സിപിഎം തിരുവനന്തപുരം ജില്ലാ കമ്മിറ്റി ഓഫിസിന് നേരെ ആക്രമണം

തിരുവനന്തപുരം: സിപിഎം തിരുവനന്തപുരം ജില്ലാ കമ്മിറ്റി ഓഫിസിന് നേരെ ആക്രമണം. രാത്രി രണ്ട് മണിക്കായിരുന്നു ആക്രമണം. മൂന്ന് ബൈക്കുകളിലായി എത്തിയ സംഘം കല്ലെറിഞ്ഞെന്ന് ഓഫിസ് ജീവനക്കാര്‍ പറയുന്നു. ഓഫിസിന് മുമ്പില്‍ പാര്‍ക്ക് ചെയ്തിരിന്ന ജില്ലാ സെക്രട്ടറിയുടെ കാറിന് നേരെയാണ് കല്ലെറിഞ്ഞത്. കാറിന്റെ ബോണറ്റിലാണ് കല്ല് പതിച്ചത്.

നേരത്തെ സിപിഎം സംസ്ഥാന കമ്മിറ്റി ഓഫിസായ എകെജി സെന്ററിനെ നേരെ പടക്കം എറിഞ്ഞിരുന്നു. എകെജി സെന്ററിന് നേരെ ആക്രമണം നടത്തിയയാളെ ഇതുവരെ പിടികൂടാനായിട്ടില്ല. അതിനിടേയാണ് ജില്ലാ കമ്മിറ്റി ഓഫിസിന് നേരെ കല്ലേറുണ്ടായിരിക്കുന്നത്.