഥ്യം അനുഭവപ്പെട്ടു. കെപിസിസി അധ്യക്ഷന് കെ സുധാകരന് ഉള്പ്പെടെയുള്ള നേതാക്കളെ ആശുപത്രിയില് പ്രവേശിപ്പിച്ചു. പ്രതിപക്ഷ നേതാവ് വി ഡി സതീശന് സംസാരിക്കുന്നതിനിടെയാണ് സംഘര്ഷമുണ്ടായത്. പോലിസ് ജലപീരങ്കി പ്രയോഗിച്ചതോടെ സതീശന് പ്രസംഗം പാതിവഴിയില് അവസാനിപ്പിച്ചു. സംഭവത്തിനു പിന്നാലെ മുതിര്ന്ന നേതാക്കള് വേദി വിട്ടെങ്കിലും കൂടുതല് യൂത്ത് കോണ്ഗ്രസ് പ്രവര്ത്തകര് സ്ഥലത്തേക്ക് സംഘടിച്ചെത്തുകയും പോലിസിനെതിരേ മുദ്രാവാക്യം മുഴക്കുകയും ചെയ്തു. മുതിര്ന്ന നേതാക്കളെത്തി പ്രവര്ത്തകരെ പിരിച്ചുവിട്ടു. ഇതിനിടെ, നവകേരള സദസ്സുമായി ബന്ധപ്പെട്ട ബാനറുകള് കോണ്ഗ്രസ് പ്രവര്ത്തകര് വ്യാപകമായി നശിപ്പിച്ചു. സ്ഥലത്ത് സംഘര്ഷാവസ്ഥ നിലനില്ക്കുകയാണ്.
Next Story
RELATED STORIES
അമിത് ഷാ സഞ്ചരിച്ച ഹെലികോപ്ടറിന് പറന്നുയരുന്നതിനിടെ നിയന്ത്രണം...
29 April 2024 12:58 PM GMTഹേമന്ത് സോറന്റെ അറസ്റ്റ്; എന്ഫോഴ്സ്മെന്റ് ഡയറക്ടറേറ്റിന്...
29 April 2024 12:56 PM GMTസുനിതയും അതിഷിയും തിഹാർ ജയിലിലെത്തി കെജ് രിവാളിനെ കണ്ടു
29 April 2024 12:47 PM GMTആരാധനാലയങ്ങളുടെ പേരില് വോട്ട് തേടി; മോദിയെ അയോഗ്യനാക്കണമെന്ന ഹരജി...
29 April 2024 12:23 PM GMTഅമിത് ഷായുടെ കൃത്രിമ വീഡിയോ; തെലങ്കാന മുഖ്യമന്ത്രിക്ക് പോലിസിന്റെ...
29 April 2024 12:10 PM GMTമുന് കേന്ദ്രമന്ത്രി ശ്രീനിവാസ പ്രസാദ് അന്തരിച്ചു
29 April 2024 10:09 AM GMT