പ്ലാസ്റ്റിക്കിനെതിരേ നിലപാട് കടുപ്പിച്ച് കേന്ദ്രം; ഒറ്റത്തവണ ഉപയോഗിക്കുന്ന പ്ലാസ്റ്റിക് ഉല്പ്പന്നങ്ങള്ക്ക് നിരോധനം
അടുത്തവര്ഷം ജൂലൈ ഒന്നോടെ ഇത് പ്രാബല്യത്തില് വരും.
ന്യൂഡല്ഹി: ഒറ്റത്തവണ മാത്രം ഉപയോഗമുള്ള പ്ലാസ്റ്റിക് ഉല്പ്പന്നങ്ങള്ക്ക് നിരോധനമേര്പ്പെടുത്തി കേന്ദ്രസര്ക്കാര്. പരിസ്ഥിതി സൗഹൃദമാക്കുന്നതിന്റെ ഭാഗമായാണ് ഈ നടപടി. അടുത്തവര്ഷം ജൂലൈ ഒന്നോടെ ഇത് പ്രാബല്യത്തില് വരും.
പോളിത്തീന് കവറുകളുടെ കനം 120 മൈക്രോണായി ഉയര്ത്തണം. നിലവില് 50 മൈക്രോണ് വരെയുള്ള പോളിത്തീന് കവറുകള് നിരോധിച്ചിട്ടുണ്ട്. കൂടുതല് കനമുള്ള പോളിത്തീന് കവറുകളുടെ നിരോധനം ഘട്ടം ഘട്ടമായാണ് നടപ്പാക്കുക. പുതിയ ഉത്തരവ് പ്രകാരം 75 മൈക്രോണില് താഴെയുള്ള പോളിത്തീന് കവറുകള് സെപ്റ്റംബര് 30 ഓടേ നിരോധിക്കും. അടുത്തവര്ഷം ഡിസംബര് 31ഓടേ 120 മൈക്രോണില് താഴെയുള്ള പോളിത്തീന് ബാഗുകളുടെ ഉപയോഗവും നിരോധിക്കുമെന്നും സര്ക്കാരിന്റെ ഉത്തരവില് പറയുന്നു.
അടുത്ത വര്ഷം ജൂലൈ ഒന്നോടെ, ഒറ്റത്തവണ മാത്രം ഉപയോഗിക്കാന് കഴിയുന്ന പ്ലാസ്റ്റിക് ഉല്പ്പന്നങ്ങള് നിരോധിക്കുമെന്ന് പരിസ്ഥിതി മന്ത്രാലയത്തിന്റെ വിജ്ഞാപനത്തില് പറയുന്നു. പ്ലാസ്റ്റിക് പതാക, മിഠായി സ്റ്റിക്, ഐസ്ക്രീം സ്റ്റിക്, പ്ലാസ്റ്റിക് ഇയര് ബഡ്, ബലൂണ് സ്റ്റിക്കുകള് തീന് മേശയില് ഉപയോഗിക്കുന്ന ഫോര്ക്ക്, കത്തി, സ്പൂണ്, സ്ട്രോകള് എന്നിവയും പ്ലാസ്റ്റിക് പാത്രങ്ങള്, കപ്പ്, ഗ്ലാസ്, ട്രേ, തവി, മിഠായിക്കവര്, ക്ഷണക്കത്ത്, സിഗററ്റ് പായ്ക്കറ്റ് തുടങ്ങിയവയും നിരോധിച്ചവയില് ഉള്പ്പെടുന്നു. 100 മൈക്രോണില് താഴെയുള്ള പിവിസി ബാനറുകളും നിരോധിത പട്ടികയില് ഉള്പ്പെടും.
RELATED STORIES
ഹാത്റസിലെ ബിജെപി എംപി ഹൃദയാഘാതത്തെ തുടര്ന്ന് മരിച്ചു
24 April 2024 4:30 PM GMTകലാശക്കൊട്ട് കഴിഞ്ഞു മടങ്ങിയ സിഐടിയു തൊഴിലാളി ജീപ്പില്നിന്ന് വീണു...
24 April 2024 4:13 PM GMTലോക്സഭാ തിരഞ്ഞെടുപ്പ്: രാജ്യത്തിന്റെ വീണ്ടെടുപ്പ് മുഖ്യ...
24 April 2024 2:41 PM GMTമോദിയുടെ വിദ്വേഷ പരാമര്ശങ്ങളെ വിമര്ശിച്ചു; ന്യൂനപക്ഷ മോര്ച്ച...
24 April 2024 2:36 PM GMTഅറ്റകുറ്റപ്പണി; മാഹി പാലം 29 മുതല് മെയ് 10 വരെ അടച്ചിടും
24 April 2024 2:19 PM GMT'തിരിച്ചടി കിട്ടാതെ കൂത്താടി നടന്ന കാലമൊക്കെ കഴിഞ്ഞു'; ഗസ...
24 April 2024 12:56 PM GMT