കണ്ണൂരിലെ ഹോട്ട്സ്പോട്ട് മേഖലകളില് ബാങ്കുകള്ക്ക് പ്രവര്ത്തനാനുമതി
കണ്ണൂര്: ജില്ലയിലെ ഹോട്ട്സ്പോട്ട് മേഖലകളില് ബാങ്കുകള്ക്ക് നിബന്ധനകള്ക്ക് വിധേയമായി ജില്ലാ കലക്ടര് പ്രവര്ത്തനാനുമതി നല്കി. ഇവിടെ ദിവസങ്ങളായി ബാങ്കുകള് പ്രവര്ത്തിക്കാത്തതിനാല് വ്യാപാരികള്ക്കും പൊതുജനങ്ങള്ക്കും ബാങ്ക് ഇടപാടുകള് സാധ്യമാവാത്ത സാഹചര്യത്തിലാണ് തീരുമാനം. ഇതുപ്രകാരം സഹകരണ ബാങ്കുകള് ഉള്പ്പെടെയുള്ള ബാങ്കുകള്ക്ക് പരിമിതമായ ജീവനക്കാരെ മാത്രം ഉള്പ്പെടുത്തി നിശ്ചിത ദിവസങ്ങളില് ഉച്ചയ്ക്ക് 12 മുതല് വൈകീട്ട് നാലുവരെ പ്രവര്ത്തിക്കാം.
കൂത്തുപറമ്പ്, പയ്യന്നൂര് നഗരസഭകളിലും പെരളശ്ശേരി, കോട്ടയം, നടുവില്, മാടായി, പാപ്പിനിശ്ശേരി പഞ്ചായത്തുകളിലും മെയ് അഞ്ചിനും പാനൂര് നഗരസഭയിലും പാട്യം, കണിച്ചാര്, മാട്ടൂല്, കതിരൂര് പഞ്ചായത്തുകളിലും മെയ് ആറിനും പന്ന്യന്നൂര്, കുന്നോത്തുപറമ്പ്, ചെങ്ങളായി, മുഴപ്പിലങ്ങാട്, ചിറ്റാരിപ്പറമ്പ്, കോളയാട് എന്നീ പഞ്ചായത്തുകളില് മെയ് ഏഴിനും പയ്യന്നൂര് നഗരസഭയിലും മൊകേരി, കൂടാളി, ഏഴോം, ന്യൂമാഹി, മാങ്ങാട്ടിടം പഞ്ചായത്തുകളിലും മെയ് എട്ടിനുമാണ് ബാങ്കുകള് തുറക്കാന് അനുമതി നല്കിയിട്ടുള്ളത്. സാമൂഹിക അകലം പാലിക്കല്, മാസ്ക്ക് ധരിക്കല് ഉള്പ്പെടെയുള്ള നിബന്ധനകള് പാലിച്ചായിരിക്കണം ബാങ്കുകള് പ്രവര്ത്തിക്കേണ്ടതെന്നും ഉത്തരവ് വ്യക്തമാക്കി.
മഹാരാഷ്ട്രയില് ബഹുനില കെട്ടിടം തകര്ന്ന് എട്ടുമരണം; 25 പേരെ...
21 Sep 2020 2:40 AM GMTമലയാറ്റൂരില് പാറമടയില് പൊട്ടിത്തെറി; രണ്ട് അന്തര്സംസ്ഥാന...
21 Sep 2020 2:18 AM GMTകോഴിക്കോട് നാദാപുരത്ത് പുഴയില് കുളിക്കാനിറങ്ങിയ യുവാവ്...
21 Sep 2020 2:00 AM GMTസംസ്ഥാനത്തെ റേഷന്കടകള്ക്ക് ഇന്ന് അവധി
21 Sep 2020 1:36 AM GMTസംസ്ഥാനത്ത് ഇന്നും അതിതീവ്ര മഴ; പത്ത് ജില്ലകളില് ഓറഞ്ച് അലര്ട്ട്,...
21 Sep 2020 1:24 AM GMTരണ്ട് പുതിയ കണ്ടെയ്ന്മെന്റ് സോണുകള്; കോട്ടയം ജില്ലയില് ആകെ 32...
21 Sep 2020 12:50 AM GMT
