മാനന്തവാടിയിലും മൂന്ന് പഞ്ചായത്തുകളിലും ഇന്ന് അര്ധരാത്രി മുതല് സമ്പൂര്ണ ലോക്ക് ഡൗണ്
കല്പറ്റ: വയനാട് ജില്ലയിലെ തവിഞ്ഞാല്, എടവക, തൊണ്ടര്നാട് ഗ്രാമപ്പഞ്ചായത്തുകളിലും മാനന്തവാടി നഗരസഭയിലും ഇന്ന് അര്ധരാത്രി 12 മുതല് ആഗസ്ത് 5ന് രാവിലെ 6 വരെ സമ്പൂര്ണ ലോക്ക് ഡൗണ് പ്രഖ്യാപിച്ചു. ഈ പ്രദേശങ്ങളില് നിന്നു അത്യാവശ്യ സന്ദര്ഭങ്ങളില് ഒഴികെ യാതൊരുവിധ യാത്രകളും അനുവദിക്കില്ലെന്ന് ജില്ലാ കലക്ടര് ഡോ. അദീലാ അബ്ദുല്ല ഉത്തരവില് വ്യക്തമാക്കി.
മെഡിക്കല് അത്യാവശ്യങ്ങള്, ദുരന്ത നിവാരണവുമായി ബന്ധപ്പെട്ട കാര്യങ്ങള്, കൊവിഡ് പ്രതിരോധ പ്രവര്ത്തനങ്ങള്, അത്യാവശ്യ വസ്തുക്കളുടെ ചരക്കുനീക്കം എന്നിവ മാത്രമാണ് മേഖലയില് അനുവദിക്കുക. ഈ പ്രദേശങ്ങളില് മൃതദേഹ സംസ്കാരത്തിന് 5 പേരില് കൂടുതല് ആളുകള് പങ്കെടുക്കാന് പാടില്ല. മറ്റ് യാതൊരു ആഘോഷങ്ങളും പരിപാടികളും അനുവദിക്കില്ല. മതപരമായ ആരാധനകള്ക്കായുള്ള കൂടിച്ചേരലുകളും ഇക്കാലയളവില് അനുവദിക്കില്ല.
അത്യാവശ്യ സാധനങ്ങള് വില്ക്കുന്ന കടകള്, പച്ചക്കറി കടകള്, മെഡിക്കല് ഷോപ്പുകള്, പാല്, പെട്രോള് പമ്പുകള്, വില്പന കേന്ദ്രങ്ങള് എന്നിവ കുറഞ്ഞ തൊഴിലാളികളെ വച്ച് മാത്രമേ പ്രവര്ത്തിക്കാവൂ. വീടുകളില് തന്നെ ആളുകള് കഴിയേണ്ടതിനാല് അവശ്യ വസ്തുക്കളും മരുന്നുകളും ആളുകള്ക്ക് എത്തിച്ച് നല്കാനായി ഗ്രാമപ്പഞ്ചായത്തിലും മാനന്തവാടി നഗരസഭയിലും 24 മണിക്കൂറും പ്രവര്ത്തിക്കുന്ന പ്രത്യേക കണ്ട്രോള് റൂം പ്രവര്ത്തിക്കും.
Complete lockdown in Mananthavady and three panchayats from midnight today
RELATED STORIES
റിയാസ് മൗലവി വധം: ജനകീയ കണ്വന്ഷന് അനുമതി നിഷേധിച്ച് പോലിസ്
18 April 2024 12:52 PM GMTകോഴിക്കോട് ഐസിയു പീഡനക്കേസ്; അതിജീവിത കമ്മിഷണർ ഓഫീസിന് മുമ്പിൽ സമരം...
18 April 2024 12:35 PM GMTപ്രമേഹം കൂട്ടി ജാമ്യം ലഭിക്കാൻ കെജ്രിവാൾ ജയിലിൽ മാങ്ങയും മധുരവും...
18 April 2024 12:34 PM GMTഇറാന് പിടിച്ചെടുത്ത കപ്പലിലെ മലയാളി യുവതിയെ മോചിപ്പിച്ചു
18 April 2024 12:31 PM GMTകാസര്കോട് മോക്പോളില് ബിജെപിക്ക് അധിക വോട്ട് കിട്ടിയിട്ടില്ല;...
18 April 2024 10:13 AM GMTലോക്സഭാ തിരഞ്ഞെടുപ്പ്; നാലാംഘട്ട വിജ്ഞാപനം പുറത്തിറക്കി തിരഞ്ഞെടുപ്പ് ...
18 April 2024 10:10 AM GMT