ഗള്ഫില് നിന്നെത്തിയ യുവാവിന് മങ്കിപോക്സ് ലക്ഷണങ്ങള്; പരിയാരം മെഡിക്കല് കോളജ് ആശുപത്രിയില് പ്രവേശിപ്പിച്ചു
വിദേശത്തു നിന്നെത്തിയ യുവാവാണ് ചികിത്സയിലുള്ളത്. യുവാവിനെ നിരീക്ഷിക്കുകയാണെന്നും സ്രവം പരിശോധനക്കയച്ചിട്ടുണ്ടെന്നും ആശുപത്രി അധികൃതര് അറിയിച്ചു.
കണ്ണൂര്: മങ്കിപോക്സ് ലക്ഷണങ്ങളുമായി യുവാവ് കണ്ണൂര് പരിയാരം മെഡിക്കല് കോളജ് ആശുപത്രിയില് ചികിത്സയില്. വിദേശത്തു നിന്നെത്തിയ യുവാവാണ് ചികിത്സയിലുള്ളത്. യുവാവിനെ നിരീക്ഷിക്കുകയാണെന്നും സ്രവം പരിശോധനക്കയച്ചിട്ടുണ്ടെന്നും ആശുപത്രി അധികൃതര് അറിയിച്ചു.
മംഗളൂരു വിമാനത്താവളം വഴിയാണ് ഇയാള് ഗള്ഫില് നിന്നും കഴിഞ്ഞ ദിവസം നാട്ടില് എത്തിയത്. ആശുപത്രിയില് പ്രത്യേകം സജ്ജമാക്കിയ ഐസൊലേഷന് മുറിയില് നിരീക്ഷണത്തില് കഴിയുകയാണ് യുവാവിപ്പോള്. സ്രവത്തിന്റെ പരിശോധനാഫലം വന്നാല് മാത്രമേ മങ്കി പോക്സ് സ്ഥിരീകരിക്കാനാവൂ.
മങ്കിപോക്സ് ഭീഷണിയുടെ പശ്ചാത്തലത്തില് വിമാനത്താവളങ്ങളില് ഇന്നുമുതല് നിരീക്ഷണം ശക്തമാക്കും. ലക്ഷണങ്ങളുള്ളവര് എത്തുന്നുണ്ടോയെന്ന് സ്ക്രീന് ചെയ്യും. ഇതിനായി കണ്ണൂര് വിമാനത്താവളത്തില് പ്രത്യേക സൗകര്യങ്ങള് ഒരുക്കി. പ്രത്യേക സുരക്ഷാ മുന്കരുതലുകള് സ്വീകരിക്കണമെന്ന് എല്ലാ വിമാനത്താവളങ്ങളിലും ജീവനക്കാര്ക്ക് നിര്ദേശം നല്കിയിട്ടുണ്ട്.
കേരളത്തിലാണ് ഇന്ത്യയില് ആദ്യമായി മങ്കി പോക്സ് സ്ഥിരീകരിച്ചത്. വിദേശത്തു നിന്ന് എത്തിയ കൊല്ലം സ്വദേശിക്ക് ജൂലൈ 14നാണ് മങ്കി പോക്സ് സ്ഥിരീകരിച്ചത്. തിരുവനന്തപുരം മെഡിക്കല് കോളജില് ചികിത്സയിലുള്ള യുവാവിന്റെ ആരോഗ്യനില തൃപ്തികരമാണ്. നിരീക്ഷണത്തിലുള്ള മറ്റാര്ക്കും ഇതുവരെ രോഗലക്ഷണങ്ങള് കണ്ടെത്തിയിട്ടില്ല.
RELATED STORIES
അഞ്ചുവര്ഷത്തിനിടെ ബെംഗളൂരു സൗത്തിലെ ബിജെപി എംപിയുടെ സ്വത്ത്...
25 April 2024 5:41 PM GMTപരീക്ഷാപേപ്പറില് 'ജയ്ശ്രീറാം' എന്നെഴുതിയ വിദ്യാര്ഥികള്ക്ക്...
25 April 2024 1:05 PM GMTപട്നയില് ഹോട്ടലില് വന് തീപിടിത്തം; ആറുമരണം
25 April 2024 11:53 AM GMTമസ്ജിദിനു നേരെ 'അമ്പെയ്ത' ഹൈദരാബാദിലെ ബിജെപി സ്ഥാനാര്ഥിയുടെ ആസ്തി 221 ...
25 April 2024 11:03 AM GMTവിദ്വേഷ പ്രസംഗം; പ്രധാനമന്ത്രിയോട് വിശദീകരണം തേടി തിരഞ്ഞെടുപ്പ്...
25 April 2024 7:43 AM GMTപ്രധാനമന്ത്രിയുടെ പ്രസംഗം എക്സ് ഹാന്റിലിൽ പങ്കുവെച്ചു; ബിജെപിക്കെതിരെ...
25 April 2024 7:34 AM GMT