ട്രെയിന്‍ തട്ടി കാട്ടാന ചരിഞ്ഞ സംഭവം: ലോക്കോ പൈലറ്റിനെതിരേ കേസ്

പാലക്കാട്: കഞ്ചിക്കോട് ട്രെയിന്‍ തട്ടി കാട്ടാന ചരിഞ്ഞ സംഭവത്തില്‍ ലോക്കോ പൈലറ്റിനെതിരേ കേസെടുത്തു. ലോക്കോ പൈലറ്റിനെ വിളിച്ചു വരുത്തി മൊഴി എടുക്കും . ഈ ഭാഗത്ത് ട്രെയിനിന്റെ വേഗപരിധി 45 കിലോമീറ്റര്‍ ആണ്. ആ വേഗപരിധി ലംഘിച്ചോയെ പരിശോധിക്കും . ട്രെയിന്‍ തട്ടി കാട്ടാനക്കൂട്ടത്തോടൊപ്പം ഉണ്ടായിരുന്ന കുട്ടിയാനക്ക് പരിക്കേറ്റോയെന്ന് സംശയമുണ്ട്. ഇതേത്തുടര്‍ന്ന് കുട്ടിയാനയെ കണ്ടെത്താന്‍ പരിശോധന തുടങ്ങി.

കൊട്ടാമുട്ടി ഭാഗത്തെ ബി ലൈനിലൂടെ പോവുകയായിരുന്ന ആനകളെയാണ് ട്രെയിനിടിച്ചത്. ട്രെയിന്‍ ഗതാഗതം തടസപെട്ടില്ല. എന്നാല്‍ കാട്ടാനകൂട്ടം സംഭവ സ്ഥലത്തിന് സമീപത്ത് നിന്നും മാറാത്തതിനാല്‍ ഏറെ സമയം ഉദ്യോഗസ്ഥര്‍ക്ക് അങ്ങോട്ടേക്ക് എത്താന്‍ ആയിരുന്നില്ല. കന്യാകുമാറി അസം എക്‌സ്പ്രസാണ് കാട്ടാനക്കൂട്ടത്തെ ഇടിച്ചത്.