തിരുവല്ലയില്‍ മദ്യവില്‍പ്പനശാല കത്തിനശിച്ചു; ലക്ഷങ്ങളുടെ മദ്യം നശിച്ചതായി സൂചന

പത്തനംതിട്ട: തിരുവല്ല പുളിക്കീഴ് ബീവറേജ് ഷോപ്പില്‍ വന്‍ തീപിടിത്തം. ചൊവ്വാഴ്ച രാത്രി എട്ടുമണിയോടെയായിരുന്നു സംഭവം. കെട്ടിടവും ഗോഡൗണും പൂര്‍ണമായും കത്തിനശിച്ചു. തിരുവല്ലയില്‍നിന്ന് ഏഴ് അഗ്‌നിരക്ഷാ സേന യൂണിറ്റുകളെത്തി തീ നിയന്ത്രണ വിധേയമാക്കി. ഔട്ട്‌ലെറ്റിന്റെ പിന്‍വശത്ത് വെല്‍ഡിങ് പണികള്‍ നടക്കുന്നുണ്ടായിരുന്നു. ഇതില്‍നിന്നു തീ പടര്‍ന്നത് ആകാമെന്നാണ് പ്രാഥമിക നിഗമനം. അഗ്‌നിബാധയില്‍ ലക്ഷങ്ങളുടെ നഷ്ടം നേരിട്ടതായാണ് സൂചന.