ബോളിവുഡ് താരം ആസിഫ് ബസ്റ തൂങ്ങിമരിച്ച നിലയില്
ഷിംല: ബോളിവുഡ്-ടെലിവിഷന് താരം ആസിഫ് ബസ്റ(53)യെ ധര്മശാലയിലെ മക്ലിയോഡ്ഗഞ്ചിലെ വാടകകെട്ടിടത്തില് തൂങ്ങിമരിച്ച നിലയില് കണ്ടെത്തി. ബ്ലാക്ക് ഫ്രൈഡേ, പര്സാനിയ, ജബ് വീ മെറ്റ്, ക്രിഷ് 3 തുടങ്ങി നിരവധി ബോളിവുഡ് ചിത്രങ്ങളിലും മോഹന്ലാല് നായകനായ 'ബിഗ് ബ്രദര്' എന്ന മലയാള ചിത്രത്തിലും അഭിനയിച്ചിട്ടുണ്ട്. 'പാതാള് ലോക്' എന്ന ത്രില്ലര് വെബ് സീരീസിലെ അഭിനയം ശ്രദ്ധേയമായിരുന്നു. ഹിമാചല് പ്രദേശിലെ വിനോദസഞ്ചാര കേന്ദ്രമായ മക്ലിയോഡ്ഗഞ്ചില് വാടകയ്ക്കെടുത്ത സ്ഥലത്തെ മുറിയിലാണ് മരിച്ചനിലയില് കണ്ടെത്തിയത്. ഫോറന്സിക് സംഘം സ്ഥലത്തെത്തി. അസ്വാഭാവിക മരണത്തിന് കേസെടുത്ത് പോലിസ് അന്വേഷണം തുടങ്ങി.
1967ല് മഹാരാഷ്ട്രയിലെ അമരാവതിയിലാണ് ആസിഫ് ബസ്റയുടെ ജനനം. 1989ല് അഭിനയിക്കുകയെന്ന മോഹത്തോടെ മുംബൈയിലേക്ക് താമസം മാറി. ഹിന്ദി, ഉര്ദു, ഇംഗ്ലീഷ് നാടകമേഖലയില് ഏറെ ശ്രദ്ധയനായിരുന്നു. ബോളിവുഡ് താരം സുശാന്ത് സിങ് രജ്പുതിനെ ഇക്കഴിഞ്ഞ ജൂണ് 4ന് മുംബൈയിലെ വീട്ടില് ആത്മഹത്യ ചെയ്ത നിലയില് കണ്ടെത്തിയത് ബോളിവുഡില് വന് വിവാദങ്ങള്ക്കു വഴിവച്ചിരുന്നു. ഇതിനുപിന്നാലെയാണ് മറ്റൊരു ബോളിവുഡ് താരം കൂടി ജീവനൊടുക്കിയത്.
Actor Asif Basra Found Dead At Dharamshala House
RELATED STORIES
ടി.ജി നന്ദകുമാറില് നിന്ന് 10 ലക്ഷം വാങ്ങിയെന്ന് സമ്മതിച്ച് ശോഭാ...
23 April 2024 2:14 PM GMTകുഞ്ഞാലിക്കുട്ടിയെ ശോഭാ സുരേന്ദ്രന് കണ്ടു; കെ മുരളീധരനെയും സമീപിച്ചു; ...
23 April 2024 1:54 PM GMTകളമശേരി സ്ഫോടനം: കോടതിയിൽ കുറ്റപത്രം സമർപ്പിച്ചു
23 April 2024 12:04 PM GMTകെജ് രിവാളിനും കെ കവിതക്കും ജയിൽ മോചനമില്ല; ജുഡീഷ്യൽ കസ്റ്റഡി...
23 April 2024 11:46 AM GMTതിരഞ്ഞെടുപ്പ് പ്രചാരണത്തിന് ആരെയും ചുമതലപ്പെടുത്തിയിട്ടില്ല;...
23 April 2024 11:44 AM GMTസൂറത്തിലെ കോണ്ഗ്രസ് സ്ഥാനാര്ഥിയെ കാണാനില്ല; ബിജെപിയില്...
23 April 2024 11:34 AM GMT