അനന്യ കുമാരിയുടെ പോസ്റ്റ് മോര്ട്ടം ഇന്ന്; റെനെ മെഡിസിറ്റിയില് നിന്നും വിവരം ശേഖരിക്കും
കളമശേരി മെഡിക്കല് കോളജില് പ്രത്യേക മെഡിക്കല് സംഘമാണ് പോസ്റ്റ്മോര്ട്ടം നടത്തുക.
കൊച്ചി: കൊച്ചിയിലെ ഫ്ലാറ്റില് തൂങ്ങിമരിച്ച നിലയില് കാണപ്പെട്ട ട്രാന്സ്ജെന്ഡര് അനന്യ കുമാരി അലക്സിന്റെ പോസ്റ്റ്മോര്ട്ടം ഇന്ന് നടക്കും. കളമശേരി മെഡിക്കല് കോളജില് പ്രത്യേക മെഡിക്കല് സംഘമാണ് പോസ്റ്റ്മോര്ട്ടം നടത്തുക. അനന്യയുടെ ലിംഗമാറ്റ ശസ്ത്രക്രിയ നടന്ന കൊച്ചിയിലെ റെനെ മെഡിസിറ്റിയില് നിന്നും പോലിസും സാമൂഹ്യനീതി വകുപ്പ് അധികൃതരും വിവരങ്ങള് ശേഖരിക്കും.
കഴിഞ്ഞ ദിവസമാണ് ട്രാന്സ്ജെന്ഡര് ആയിരുന്ന അനന്യ കുമാരിയെ മരിച്ച നിലയില് കണ്ടെത്തിയത്. ലിംഗമാറ്റ ശസ്ത്രക്രിയയെ തുടര്ന്ന് കടുത്ത ആരോഗ്യപ്രശ്നങ്ങള് നേരിടുന്നുണ്ടെന്ന് വ്യക്തമാക്കിയതിനു പിന്നാലെയായിരുന്നു തൂങ്ങി മരിച്ച നിലയില് കാണപ്പെട്ടത്.
എന്നാല്, ചികിത്സാ പിഴവ് സംഭവിച്ചിട്ടില്ലെന്നാണ് ആശുപത്രിയുടെ വാദം. അനന്യയുടെ ആത്മഹത്യയില് ഒന്നാം പ്രതി സര്ക്കാരെന്ന് കെപിസിസി അധ്യക്ഷന് കെ സുധാകരന് ആരോപിച്ചിരുന്നു. ലിംഗമാറ്റ ശസ്ത്രക്രിയയ്ക്ക് കൃത്യമായ മാനദണ്ഡവും സുരക്ഷയുമൊരുക്കാത്ത സര്ക്കാര് സംവിധാനങ്ങളുടെ പരാജയത്തിന്റെ അനന്തരഫലമാണെന്ന് സുധാകരന് കുറ്റപ്പെടുത്തി.
RELATED STORIES
കട്ടപ്പനയിൽ കാട്ടുപന്നി കിണറ്റിൽ വീണു; വനം വകുപ്പ് ഉദ്യോഗസ്ഥരെത്തി...
20 April 2024 10:41 AM GMTത്രിപുരയില് വീണ്ടും വോട്ടെടുപ്പ് നടത്തണമെന്ന് ഇടതുമുന്നണി; പരാതിക്ക്...
20 April 2024 10:40 AM GMTതനിക്കെതിരെ എസ്എഫ്ഐ നടത്തിയത് പ്രതിഷേധമല്ല, ആക്രമണമാണ്: ഗവര്ണര്...
20 April 2024 10:34 AM GMTപക്ഷിപ്പനി; പഞ്ചായത്ത് തല സമിതികള് കൂടി മേല്നടപടികള് സ്വീകരിക്കും: ...
20 April 2024 10:30 AM GMTതൊഴിലാളികളെ രാഷ്ട്രീയവല്ക്കരിക്കും; എസ്ഡിടിയു സംസ്ഥാന പ്രതിനിധി...
20 April 2024 10:27 AM GMTനുണക്ക് സമ്മാനം കൊടുക്കുകയാണെങ്കിൽ ഒന്നാം സ്ഥാനം വിഡി സതീശന് കിട്ടും : ...
20 April 2024 10:26 AM GMT