'ബിജെപിയുടെ തിരഞ്ഞെടുപ്പ് ചിഹ്നം വരയ്ക്കുക' ; മണിപ്പൂരിൽ പ്ലസ്ടു പരീക്ഷാ ചോദ്യം
ശനിയാഴ്ച നടന്ന ബോർഡ് പരീക്ഷയുടെ പൊളിറ്റിക്കൽ സയൻസ് പേപ്പറിലാണ് വിവാദ ചോദ്യങ്ങൾ വന്നത്.
ഇംഫാൽ: ഭരണകക്ഷിയായ ബിജെപിയുടെ വോട്ടെടുപ്പ് ചിഹ്നം വരയ്ക്കാനുള്ള മണിപ്പൂരിലെ പ്ലസ്ടു പരീക്ഷാ ചോദ്യം ചർച്ചയാകുന്നു. സംസ്ഥാന ബോർഡ് പരീക്ഷയിലെ ചോദ്യങ്ങൾക്കെതിരേ പ്രതിപക്ഷമായ കോൺഗ്രസ് രംഗത്തുവന്നു. പ്രഥമ പ്രധാനമന്ത്രിയായിരുന്ന ജവഹർലാൽ നെഹ്റുവിന്റെ നാല് മോശം സ്വഭാവ വിശേഷങ്ങൾ വിശകലനം ചെയ്ത് എഴുതാനുമുള്ള ചോദ്യവുമുണ്ടായിരുന്നു.
ശനിയാഴ്ച നടന്ന ബോർഡ് പരീക്ഷയുടെ പൊളിറ്റിക്കൽ സയൻസ് പേപ്പറിലാണ് വിവാദ ചോദ്യങ്ങൾ വന്നത്. ഇതിൽ തങ്ങൾക്ക് പങ്കില്ലെന്നും ബന്ധപ്പെട്ട അധികാരികളോട് ഇതേക്കുറിച്ച് ചോദിക്കണമെന്നും ബിജെപി തിങ്കളാഴ്ച വ്യക്തമാക്കി. വിദ്യാർഥികൾക്കിടയിൽ പ്രത്യേക രാഷ്ട്രീയ മനോഭാവം വളർത്താനുള്ള ശ്രമമാണ് ഈ ചോദ്യങ്ങളെന്ന് കോൺഗ്രസ് നേതാവ് ജോയ്കിഷൻ പറഞ്ഞു.
പൊളിറ്റിക്കൽ സയൻസ് സിലബസിന്റെ ഭാഗമായ "പാർട്ടി സിസ്റ്റം ഇൻ ഇന്ത്യ" എന്ന അധ്യായത്തിൽ നിന്നാണ് ഈ ചോദ്യങ്ങൾ വന്നതെന്ന് കൗൺസിൽ ഓഫ് ഹയർ സെക്കൻഡറി എജ്യുക്കേഷൻ ചെയർമാൻ എൽ മഹേന്ദ്ര സിങ് പറഞ്ഞു. മുമ്പും സമാനമായ ചോദ്യങ്ങൾ തിരഞ്ഞെടുത്തിട്ടുണ്ടെന്നും അതിൽ കമ്മ്യൂണിസ്റ്റ് പാർട്ടി ഓഫ് ഇന്ത്യ (സിപിഐ) യുടെ ചിഹ്നവും ഐക്യരാഷ്ട്രസഭയുടെ (യുഎൻ) ലോഗോ വരയ്ക്കാനും വിദ്യാർഥികളോട് ആവശ്യപ്പെട്ടിട്ടുണ്ടെന്നും പേര് വെളിപ്പെടുത്താൻ ആഗ്രഹിക്കാത്ത ഒരു ഉദ്യോഗസ്ഥൻ പറഞ്ഞതായി എൻഡിടിവി റിപോർട്ട് ചെയ്യുന്നു.
RELATED STORIES
കിറ്റിനു പിന്നാലെ വസ്ത്രശേഖരവും; ബിജെപി വിതരണത്തിനെത്തിച്ചതെന്ന്...
25 April 2024 5:48 PM GMTഅഞ്ചുവര്ഷത്തിനിടെ ബെംഗളൂരു സൗത്തിലെ ബിജെപി എംപിയുടെ സ്വത്ത്...
25 April 2024 5:41 PM GMTരാഹുല് ഗാന്ധിക്കെതിരായ അധിക്ഷേപ പരാമര്ശം; പി വി അന്വര്...
25 April 2024 5:17 PM GMTമുഴുസമയ വെബ് കാസ്റ്റിങ്, കള്ളവോട്ട് തടയാന് കണ്ണൂരില് കനത്ത സുരക്ഷ
25 April 2024 5:11 PM GMTഒമാനില് വാഹനാപകടം: രണ്ട് മലയാളികള് ഉള്പ്പെടെ മൂന്ന് നഴ്സുമാര്...
25 April 2024 4:42 PM GMTപരീക്ഷാപേപ്പറില് 'ജയ്ശ്രീറാം' എന്നെഴുതിയ വിദ്യാര്ഥികള്ക്ക്...
25 April 2024 1:05 PM GMT